November 6, 2020

සිංහල යුනිකෝඩ් සිංහල ෆොන්ට් වලට කන්වර්ට් කරමු

          කොවිඩ්-19 වයිරසය පැතිරීමත් එක්ක පාසල් වගේම සමහර විශ්ව විද්‍යාල වසා දමලා. ඒ නිසා බොහොමයක් අධ්‍ය‍යන කටයුතු ඔන්ලයින් ක්‍රමවේද ඔස්සේ සිදුකරන්න වෙලා තියෙනවා. ඒ නිසා ෆෝන් එකෙන් වගේම පරිගණකයත් විවිධ වාර්ථා, පැවරුම් ටයිප් කරගන්න යොදා ගන්න වෙනවා.
            ඒ වෙලාවට තරමක ලොකු වාර්ථාවක් හරි, පැවරුමක් හරි ටයිප් කරගන්න ෆෝන් එකේ වොයිස් ටයිපින් (හෙළකුරු වගේ ඇප් එකකින්) භාවිත කරන්න පුළුවන්. ඒත් එහෙම ටයිප් කරන ටෙක්ස්ට් එකක් වෙනින් සිංහල ෆොන්ට් එකකට වෙනස් කරගන්න බෑ. ඒකට හේතුව මේ ටෙක්ස්ට් එක තියෙන්නෙ යුනිකෝඩ් විදිහට. ඉතිං ඒ වගේ සිංහල යුනිකෝඩ් වලින් ටයිප් කරපු ටෙක්ස්ට් එකක් සිංහල ෆොන්ට් වලට පරිවර්ථනය කරන්නෙ කොහොමද කියලා මේ වීඩියෝ එකෙන් කියලා දෙනවා.

November 4, 2020

කී බෝඩ් එකේ එන කොම්පියුටරය - Raspberry Pi 400

                 පරිගණකයක් කිව්වම ඉස්සර දැකපු පැත්තකින් තියෙන පෙට්ටියක් හැඩේ සිස්ටම් යුනිට් එකයි, තඩි මොනිටරයක් එක්ක කීබෝඩ්, මවුස් අමුණපු ඒ පෙනුම දැන් සෑහෙන්න දුරකට වෙනස් වෙලා. 

raspberrypi.org

           Raspberry Pi කියන ක්‍රෙඩිඩ් කාඩ් එකක් තරම් කුඩා පරිගණකයක් හදන Raspberry Pi Foundation එක ගැන සමහර විට දන්නවත් ඇති. Raspberry Pi කියන්නෙ ARM චිප් එකක් එක්ක (SoC - System On Chip) එන කුඩා පරිගණක මොඩියුලයක්. ගොඩක් වෙලාවට මේක ගන්නෙ IoT, Robotics වගේ project වලටමීට කාලෙකට කලින් Raspberry Pi Foundation විසින් Raspberry Pi 4 උපාංගය හඳුන්වා දුන්නා. ඒක කලින් තිබුණු බෝඩ් වලට වඩා අලුත් දෘඩාංඟ යොදාගෙන තිබුණත් පෙණුමෙන් වෙනසක් වෙලා තිබුණෙ නෑ. ඒත් මේ අවුරුද්දෙ හඳුන්වා දුන්නු Raspberry Pi 400 එක වෙනස්ම විදිහට තමයි හදලා තියෙන්නෙ. වෙනස තමයි කීබෝඩ් එකක් වෙනම එනවා වෙනුවට කී බෝඩ් එක අස්සෙම එන කොම්පියුටරයක්! වැඩ කරන්න ඕනි වෙන්නෙ මවුස් එකක් එක්ක ඩිස්ප්ලේ එකක් විතරයි.

