November 16, 2014

කන දේ කනෙන් ඇසීම | BitBite උපාංගය

           ශරීර සෞඛ්‍ය යහපත් ව පවත්වාගෙන යන්න විවිධාකාරයේ උපාංඟ ලෝකයේ නිපදවෙනවා. මේ කියන්නෙ ඒ වගේ ටිකක් වෙනස් ආකාරයේ  උපාංඟයක් ගැනයි.
බිට්බයිට් (BitBite) තමයි මේ උපාංගය. සාමාන්‍යයෙන් අපි කෑම කන කොට සැපීම ගැන එච්චර අවධානයක් යොමු කරන්නෙ නෑ. ඒ උනත් ආහාර ජීර්ණයට මේක වැදගත්. මේ උපකරණයෙන් අපි ආහාරයක් ගන්න අවස්ථාවේ දී එය සපන ආකාරය ගැන අසාගෙනම කන්න පුලුවන්. ඒ විතරක් නෙවෙයි ස්මාර්ට් ෆෝන් ඇප් එකක් මඟින් මේ දත්ත එකතු කර එහි විශ්ලේෂණය කර එමගින් සපන ලද වාර ගණන හා එයට වැයවූ කැලරි ප්‍රමාණය ආදියෙහි විස්තරයක් ලබා ගන්න පුලුවන්.
මේ සියල්ල තිබුණද BitBite උපාංගය අවුන්ස 3 ක් පමණ බ‍රැති කනේ ‍රැඳවිය හැකි කුඩා උපාංගයකි. එහි ඇති මයික් හා අනෙකුත් සංවේදක මඟින් ශබ්දය ‍රැස්කර ගනු ලබයි.    එසේම මෙය සමග ලබාදෙන USB චාජරය භාවිතයෙන් වරක් ආරෝපණය කරගත් පසු පැය 3-4 කාලයක් භාවිත කල හැකි බවයි ආරංචි.. අවශ්‍ය විට භාවිත කර අවශය නොවන විට අත් පටියක හෝ රඳවා තබා ගත හැකියි.

$159 ලෙස මිල නියම කර ඇති මේ උපාංඟය 2015 දී වෙළඳ පොළට නිකුත් කිරීමට නියමිතයි. ඔහේ කෑම ගිල දමන බඩ පුරවගන්න විතරක් කන අයට නම් මේක හොඳ උපාංඟයක් වේවි!

November 14, 2014

VB 6.0 පොප් අප් මෙනු නිර්මාණය..

විෂුවල් බේසික් වල (VB) අපිට මෙනු යොදා ගන්න පුලුවන් කියල දන්නවනේ. මම මේ පෝස්ට් එකෙන් ඒ යොදා ගන්න මෙනු පොප් අප් විදිහට ගන්න කොහොමද කියලා. පහලින් තියෙන ලින්ක් එකෙන් සෝස් කෝඩ් එක ඩව්න්ලෝඩ් කරගන්න පුලුවන්.  ඩව්න්ලෝඩ් කරගන්න සිප් ෆයිල් එක එක්ස්ට්‍රෑක් කරලා බලන්න. මේ ප්‍රොජෙක්ට් එක ඕපන් කරගන්න විෂුවල් බේසික් 6.0 (VB 6.0) කොම්පියුටරයේ තියෙන්න ඕනි. ගැටලු තියෙනවනම් කමෙන්ට් එකක් දාන්න....

November 9, 2014

ඉවතලන ෆෝන් බැටරියකින් ටෝච් එකක්...

මොබයිල් ෆෝන් වල තියෙන බැටරිය කලක් ගත වීමේදී ඉක්මනින් බැසයන්න පටන් ගන්නවා. ඉතින් ඒක අයින් කරලා අලුත් බැටරියක් දාන්න ඕනි. එතකොට පරණ බැටරිය... ඒක අහකට දානවා...  එහෙම කරන්න එපා. මේ පෝස්ට් එකෙන් කියල දෙන්නෙ බැටරිය එහෙම අහකට දාන්නෙ නැතුව ඒකෙන් පොඩි ටෝච් එකක් හදන විදිහයි. වැඩි වියදමක් යන්නෑ. මට මේකට ගියෙ රු.40/= යි.

