February 23, 2019

Samsung Galaxy S10

                    සැම්සුන් සමාගමේ Galaxy S දුරකථන මාදිලි පෙලේ දසවෙනි වසර සම්පූර්ණ කරමින් එහි අලුත්ම නිපැයුම වෙන Samsung Galaxy S10 දුරකථනය පසුගිය 20 වෙනිදා එළිදක්වනු ලැබුවා. 
            S10 හි තිරය අඟල් 6.1 ක තිරයක් වන අතර එය දුරකථනයේ 93.1% පමණ තිබෙන විදිහට එහි දාරය ඉතාමත් කුඩාවට නිර්මාණය කර තිබෙනවා.සැම්සුන් හැමදාමත් ඇපල් දුරකථන මෙන්ම අනෙක් දුරකථන වලත් තිරයේ තිබුණ notch එකට වැඩි කැමත්තක් දැක්වූයේ නෑ. ඒ විතරක් නෙවෙයි notch එක විහිලුවට ලක් කරලා දැන්වීම් පවා Samsung සමාගම නිකුත් කරලා තිබුණා. 
             ඒ අනුව යමින් ඉදිරි කැමරාවට පමණක් කුඩා සිදුරක් ඉතිරි කර ඉතිරිය තිරයට යොදාගෙන තිබෙනවා. එය Honor View 20 දුරකථනයට සමානයි.ලෝකයේ ප්‍රථමවරට ultrasonic ශබ්ධ තරංංග මගින් ක්‍රියා කරන fingerprint scanner එකක් S10 සතුයි. පිටුපස කැමරාව කැමරා 4 ක් දක්වා ද, ප්‍රධාන මතකය 1TB, රැම් මතකය 12GB දක්වාද S10 දුරකථනයේ පවතියි. Snapdragon 855 නවතම චිප් පද්ධතියෙන් හා Android Pie මෙහෙයුම් පද්ධතියෙන් S10 දුරකථනය බලසම්පන්න කර ඇත. තවත් විශේෂම කරුණ වන්නේ දුරකතන සන්නිවේදනයේ නවතම 5G තාක්ෂණයටද මෙය සහය දැක්වීමයි. මෙය S මාදිලියේ ප්‍රථම 5G දුරකථනයයි. සුපුරුදු පරිදි 3.5mm Headphone jack එක සමග USB type-C පෝට් එකක් දැකගන්න පුළුවන්.
                ඉදිරිපස කැමරාව normal, telephoto හා new ultra-wide ලෙස ෆොටෝ ලබා ගත හැකි ලෙන්ස් 3ක් ඇති කැමරාවක්. පිටුපස කැමරාව 16MP + 12MP + 12MP ලෙස කැමරා 3 ක් ඇත. එසේම S10 සමග එන විශේෂාංගයක් විදිහට Wireless PowerShare පහසුකමෙන් තවත් ෆෝන් එකක් චාර්ජ් කරගන්න හරි Galaxy Buds චාර්ජ් කරගන්න යොදා ගන්න පුළුවන්. මේ සියල්ල සමග දුරකථනයේ ක්‍රියාකාරිත්වයට 3,400mAh ක බැටරියක් පවතිනවා. Galaxy S10, S10 plus, S10E,S10 5G විදිහට සංස්කරණ 4 ක් යටතේ හා White,Black, Green, Blue, Canary Yellow යන වර්ණ වලින් ලබා ගන්න පුළුවන්.

SAMSUNG GALAXY S10 SPECS
Weight: 157g
Dimensions: 149.9 x 70.4 x 7.8mm
OS: Android 9
Screen size: 6.1-inch
Resolution: QHD+
CPU: Octa-core chipset
RAM: 8GB
Storage: 128/512GB
Battery: 3,400mAh
Rear camera: 16MP + 12MP + 12MP
Front camera: 10MP    