raspberrypi.org

        Raspberry Pi 400 එකට 1.8GHz ARM Cortex-A72 CPU එකක්, 4GB RAM එකක් Gigabit Ethernet, Bluetooth 5.0 හා 802.11ac Wi-Fi සබඳතාවයක් තියෙනවා. ඊට අමතරව 4K/60Hz HDMI පෝර්ට් දෙකක් USB 3.0 පෝර්ට් දෙකක් හා USB 2.0 පෝර්ට් එකක් ඇතුලත් වෙනවා. ක්‍රියාත්මක වෙන්න ඕනි බලය ලබා දෙන්න USB-C පෝර්ට් එකක්, Data Store කරන්න microSD කාඩ් ස්ලොට් එකක් වගේම GPIO header එකක් කලින් සංස්කරණ වල තිබුණු විදිහට ඇතුලත් වෙලා තියෙනවා. ඒත් එක්කම මේකට එන කී බෝඩ් එක සාමාන්‍ය ලැප්ටොප් වලට එන key 78-79 තියෙන කීබෝර්ඩ් එකක්. මේක Raspberry Pi Foundation කලින් නිකුත් කරපු කී බෝඩ් එකට බොහෝ දුරට සමානයි.

        කුඩා දරුවන්ට වගේම IoT, Robotics වැඩ කරන අයට Raspberry Pi කියන්නෙ හොඳ platform එකක්. Arduino හරි microBit හරි යොදාගෙන කරන නිර්මාණ වලට වඩා තරමක් සංකීර්ණ වැඩසටහන් හදන්න Raspberry Pi එක වඩාත් සුදුසුයි. කලින් තිබුණු Raspberry Pi 4 වගේ බෝඩ් වලදි තිබුණු පරිපථ කොටසක් වෙනුවට මේ වගේ කීබෝඩ් එකක් එක්ක එන අලුත් Raspberry Pi 400 එක නිසා ඕනෑම කෙනෙකුට පහසුවෙන් එහා මෙහා ගෙනයන්නත්, පහසුවෙන් වැඩ කටයුතු කරන්නත් හැකියාව ලැබෙනවා. 

makeuseof.com

        Raspberry Pi Foundation කියන විදිහට මේ Raspberry Pi 400 එක හුදෙක් නිර්මාණ කටයුතු වලට පමණක් නොව call center වැනි ස්ථාන වලද භාවිතා කල හැකි බවයි. HDMI පෝර්ට් දෙකක් සහිතව මෙය නිර්මාණය කිරීමට හේතුව ද එය බවයි ඔවුන් පවසන්නේ. ඇත්තෙන්ම මහා පරිමාණයේ වැඩ නොකරන Word Processing , Web browsing , E-mailing වගේ එදිනෙදා වැඩකටයුතු පමණක් සිදුකරන කෙනෙකුට Raspberry Pi 400 යනු ඉතාම සුදුසු පරිගණකයක්. Raspberry Pi 400 හි ආරම්භක මිල $70 වන අතර, අමතර උපාංඟ සමග $100 පමණ මිලකට ලබාගත හැකිය.

November 2, 2020

වින්ඩෝස් පාටිශන් එක හරියට Clean-Up කරන්නෙ මෙහෙමයි

            වින්ඩෝස් ඕඑස් එක තියෙන ලැප්ටොප් එකක් හරි ඩෙස්ක්ටොප් එකක් හරි කාලයක් වැඩ කරන කොට මන්දගාමී වෙනවා. මෙහෙම මන්දගාමී වෙන්න එක හේතුවක් තමයි C: පාටිශන්  නැත්නම් වින්ඩෝස් ඉන්ස්ටෝල් කරලා තියෙන ඩිස්ක් එකේ ඉඩ අඩු වෙන එක. ඒත් වැඩිය සොෆ්ට්වෙයා ඉන්ස්ටෝල් කරන්නෙත් නැතුව මෙහෙම අනවශ්‍ය විදිහට ඩිස්ක් එක පිරෙන්න ඕඑස් එකම බලපාන්න පුළුවන්. ඉතිං ඒ වගේ ඕඑස් එකෙන් ජෙනරේට් වෙන ෆයිල් අයින් කරලා ඩිස්ක් එක Clean-Up කරන හැටි මේ වීඩියෝ එකෙන් බලන්න පුළුවන්.
👉👉මේ වගේ අලුත් වීඩියෝ බලන්න tech සයුර you tube channel එක subscribe කරලා තියාගන්න.👈👈