මුලින්ම මේ වැඩේට ඕනි උපකරණ ටික බලමු..
  • මොබයිල් ෆෝන් බැටරියක් - බැටරිය ‍තෝරගන්න කොට ඉදිමුණු, තැලුණු බැටරි ගන්න එපා... (මම ගත්තෙ BL-5CA කියන බැටරිය)
  • සුදු LED 4 යි - සුදු LED වර්ග දෙකක් තියෙනවා.සාමාන්‍ය LED එක වගේ එක වර්ගයකුත් LED ටෝච් වලට එන උසින් අඩු දීප්තියෙන් වැඩි LED වර්ගයකුත් තියෙනවා. මේ වැඩේට හොඳ දෙවෙනියට කියපු වර්ගයයි. ඒක නැත්නම් අනෙක් එක හරි ගන්න.
  • පාහනයක් (බවුත් එකක්), ඊයම්
  • මෘදු තහඩු කොටසක්
  • බේලෙඩ් තල කොටසක් - ස්විචය ලෙස භාවිත කරන්නේ මෙයයි.
  • තරමක් ගනකම කොයිල් කම්බි කොටසක් (පරණ ට්‍රාන්ස්ෆොර්මර් තුල ඇත)
  •  පරිවාරක ටේප් (වයරින් ටේප්)
  • අඬුවක්
පරිපථ සටහන
දැන් බලමු කොහොමද මේක හදන්නෙ කියලා
1) මුලින්ම බැටරිය ගෙන එහි ඉදිරිපස ඇති දුරකතනයට සම්බන්ධ වන කොටස අඬුව භාවිතයෙන් ඉවත් කර ගන්න. ඉවත් කිරීමේදී බැටරිය හා පරිපථය සම්බන්ද වන      කුඩා තහඩු කොටස් බැටරියෙන් ගැලවී නොයන පරිදි පරිපථය ඉවත් කරගන්න.
2) රූපයේ පරිදි LED 4 බැටරියේ පි‍ටුපසින් සවි කර ගන්න. එහිදී LED වල සමාන අග්‍ර එක පැත්තට එන පරිදි සම්බන්ද කර ගන්න.

 

3) දැන් එම සමාන අග්‍ර එකිනෙක සම්බන්ධ කර පාස්සා ගන්න.
4) බල්බ් වල (-) අග්‍ර සම්බන්ද කල කොටසට කොයිල් කම්බි කොටසක් ගෙන එහි අගින් එනමලය කොටසක් ඉවත් කර පාස්සා ගන්න. එය බැටරියේ (-) අග්‍රයට සම්බන්ද කර ගන්න.
5) බ්ලේඩ් තල කොටස ගෙන එය පහත හැඩයට කපා එහි මුවහත් කොටසද ඉවත් කර ගන්න.
6) එය නවා එහි අගට කොයිල් කම්බි කොටසක් පාස්සා ගන්න. ඉන් පසු එය LED වල (+) අග්‍රයට සම්බන්ද කල හැකි පරිදි සවි කරගන්න.
7) කුඩා තහඩු කොටස් 2 ක් ගෙන බැටරියේ (+) හා (-) අග්‍ර වලට සම්බන්ද කර ගන්න. බැටරිය නැවත ආරෝපණයට යොදා ගන්නේ මේ 
අග්‍ර දෙකයි.
8) දැන් නිවැරදිව ක්‍රියා කරනේ දැයි බලා පරිවාරක ටේප් ඔතා ගන්න.
ඔන්න ඔහොමයි ඕක හදා ගන්නෙ. හදල බැලුවනම් පෙනෙයි හොඳ එලියක් තියෙනවා. පොඩි හින්දා අරන් යන්නත් ලේහෙසියි.
      මේක එක පාරක් චාර්ජ් කරාම ගොඩක් කල් පාවිච්චි කරන්න පුලුවන්.. චාර්ජ් කියන කොට මතක් උනේ. මම මේක චාර්ජ් කරන්න ගත්තෙ එක්ස්ටනල් චාර්ජරයක් (ගෙම්බ චාර්ජරයක්!). 
     වැඩේ කරල බලන්නකෝ. ප්‍රශ්න ආවොත් කමෙන්ට් එකක් කොටන්නකෝ...! ඉස්සරහට තව මේ වගේ වැඩ කරන්න හිතා ගෙන ඉන්නෙ. හදපු ගමන් පෝස්‍ටුවක් දාන්නන්......!

November 4, 2014

VB 6.0 වලින් ඔරලෝසුවක් හදන විදිහ..

