May 23, 2019

Install වෙන්නෙ නැති Arduino Compatible එකක් install කරගන්න විදිහ

Arduino එකක් ගන්නකොට සමහර විට පොඩි ගැටලුවකට මුහුණ දෙන්න වෙනවා. ඒ මිලෙන් වැඩි original එකක් ගන්නවද එහෙමත් නැත්නම් ඒ වැඩේම කරන්න පුළුවන් compatible එකක් ගන්නවද කියලා. කොහොමහරි සල්ලිත් මදි වෙලා compatible එකක් ගත්තයි කියමුකෝ! දැන් ඕක ගෙනත් computer එකට සෙට් කරාම තමයි ඊළඟ ප්‍රශ්ණෙ එන්නෙ. කොච්චර ගලව ගලව හයි කරත් Arduino IDE එකෙන් අඳුරගන්නෙ නෑ. ඉතිං මේ ගැටලුව හදාගන්නෙ කොහොමද කියල තමයි මේ වීඩියෝ එකෙන් කියලා දෙන්නෙ.

May 21, 2019

ගූගල් වෙතින් හුවාවි වෙත තාවකාලික සහනයක්

               ගූගල් සමාගම විසින් සිය සේවාවන් හුවාවි සමාගමට ලබා දීම අත්හිටුවීමත් සමග, හුවාවි සමාගම දැඩි අර්බුදයකට මුහුණ දුන්නා. ගැටලුව තවත් වැඩි කරමින් Intel හා Qualcomm යන සමාගම් ද සිය චිප් හා අනෙකුත් දෘඩාංග සැපයීම තාවකාලිකව නවතා දැමුවා. 
                 මේ අතර අගෝස්තු මාසයේ මැද දක්වා ඇන්ඩ්‍රොයිඩ් අප්ඩේට්ස් ලබා දීමට තාවකාලික අවසරයක් ගූගල් සමාගම ලබා දී තිබෙනවා. දැනගැනීමට ලැබෙන හැටියට අනෙකුත් ඇමරිකානු සමාගම් වලටද හුවාවි වෙත මේ සහය ලබා දීමට හැකියාව පවතිනවා. 
        ඒ එක්කම ගූගල් ප්ලේ සේවාවන්ද එලෙසම මේ කාලය ඇතුලත ලබාගැනීමට පුලුවන්. කොහොම උනත් මේ අවසරයත් අගෝස්තු 19 පසු අවලංගුවනවා. මේ කාලය ඇතුලත යම් එකඟතාවයකට එන්න හුවාවි සමාගමට නොහැකි වුවහොත් නැවතත් අතරමැද සිරවීමට ඔවුන්ට සිදුවනු ඇත. 
          හුවාවි සමාගමට ඉන්ටෙල් හා ක්වාලකොම් සමාගම් චිප් සැපයීම නවතා දැමුවද, ඔවුන්ගේම චිප් තාක්ෂණයක් (Kirin chipset) දැනටමත් ඔවුන් සතුව ඇත. මෙතෙක් කල් එය nova 3i වැනි hi-end දුරකථන සඳහා භාවිත කලත්, mid-range දුරකතන සඳහා ද එම තාක්ෂණය භාවිතා කිරීමට හැකිවනු ඇති. Kirin චිප් පද්ධතිය Qualcomm හා Snapdragons සමග තරඟ කිරීමට තරම් බලසම්පන්න බව දැනටමත් ඔප්පු කොට තිබේ. එහෙත් හුවාවි යනු හුදෙක් දුරකතන පමණක් නිර්මාණය කරන සමාගමක් නොවේ. ඒ නිසා උදාහරණයක් ලෙස ලැප්ටොප් සඳහා ප්‍රොසෙසර් සෑදීමට තරම් තාක්ෂණයක් ඔවුන් සතුව නොමැති නිසා AMD වැනි සමාගම් වලට යොමු වීමට සිදුවේවි. 
http://www.hisilicon.com/
          හුවාවි සමාගම ඉතා ප්‍රබල තාක්ෂණික සමාගමක් විදිහට ඉහලට ආවේ ඇපල් සමාගමද පසුකර ලෝකයේ වැඩියෙන්ම දුරකතන අලෙවියේ දෙවන ස්ථානයට පත්වෙමිනි. ඔවුන්ගේ ඊළඟ අරමුණ වූයේ 2020 දී ලෝකයේ ලොකුම දුරකතන නිෂ්පාදකයා බවට පත්වීමයි.
       ඇමරිකාවට, චීනය සමග තිබෙන සීතල යුද්ධයට මෙය තදින්ම දැනෙන්නට ඇත. ඇත්තෙන්ම හුවාවි සමාගමට ඇමරිකාව අතහැර සිය වෙළඳාම සිදුකල හැක. නමුත් ගැටලුව වන්නේ ඇන්ඩ්‍රොයිඩ් නොමැතිව මේ දුරකතන ලබා ගැනීමට ලෝකයා කැමති වේවි ද? එසේ නම් ඔවුන්ට ඇන්ඩ්‍රොයිඩ් පරයා යන හෝ ඊට තරඟයක් දිය හැකි මෙහෙයුම් පද්ධතියක් සැකසීමට අනිවාර්‍යයෙන් ම සිදුවේ.