October 29, 2020

GeForce RTX 3080 පරදන AMD Radeon RX6000

                  AMD සමාගම විසින් සිය Radeon ග්‍රැෆික් කාඩ් පෙළේ නවතම සංස්කරණය Big Navi යන කේත නාමයෙන්  RDNA 2 architecture යටතේ පසුගිය දා එළි දක්වනු ලැබුවා.  Radeon RX 6800 XT, Radeon RX 6800 හා Radeon RX 6900 XT යන ග්‍රැෆික් කාඩ් මෙහිදී ඉදිරිපත් කෙරුනා.
AMD

        මීට දින කීපයකට කලින් AMD සමාගම AMD Zen 3 Ryzen 5000 ප්‍රොසෙසරය එළි දැක්වීමේදී,  ඉදිරියේ මෙම ග්‍රැෆික් කාඩ් නිකුත් කරන බව පැවසූවා. ඒ අනුව මෙම Radeon RX6000 දැන් ඔවුන් විසින් ඉදිරිපත් කර ඇති අතර පෙර පැවති ග්‍රැෆික් කාඩ් වලට වඩා වැඩි බලයක් හා හොඳ ශක්ති පිරිමැසීමක් ද පවතිනවා. එසේම වඩා හොඳ gaming අත්දැකීමක් සඳහා ඔවුන්ගේ real-time ray tracing තාක්ෂණය වැඩි දියුණුවකින් අලුත් Radeon RX6000 සඳහා එක් කර ඇත. මෙය සැබැවින්ම ග්‍රැෆික් කාඩ් ලොව ඉහලින් සිටින Nvidia හි GeForce RTX 3080 ට වඩා ඉතා හොඳ performance එකක් හා අඩු ශක්ති පරිභෝජනයක් පෙන්වා ඇත. මෙය ඉදිරියේ දී Microsoft’s Xbox Series X හා Sony’s PlayStation 5 වැනි උපාංඟ ඔස්සේ ද ලබා ගැනීමට හැකියාව පවතී.

AMD

        අලුත් Radeon RX6000 හි performance-per-watt නැතිනම් "වොට් එකකින් කෙරෙන කාර්ය සාධක අගය" 30% කින් ඉහල නංවා ඇත. කලින් තිබූ mid-range ග්‍රැෆික් කාඩ් එකක් වන Radeon 5700 XT ට වඩා දෙගුණයක වැඩි දියුණු වූ 4K performance එකක් තිබේ. RX 6800XT හි 72 compute units, a 2,015MHz game clock හා 16GB GDDR6 මතකයක් ඇත. මේ නිසා 4K අත්දැකීම Call of Duty: Modern Warfare හා Battlefield V වැනි ගේම් තුලින් Nvidia GeForce RTX 3080 ට වඩා හොඳින් කලින් කියූ පරිදි අඩු ශක්තියක් යටතේ ලබා ගැනීමේ හැකියාව ඇත.

AMD

        මේ සමග හඳුන්වා දුන් තව අලුත් විශේෂාංගයක් වන "Rage Mode" මගින් එක ක්ලික් කිරීමකින් overclocking boost කිරීමට හැකිය. එසේම ඔබට ඇත්තේ Ryzen 5000 ප්‍රොසෙසරයක් නම් "Smart Access Memory" යන තාක්ෂණය ඔස්සේ වඩා හොඳ memory performance එකක් ලබා ගැනීමට හැකිය. එය RDNA 2 කාඩ් එකක් intel ප්‍රොසෙසරයක් සමග භාවිතා කිරීමට වඩා Ryzen ප්‍රොසරයක් ඔස්සේ ලබා ගැනීමට ඇති හැකියාවකි.