මේක VB 6.0 (Visual Basic) වලින් ලියපු පොඩි ප්‍රෝග්‍රෑම් එකක්.VB වල් තියෙන line tool එක පාවිච්චි කරලා analog clock එකක් නැත්නම් ක‍ටු කැරකෙන ඔරලෝසුවක් හදන විදිහයි. පහල් තියෙන link එකෙන් source code  එක download  කර ගන්න. මොකක් හරි ගැටලුවක් තියෙනවනම් කමෙන්ට් එකක් දාන්නකෝ...!


November 2, 2014

කොම්පියුටරය slow වෙන්නෙ ඇයි..?

       ගොඩක් අය කියන දෙයක් තමයි කාලයක් ගත වීමේදී කොම්පියුටරයේ වේගය කලින් තිබුණට වඩා අඩු වෙනවාය කියන එක. හැබැයි කොම්පියුටරය මෙහෙම ආවට ගියාට slow වෙන්නෑ. මේකට ප්‍රධානම හේතුව තමයි නිසි අකාරයේ නඩත්තුවක් නොතිබීම. සමහර විට වයිරස් හින්දා slow වෙලා කියලා හිතලා ෆෝමැට් කරනවා. ඒත් කොම්පියුටරය slow වෙන්නෙ වයිරස් හින්දම නෙවෙයි .මේ ලිපියෙන් කියන්නේ පරිගණකයක් මන්දගාමී වීමට බලපාන කරුණු කිහිපයක් හා ඒවාට විසඳුම්..
ඩෙක්ස්ටොප් එකේ ෆයිල් ගොඩ ගැසිම...
ගොඩක් අය ලේසියට කරන් දෙයක් තමයි පෙන් ඩ්‍රයිව් එකකින් කොපි කරන දේවල්, නැත්නම් වෙනින් මොනවා හරි ෆයිල් ඩෙස්ක්ටොප් එකට කොපි කරලා තියා ගන්නවා. ඒත් කාලයක් යනකොට මේ ෆයිල් නිසා os එක තියෙන ඩ්‍රයිව් එක ඉබේම පිරෙනවා; ඉතින් මේ නිසා කොම්පියුටරයේ වෙගයට බලපානවා. ඒකට හේතුව තමයි සාමාන්‍යයෙන් os එක තියෙන ඩ්‍රයිව් එකේ තියෙන ඉඩෙන් 10% ප්‍රමාණයක් හිස්ව පැවතිය යුතු වීම. අපි සොෆ්ට්වෙයා එකක් ඉන්ස්ටෝල් කරන කොට ඒ සොෆ්ට්වෙයා සෙටප් එකේ  තියෙන ෆයිල් තාවකාලිකව තබාගැනීමට වගේ කටයුතු වලට මේ හිස් ඉඩ වැදගත්.ඒ නිසා තාවකාලිකව ඩෙස්ක්ටොප් එකට ගත්ත ෆයිල් පසුව වෙනත් ඩ්‍රයිව් එකකට මාරු කල යුතු වෙනවා. 
රෙජිස්ට්‍රිය ,හාඩ් ඩිස්ක් එක ක්ලීන් කිරීම...
සාමාන්‍යයෙන් කොම්පියුටරයෙන් ගොඩක් කල් වැඩකරන කොට අපිට එතරම් වැදගත් වෙනනැති ෆයිල් එක් ‍රැස් වෙනවා. උදාහරණයක් විදිහට වෙබ් බ්‍රව්සර් වලින් එකතුවෙන කුකීස් ටෙම්පරි ෆයිල්ස් වගේ ඒවා නිසා හාඩ් එක නිකරුනේ පිරෙනවා. ඒ නිසා සතියකට සැරයක් වත් Disk Clean up (C: එක උඩ right ක්ලික් කරලා properties ක්ලික් කරන්න) කරන්න ඕනි. තවත් දෙයක් තමයි ඩිස්ක් ඩිෆ්‍රැග් කරන එක. එඩිස්ක් ඩිෆ්‍රැග් කියනනේ තැන් තැන් තියෙන ෆයිල් පිලිවෙලකට හදන එකට.මේකෙන් ෆයිල්,ෆොල්ඩර් තියෙන තැන් වෙනස් වෙන්නෙ නෑ.ccleaner , Advance System Care වගේ සොෆ්ට්වෙයා එකකින් මේ ඔක්කොම වගේ පහසුවෙන් කරගන්න පුලුවන්.