February 5, 2019

Google + අවසන් ගමනට සැරසෙයි

                                                            ලෝකය පුරා විසිරී සිටින බොහෝ දෙනෙක් මිතුරන් කිරීමට, එකිනෙකා හඳුනා ගන්නට අඩිතාලමක් වෙන්නට සමාජ ජාලවලට (Social Media)  පුළුවන් උනා. සමාජ ජාල ගැන කතා කරද්දි උඩටම එන නම් අතර ගූගල් ප්ලස් තියෙනවා. ඒත් මේ අවුරුද්දේ අප්‍රේල් 2 වෙනි දා පටන් ගූගල් සමාගම තීරණය කරලා තියෙනවා ගූගල් ප්ලස් සේවාව නවතා දමන්නට.
                       ගූගල් ප්ලස් පටන් ගත්තේ මීට අවුරුදු 7 කට කලින් 2011 ජූනි 28 වෙනිදා. ඒ කලින් තිබුණ ගූගල් බස් (Google Buzz) සේවයේ ප්‍රතිස්ථාපනයක් විදිහට. අනෙක් Social Media වලට වඩා ගූගල් ප්ලස් වෙනස් උනේ circles කියන විශේෂාංගය නිසයි. Circles නිසා අපි කැමති අයට friend requests යවන්නේ නැතුව ඒ අයව "family" ,"friends" වගේ කණ්ඩායම් කරලා තියන්න පුළුවන් වුණා.
                         
                       ගූගල් ප්ලස් නවත්වා දමන්න ප්‍රධාන හේතුවක් වුණේ ආරක්ෂක දුර්වලතාවයකින් 2018 මාර්තු මාසයේ සිදවුණ මිලියන් 52 කගේ පරිශීලක දත්ත අනාවරණයි. ගූගල් සමාගම කියන විදිහට දැනට භාවිතා කරන පිරිසෙනුත් 90% ක් ගේ රැඳී සිටන කාලය තත්පර 5 ක් වැනි ඉතා කුඩා කාලයක් බවයි. ව්‍යාපාරික අවශ්‍යතා මත සේවකයන් සමග සබඳතා පවත්වාගෙන යන පරිශීලකයන්ට සේවාව තවදුරටත් පවත්වාගෙන යන්නට ගූගල් සමාගම තීරණය කර තිබෙනවා.

                       මේ විදිහට ප්ලස් සේවාව වසා දමන නිසා එහි පවතින පරිශීලක දත්ත ඩවුන්ලෝඩ් කරගැනීමට හැකියාව ලබා දීලා තියෙනවා. මෙන්න මේ ලිංක් එකෙන් ගිහින් තමන්ට අදාල දත්ත ඩවුන්ලෝඩ් කරගන්න පුළුවන්. කොහොම උනත් Google Photos වලට බැකප් කරලා තියෙන පින්තූර, වීඩියෝ ඉවත් නොවෙනු ඇති.
                         ඒ වගේම ප්ලස් සේවාව භාවිතා කරන මෘදුකාංඟ නිර්මාපකයන්ට ද මින් ඉදිරියට ඒ සේවා භාවිතා කල නොහැකි වේවි. එසේම බ්ලොගර් තුලද මින් ඉදිරියට භාවිතා වුණ +1 Button, Google+ Followers  හා Google+  Badge යන  Google+ widgets බ්ලොගර් තුලින් ඉවත්ව යනු ඇත. Google+ Comments බ්ලොගර් Comments ලෙස වෙනස් කරගැනීමට හැකියාව තිබුණත් Google+ ලිපි වල ඇති comments ලබා ගැනීමට නොහැකිය. එසේම දැනට ගූගල් ප්ලස් ප්‍රොෆයිලය භාවිතා කරන අයට ඉදිරියේදී බ්ලොගර් ප්‍රෝෆයිලය භාවිත කිරීමට සිදුවේ.
                       අන්තර්ජාලය තුල පෙරලියක් කර තිබුණත් ගූගල් සමාගමට ලෝකයට ගැලපෙන විදිහට Social Media Network එකක් නිර්මාණය කිරීම අතින් දිගින් දිගටම අසමත් වී තිබෙනවා. සුපුරුදු ලෙස තවමත් Facebook පෙරමුණේ සිටින අතර මින් පසු ගූගල් සමාගම තවත් සේවාවක් අරඹනවාදැයි තවම තොරතුරු නැත.