Updated : හුවාවි හට SD card ද අහිමි වෙයි!

May 20, 2019

හුවාවි සමාගමට ගූගල් සහය නවතා දමයි!

                     ඇමරිකාව විසින් හුවාවි සමාගම ඇතුලු තවත් සමාගම් කිහිපයක් අසාදු ලේඛනගත (Black List) කිරීමත් සමග ගූගල් සමාගම විසින් ද හුවාවි සමග කරන ගණුදෙනු හා ලබා දෙන සහයෝගය නවතා දැමීමට තීරණය කර තිබෙනවා.
                දුරකථන ලෝකයේ නම් දරා සිටින ප්‍රකට සමාගමක් වන හුවාවි සමාගමට සිදුවූ දරුණු පහරක් විදිහට මේ ආකාරයෙන් ගූගල් සමාගම විසින් සිය සේවාවන් නවතා දැමීම බලපා තිබෙනවා. ඒ අනුව ඉදිරියට නිකුත්වන හුවාවි දුරකතන සඳහා ඇන්ඩ්‍රොයිඩ් මෙහෙයුම් පද්ධතිය ඇතුලත් නොවනු ඇති. ඇමරිකාව මෙසේ අසාදු ලේඛන ගත කර ඇති නිසා මින් ඉදිරියට රජයේ අනුමැතියකින් තොරව කිසිඳු හුවාවි උපාංඟයක් හෝ කොටසක් එරටට ගෙන්වීම එහි සමාගම් වලට තහනම් වේ.
         මේ තහනමත් සමග හුවාවි සමාගම හට ඇන්ඩ්‍රොයිඩ් මෙහෙයුම් පද්ධතිය අප්ඩේට් ලබා ගැනීම මෙන්ම ඉදිරි දුරකතන සඳහා භාවිත කිරීම, ගූගල් ප්ලේ (Google Play) වලින් ලබා දෙන ජීමේල්, ක්‍රෝම්, යූ ටියුබ් වැනි ඇප් ද භාවිතා කිරීමට නොහැකි වේ. එහෙත් දැනට භාවිතාවේ ඇති හුවාවි දුරකතන සඳහා මෙය බල පාන්නෙ නැති බව ගූගල් සමාගමද ට්විටර් පණිවිඩයක් නිකුත් කරමින් කියා සිටියි. තවමත් ඇන්ඩ්‍රොයිඩ් ඕපන් සෝස් ප්‍රොජෙක්ට් එක යටතේ එයට පිවිසීමට හැකියාව ඇතත් ගූගල් ප්ලේ සේවාව නොමැතිව එයින්ද පලක් නොවේ.
         මෙසේ ගූගල් සේවා තහනම් වන බවට කලින්ම ඉගි ලැබී තිබුණ බැවින් හුවාවි සමාගම තමන්ගේම මෙහෙයුම් පද්ධතියක් නිර්මාණය කිරීම මීට කලින්ම පටන් ගෙන තිබුණි. මින් ඉදිරියට බොහෝවිට එය සමග ඉදිරි දුරකථන පැමිණෙනු ඇත. එහෙත් අනෙක් දුරකතන සමග සම්බන්ධ කිරීමේ ගැටලු වැනි ඉන් ඇතිවෙන අතුරු ප්‍රතිඵල ගැන තවමත් අවිනිශ්චිතය.
             කොහොම වුනත් ගූගල් සමාගම විසින් මෙසේ සිය සේවාවන් නවතා දැමූ එකම සමාගම හුවාවි පමණක් නොවේ. චීනයේම ZTE සමාගමද මීට පෙර මෙම වාරණයට ලක්වූ සමාගමකි. එසේම සැම්සුන් සමාගමද ටයිසන් නමින් ඔවුන්ගේම මෙහෙයුම් පද්ධතියක් තැනීම දැනටමත් අරඹා ඇත.