                     දැනට පෙනී යන අන්දමට AMD වෙළඳපොලට ඉතා හොඳ නිෂ්පාදනයක් සමග හොඳ තරඟයක් ඉදිරිපත් කර ඇතත් ඉන්ටෙල් සමාගම සිය 7nm චිප් එළි දැක්වීම 2022 දක්වා කල් දැමීම වැනි කරුණු සමග තරමක තර්ජනයකට මුහුණපා ඇති බව පෙනේ.

AMD Radeon RX 6800 specs:

  • 60 compute units
  • 1,815MHz game clock
  • 2,150MHz boost clock
  • 128MB Infinity cache
  • 16GB GDDR6 memory
  • 250W total board power
  • Cost $579


AMD Radeon RX 6800 XT specs:

  • 72 compute units
  • 2,015MHz game clock
  • 2,250MHz boost clock
  • 128MB Infinity cache
  • 16GB GDDR6 memory
  • 300W total board power
  • Costs $649


AMD Radeon RX 6900 XT specs:

  • 80 compute units
  • 2,015MHz game clock
  • 2,250MHz boost clock
  • 128MB Infinity cache
  • 16GB GDDR6 memory
  • 300W total board power
  • Cost $999


October 17, 2020

ලාංකිකයකු නිපදවූ ලොව ප්‍රථම කාමර උෂ්නත්ව සුපිරි සන්නායකය

            සුපිරි සන්නායක ගැන සමහර අය අහලත් ඇති. සුපිරි සන්නායකයක් කියන්නේ කිසිඳු ප්‍රතිරෝධයක් නැතිව ධාරාවක් ගලා යන්න පුළුවන් සන්නායකයකට. මේ සන්නායකයෙන් ධාරාවක් ගලායනකොට ශක්ති හානියක් සිදුවෙන්නෙ නැති තරම්! කොහොම උනත් මෙතෙක් කාලයක් මේ ආකාරයේ සුපිරි සන්නායක හදන්න බැරි හේතු ගණනාවක් තිබුණා. ඒකට එක හේතුවක් තමයි කාමර උෂ්ණත්වය තුළ මේ තත්වය ලබා ගන්න බැරි වීම. 
               දැනට තියෙන හැම සුපිරි සන්නායකයක්ම ඒ ගුණ පෙන්නනෙ ඉතා පහළ උෂ්ණත්ව වලදී පමණයි. මෙන්න මේ බාධකය ජය ගන්න ශ්‍රී ලාංකීය භෞතික විද්‍යාඥ රංග ඩයස් මහතා ඇතුලු කණ්ඩායමකට හැකි වෙලා තියෙනවා.
https://www.quantamagazine.org/