February 2, 2019

අඩු වියදම් සෝලා ප්‍රොජෙක්ට් එකක් - 5

              වියදම අඩුවෙන් වැඩි වැඩක් ගන්න පුළුවන් සෝලා ප්‍රොජෙක්ට් එක ගැන මීට කලින් කොටස් හතරකින් (1,2,3,4) විස්තර කලා. මේ පෝස්ට් එකෙන් විස්තර වෙන්නෙ 12V විදුලිය 230V බවට හරවන්නෙ කොහොමද කියලා. 
                       ගෙදර තියෙන සමහර උපකරණ 12V වලින් වැඩ කලාට සමහර ඒවා වැඩ කරන්නෙ 230V වලින් විතරයි. ඒ නිසා දවල් කාලෙට වගේම විදුලි විසන්දි වීමකදි උනත් විසන්දි වෙන්නෙ නැතුව උපකරණ පාවිච්චි කරන්න පුළුවන්.
SMPS inverter
               මේ වැඩේ සරලවම කරන්න පුළුවන් ක්‍රමයක් තමයි 12V ~230V SMPS inverter අරගෙන හයි කරගන්න එක. තව ක්‍රමයක් තියෙනවා ඒ පරණ UPS එකක් සෙට් කරන එක. මං කලේ මේ ක්‍රම දෙකෙන් දෙවෙනි එක. මේ දෙකේම වාසි, අවාසි තියෙනවා.
UPS එකක්
SMPS inverter එකක් නම් ප්‍රධාන විදුලිය විසන්දි වුණාම වැඩ කරන්න වෙනම circuit එකක් හදන්න වෙනවා. හැබැයි UPS circuit එකක මේක තියෙනවා.
* UPS inverter එකක තරමක් රත් වෙන නිසා SMPS inverter එකකට වඩා විදුලිය හානි වෙන්න පුළුවන්.
*  SMPS inverter කට වඩා අඩුවෙන් UPS inverter එකක් අඩුවට හොයාගන්න පුළුවන්.
          මේ තියෙන්නෙ 12V DC විදුලිය 230V AC වලට පරිවර්ථනයට ගත්ත පරණ UPS එක. මේක පිටකොටුවෙන් ගන්නකොට පිටත ආවරණය තිබුණෙ නෑ. ඒ නිසා ඒකට වෙනම ආවරණයක් හදන්න ඕනි වුණා. සර්කිට් එකයි ට්‍රාන්ස්ෆෝමර් එකයි ගෙදර ගෙනත් 12V බැටරියට තියලා චෙක් කරලා බැලුවා වැඩද කියලා. ඒක හරිගියාට පස්සේ මේ Circuit එක අයින් කරන Computer Power Supply Unit එකක හයි කරන්න හිතා ගත්තා. ඒත් ඒක හිතන තරම් ලේසි වුණේ නෑ පිංවතුනි!

           Power Supply Unit එකට වඩා UPS එකේ Circuit එක දිගින් වැඩි වුණ නිසා Circuit එකට හානියක් නොවෙන්න ට්‍රාන්සිස්ටර් වලට තිබුණු Heat Sink එකේ කොටසක් එක්ක Circuit එකේ කොටසක් කපලා දාන්න උනා. ඊට පස්සේ මේකේ ට්‍රාන්ස්ෆෝමර් එක Power Supply Unit එකේ casing එකට තහඩු කෑලි දෙකකින් හයි කෙරුවා.ඒත් එක්කම inverter circuit එකේ තිබුණ ස්විච් එකයි LED 3යි වයර් වලින් Casing එකේ ඉස්සරහින් හයි කරා. UPS එකේ තිබුන power output socket එකත් casing එකට හයි කරා 230v ගන්න.තව circuit එකේ තිබුණ piezo speaker එකත් ගැලෙව්වා .දැන් වැඩේ හරි.!
               රූප වලින් පෙන්නලා තියෙන්නෙ එහෙම හදපු inverter එක. දැනට ප්‍රධාන විදුලි බිඳ වැටීමකදි on වෙන්න නම් හදලා නෑ. ඒත් දවල් කාලයට ලැප්ටොප් එක චාර්ජ් කරගන්න, Circuit පාස්සන්න බවුත් එක රත් කරගන්න වගේ වැඩ වලට මේක හොඳටම ඇති. මතක තියා ගන්න ඕනි තව වැදගත් දෙයක් තමයි inverter එකේ වොට් ප්‍රමාණය. inverter එකට ආවට ගියාට උපකරණ හයි කරන්නෙ නැතුව වොට් ප්‍රමාණයට ගැලපෙන විදිහට උපකරණ එකතු කරන්න ඕනි. උදාහරණයකට මේ inverter එක 600W නිසා උපකරණ ඔක්කොම එකතුව 600W වලට අඩු වෙන්න ඕනි. ප්‍රශ්ණ, ගැටලු තියෙනවා නම් අහන්න.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.