Update (2019/05/25):
         මේ අතර ඇමරිකාවේම සමාගමක් වන SD Association (SDA) ආයතනය ද හුවාවි සමාගම සමග තිබූ සබඳතා නවතා දැමුවා.
                                         SD Association යනු SD හා microSD card සඳහා වගකීම දරන හා එය ප්‍රමිතිගතකරන ආයතනයයි. SDA විසින් මෙසේ සබඳතා නැවැත්වීමත් සමග හුවාවි සමාගමට මින් ඉදිරියට SDA සන්නාමය භාවිතා කිරීමත්, එම උපාංග වල ප්‍රමිතිය සැකසීමත් නැතිවී යනවා. නමුත් මේ තීරණය දැනට මිලදී ගෙන ඇති සහ වෙළඳපොලේ පවතින කිසිඳු හුවාවි උපාංඟයකට මේ නිසා බලපෑමක් සිදු නොවේ.
                             SD හෝ microSD card වෙනුවට ඔවුන්ගේම තාක්ෂණයෙන් නිපදවූ Nano Memory Card දැනටමත් හුවාවි සමාගම නිපදවන නිසා බොහෝ විට ඉදිරියට එන උපාංඟ වලටද NM Cards යොදා ගැනීමට හුවාවි සමාගම ක්‍රියා කරාවි. මේ memory card එක මගින් සිම් දෙකක් සමග microSD card බාවිතා කිරීමට නොහැකි වීම නැති වී යනවා .මේ යන ලෙස ගිය හොත් හුවාවි සමාගමට සිය රටේම සොයා ගන්නා තාක්ෂණයෙන්ම පමණක් දුරකතන නිපදවීමට සිදුවනු ඇත. ඇමරිකාව හා චීනය අතර ලෝක බලවතුන් වීමේ සීතල යුද්ධයේ ප්‍රථිඵලයක් ලෙස මෙසේ ලොව පුරා නමක් දරා සිටි අනර්ග සමාගමක් මෙසේ දැඩි අර්බුදයකට ලක්ව ඇත.

May 12, 2019

වින්ඩෝස් Startup වල එන Check Disk අක්‍රිය කරන හැටි

                                වින්ඩෝස් වලින් වැඩ කරන පරිගණක වල හාඩ් ඩිස්ක් එකේ ඇතිවෙන දෝෂ නිරාකරණය කරන්න Disk Cleanup, Disk Defrag වගේ විවිධ වැඩසටහන් ඇතුලත් කරලා තියෙනවා. ඒ අතරින් එකක් තමයි Check Disk කියන්නේ.
                                 සමහර වෙලාවට පරිගණකය නියමිත විදිහට Shut Down වුණේ නැත්නම් මේ Check Disk එක වින්ඩෝස් පටන් ගත්දි ඒ කියන්නේ පරිගණකය on කරනකොට run වෙලා Hard Disk එකේ එක partition හරි, කීපයක් හරි scan කරනවා. ඒත් සමහර වෙලාවට මේක පරිගණකය on  හැම වෙලාවකම එන්න පටන්ගන්නවා. අන්න එහෙම වුණු වෙලාවක ඒක හදාගන්න විදිහ තමයි මේ. වැඩේ හරියටම තේරෙන්න video එකක් විදිහට විස්තර කරලා තියෙනවා.



එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.