                             නිව් යෝක් රොචෙස්ටර් විශ්වවිද්‍යාලයේ (University of Rochester in New York) විද්‍යාඥ රංග ඩයස් මහතා ඇතුලු පිරිසක් සිදුකල පරීක්ෂණයක ප්‍රථිඵලයක් ලෙස මේ නව සොයා ගැනීම සිදු කිරීමට හැකි වී තිබෙන්නේ. මේ වන තෙක් සොයා තිබුණු සුපිරි සන්නායක ද්‍රව්‍ය ක්‍රියාත්මක වීමට −140 °C තරම් පහළ උෂ්ණත්වයක් අවශ්‍ය වී තිබිණි. නමුත් මේ නව සොයා ගැනීමත් සමග එය 15 °C තරම් සාමාන්‍ය උෂ්ණත්වයක ක්‍රියාත්මක වන පරිදි ගෙන ඒමට හැකිවී තිබෙනවා. එයා ඉතා විශිෂ්ඨ ඉදිරි පිම්මකි. මේ සඳහා ඔවුන් යොදාගෙන ඇත්තේ කාබන්, සල්ෆර් හා හයිඩ්‍රජන් යන මූලද්‍රවය යොදාගෙන දියමන්ති දෙකක් අතර තබා සැකසූ සුපිරි සන්නායකයකි. එහිදී ඔවුන්ට නිරීක්ෂණය කල හැකි වී ඇත්තේ සන්නායකයේ පීඩනය වැඩිවනවාත් සමග එය සුපිරි සන්නායකයක් ලෙස ක්‍රියාත්මක වීමට හැකි උෂ්ණත්වය වැඩි කල හැකි බවකි. එසේ පීඩනය ගිගා පැස්කල් 267 තරම් වැඩි කල විට මෙසේ කාමර උෂ්ණත්වයේ වැඩකල හැකි බව හඳුනාගෙන ඇත. ගිගා පැස්කල් 267ක් යනු මුහුදු මට්ටමේ ඇති වායුගෝලීය පීඩනය මෙන් මිලියන 2.6 ගුණයකි. දැනට මෙය ප්‍රායෝගිකව භාවිතා කිරීමට නොහැකි වීමට ඇති බාධාවක් වන්නේ එයයි. එසේම තවමත් මෙය ඉතා පරීක්ෂණ මට්ටමේ පවතින දෙයක් වන බවත් තව විසඳා ගැනීමට බොහෝ දේ ඇති බව ඔවුන් වැඩි දුරටත් පවසා තිබේ.
https://hajim.rochester.edu
                        මෙම පරීක්ෂණය සිදුකල ශ්‍රී ලාංකිකයකු වන භෞතික විද්‍යාඥ රංග ඩයස් මහතා කොළඹ විශ්වවිද්‍යාලයෙන් භෞතිකවිද්‍යාව හා ගණිතය පිළිබඳ උපාධිය හදාරා වසර 2007 දී ඇමරිකාවේ වොෂින්ටන් වෙත පැමිණ එහිදී ප්‍රාන්ත විශ්වවිද්‍යාලයෙ (Washington State University) සිය ආචාර්‍ය උපාදිය හදාරා ඇත. ඔහු දැනට නිව් යෝක් රොචෙස්ටර් විශ්වවිද්‍යාලයේ සහකාර මහාචාර්‍ය් වරයෙකු ලෙස කටයුතු කරනු ලබයි. ලෝකයට වඩා වැදගත් වූ මෙවැනි අති විශිෂ්ඨ සොයා ගැනීමක් කිරීමට දායක වූ ඔහු ශ්‍රී ලාංකික අපට මහත් අභිමානයකි.!

October 16, 2020

iPhone 12

    Apple iPhone පරපුරේ අලුත්ම සාමාජිකයා iPhone 12 ගැනයි මේ ලිපිය. පෙර පරිදිම iPhone 12, iPhone 12 Mini, iPhone 12 හා iPhone Pro Max ලෙස සංස්කරණ කීපයක් ලෙස මෙය පැමිණෙනවා.

 ➤නිමාව හා තිරය (Dispaly)