ඕනැ එපා ඔක්කොම දා ගැනීම...
ගොඩක් අය කරන වැඩක් තමයි තමන්ට ලැබෙන හැම සොෆ්ට්වෙයාර් එකක්ම ඉන්ස්ටෝල් කරගන්න එක. මේකත් කොම්පියුටරයේ ඉඩ නිකරුනේ නාස්තිවන වැඩක්. තමාට අවශ්‍යම වෙන සොෆ්ට්වෙයා විතරක් තියෙද්දි අනෙක් ඒවා අයින් කරලා තියෙන එක තමයි හොඳ. තවත් දෙයක් තමයි සොෆ්ට්වෙයා එකක් අයින් කරන කොට ඒක ඉන්ස්ටෝල් කරලා තියෙන ෆෝල්ඩරය ඩිලීට් කරන්නෙ නැතුව අන්ඉන්ස්ටෝල් කරන එක. ඒකට හේතුව තමයි සමහර සොෆ්ට්වෙයා කොම්පියුටරේ os එකත් එක්ක සම්බන්ධතා හදාගෙන තියෙනවා (උදා:- වින්ඩෝස් රෙජිස්ට්‍රිය). ඉතින් ඒවා නියමාකාරයෙන් අයින් වෙන්නෙ අන්ඉන්ස්ටෝල් කිරීමකදී විතරයි. නැත්නම් නොයෙක් එරර් මැසේජස් එන්න වගේම කොම්පියුටරේ ඔන් වෙන්නෙ නැති වෙන්නත් පුලුවන්.
වැඩි ආරක්ෂාවට වයිරස් ගාඩ් දෙක තුනක් දැමීම...
අපි වයිරස් වලින් කොම්පියුටරය ‍රැක ගන්න වයිරස් ගාඩ් එකක් දාගන්නව. ඊට පස්සෙ සමහර අය වැඩි ආරක්ෂාවට එක එක ජාතියෙ ගාඩ් දාගන්නවා. මේ නිසා කොම්පියුටරය මන්දගාමී වෙනවා. වයිරස් ගාඩ් එකක් ක්‍රියාත්මක වෙන්න කොම්පියුටරේ RAM එකෙන් කොටසක් ලබා ගන්නවා. වයිරස් ගාඩ් 2,3ක් දාගත්තාම RAM එකෙන් වැඩි හරියක් ඒවට යනවා. ඉතින් කොම්පියුටරය slow වෙනවා. සමහර අය කියනවා ගාඩ් එක වයිරස් අල්ලන්නෙ නෑ කියලා. ඒක ඉතින් වයිරස් ගාඩ් එකේ දෝෂයක් නම් නෙවෙයි. අලුතෙන් එන වයිරස් හදුනගන්න ඕනම වයිරස් ගාඩ් එකක් අප්ඩේට් කරන්න ඕනි. එහෙම නැතුව ලෝකෙ තියෙන හැම ගාඩ් එකක්ම දාගත්තයි කියලා වෙන සෙතක් නෑ....! කරන්න තියෙන හොඳම දේ තමන්ට හොඳයි කියලා හිතෙන හොඳ ගාඩ් එකක් විතරක් ‍තෝරලා දා ගන්න එක..
ඇතුලත පිරිසිදු ද?
කාලයක් එක තැන් තියෙන කොට කොම්පියුටරයෙ ඇතුලෙ, ඒ කියන්නෙ කේසින් එක ඇතුලෙ දූවිලි, මකුලු දැල් බැ‍ඳෙනවා. ඒ නිසා ප්‍රොසෙසරය හරියට කූල් වෙන්නැති උනෝතින් කොම්පියුටරය slow වෙනවා. ඒ නිසා මාසයකට සැරයක් වත් කොම්පියුටරයෙ ඇතුලත පරික්ෂා කරලා බලන්න.. තවත් දෙයක් කොම්පියුටරය තියන්න ඕනි හොඳින් වාතාශ්‍රය ලැබෙන තැනක. එහෙම නැතුව කොහෙ හරි මුල්ලක තියාගෙන වැඩ කරන එක නම් එච්චර හොඳ දෙයක් නෙවෙයි..
ඉතින් මම මේ කියල තියෙන ඒව වගේ තියෙන වැරදි නිවැරදි කරගන්න පුලුවන්නම් ගොඩක් කල් ගත්ත ගමන්ම වගේ කොම්පියුටරෙන් වැඩ ගන්න පුලුවන් වෙයි...

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.