                        පෙර පරිදිම පැතලි පෙනුමක් සහිතව iPhone 12 matt නිමාවක් හා iPhone 12 Pro  glossy නිමාවක් ඇතිව පැමිණේ. කුඩා bezel එකක් සහිත වඩා වැඩි ඉඩක් ඇති OLED තිරයක් ඉදිරිපස කැමරාව හා අනෙකුත් sensors ඇතුලත්ව top notch එකක් iPhone 12 හි පවතී. ඒ අනුව iPhone 12 හා iPhone 12 Pro හි අඟල් 6.1 ක්, වඩා විශාල තිරයක් අවැසි අය සඳහා අඟල් 6.7 ක තිරයක් ඇති iPhone 12 Pro Max ද නිර්මාණය කර ඇත. iPhone 12 හා iPhone 12 mini නිල්, කොළ, සුදු හා රතු ලෙසද iPhone 12 Pro හා Pro Max කලු, නිල්, රන් හා සුදු වර්ණ වලින් පැමිණේ. තිරය ගැන කතා කිරීමේදී වැඩි කල් පැවැත්මක් ඇතිවීමට Ceramic Shield එකක් ඇතුලත් කර නිර්මාණය කර ඇත. ඒ නිසා එය දැනට ඇති ශක්තිමත්ම තිරය බව පැවසෙන අතර එය පෙරට වඩා 4 ගුණයක් වැටීම්,ගැටුම් හා සීරීම් වලදී තිරය බිඳී යෑමෙන් හෝ ඉරි තැලීමෙන් වැලකීමේ හැකියාව ඇති බව ඇපල් සමාගම පවසයි. එමෙන්ම iPhone 12 හි තිරය ProMotion යන තාක්ෂණයෙන් 120Hz refresh rate එකක් ඇතිව පැමිණෙන නිසා ඉතා සුමට සුපැහැදිලි දසුන් ලබාදීමේ හැකියාව පවතී. තවද බලාපොරොත්තු වූ පරිදි නවතම 5G සබඳතාව ද අලුත් iPhone 12 ට ඇතුලත් කර ඇත.

කැමරාව

                    iPhone 12 හි ඇත්තේ  main lens හා ultrawide lense ලෙස කැමරා දෙකක් පමණි. නමුත් එය  iPhone 11 ට වඩා වැඩි දියුණු කර ඇති බවයි ඇපල් සමාගම පවසන්නේ. ප්‍රධාන කැමරාවෙ 7 element lens, f/1.6 aperture සමග අඳුරේදී පෙරට වඩා 27% ගුණයකින් වඩා හොඳ පැහැදිලි චායාරූප ලබාගැනීමේ හැකියාව ඇත. එසේම ප්‍රධාන කැමරාවේ OIS (Optical Image Stabilization) ද වඩා හොඳින් දියුණු කර ඇත.  iPhone 12 Pro හි පෙර පැවසූ කැමරා දෙකට අමතරව 52mm "telephoto" සෙන්සරයක් ලබා දී ඇත. එමගින් ප්‍රධාන කැමරාවට 2x optical zoom ලබා ගත හැකිය. iPhone 12 Pro Max හි 65mm "telephoto" සෙන්සරයක් ලබා දී මෙය තවත් දියුණු කර ඇත.

                       මීට අමතරව MagSafe charging නමින් හඳුන්වන නව wireles charging තාක්ෂණය ඇතුලත් කර ඇති මෙහි Apple A14 Bionic (5 nm) ප්‍රොසෙසරයෙන් හා iOS 14.1 න් බලගැන්වේ. මෙම එක් එක් මොඩලයේ මිල ගණනන් iPhone 12 mini - $699, iPhone 12 - $799, iPhone 12 Pro - $999, iPhone 12 Pro Max - $1,099 ලෙස දක්වා ඇත. තවත් විශේෂිතම කරුණක් වන්නේ මේ iPhone 12 කිසිඳු මොඩලයක් සමග චාජරයක් හෝ ඉයර් බඩ්ස් ලබා නොදීමයි. එනම් එය වෙනමම මිළ දී ගත යුතු වේ. ඇපල් සමාගම පවසන්නේ මෙය ඉලෙක්ට්‍රොනික අපද්‍රව්‍ය නිසා (E-Waste) නිසා පරිසරයට සිදුවන හානි වැලකීමට ගත් පියවරක් බවයි. කෙසේ උවත් මෙය බොහෝ දෙනා අතර තරමක අප්‍රසාදයට ලක්වූ කාරණයක් වී ඇති අතරම සැම්සුන් සමාගමේ කැරිබියානු පිටුවෙන් මෙයට ප්‍රතිචාරයක් ෆේස්බුක් ඔස්සේ පල කොට තිබුණි.  

😎😎Your #Galaxy does give you what you are looking for. From the most basic as a charger, to the best camera, battery, performance, memory and even 120Hz screen ✌️ on a smartphone. 😎😎

Posted by Samsung on Tuesday, October 13, 2020

October 9, 2020

AMD Zen 3 Ryzen 5000 ප්‍රොසෙසරය !

                        

                  AMD  සමාගම ඔවුන්ගේ අලුත්ම Ryzen 5000 ශ්‍රේණියේ ප්‍රොසෙසර් එලි දක්වන බව නිවේදනය කරනු ලැබුවා. එය ඔවුන්ගේ ඉදිරි පරම්පරාව එනම් Zen 3 ආකෘතියේ ප්‍රොසෙසරය යි. මෙය Gaming හා ඩෙස්ක්ටොප් පරිගණක වලට විශාල ඉදිරි පිම්මක් වනු ඇත.

                        අලුත් Zen 3 ආකෘතිය පෙර පැවති Zen 2 ආතියට වඩා බලය පිරිමැස්මක්, වේගවත්  බවක් හා 19% වැඩි instructions per clock (IPC) වේගයක් සහිතව පැමිණේ. නොවැම්බර් 5 වෙලඳ පොළට නිකුත් වන මෙම ප්‍රොසෙසර් වල Ryzen 5 5600X ඩොලර් 299 ක් ද, Ryzen 9 5900X ඩොලර් 549 වැනි මිලක් වනු ඇත.

                       5900X කාණ්ඩයේ කෝර් 12 ක්, ත්‍රෙඩ් 24 ක්, 4.8GHZ වේගයක්, 64MB L3 කෑෂ් මතකයක් හා 105 W ක්ෂමතාවක් ඇත. AMD සමාගම පවසන ආකාරයට 5900X කාණ්ඩය පෙර පළමු පරම්පරාවේ Zen ප්‍රොසෙසරයට වඩා 26% වැඩි වේගයක් ඇත. මෙම ප්‍රොසෙසරය Cinebench R20 1T benchmark පරීක්ෂණයෙන් පොයින්ට් 600 ක අගයක් ලබාගැනීමට සමත් වී තිබෙනවා. intel 10900K ප්‍රොසෙසරය උපරිම Clock-Speed එක සහිතව ලබා ඇත්තේද පොයින්ට් 544 ක් පමණි. එනම් මෙය දැනට ඇති ඉන්ටෙල් ප්‍රොසෙසර් වලට වඩා වේගවත් ය. 

Model Cores/ Threads TDP (Watts) Boost / Base Frequency (GHz) Cache (MB) Price
AMD Ryzen 9 5950X 16C/32T 105W Up to 4.9 / 3.4 GHz 72 $799
AMD Ryzen 9 5900X 12C/24T 105W Up to 4.8 / 3.7 GHz 70 $549
AMD Ryzen 7 5800X 8C/16T 105W Up to 4.7 / 3.8 GHz 36 $449
AMD Ryzen 5 5600X 6C/12T 65W Up to 4.6 / 3.7 GHz 35 $299

                    මේ ප්‍රොසෙසර් වලට සමගාමීව AMD සමාගමේ GPU වන Radeon හි අලුත් ග්‍රැෆික් කාඩ් එකෙහි නව සංස්කරණයක් RX 6000 "Big Navi" ලෙස අලුත් පරපුරේ RDNA 2 ආකෘතියෙන් පැමිණීමට නියමිතයි. එය දැනටමත් Borderlands 3, Call of Duty: Modern Warfare හා Gears 5 වැනි ගේම් 4K 60fps යටතේ සාර්ථකව benchmark පරීක්ෂණ සමත්ව තිබේ. මේ අනුව දැනට AMD සමාගම විසින් දැනට ඔවුන් සමග කරට කර සිටින intel සමගමට දැඩි අභියෝගයක් එල්ල කර තිබේ. කෙසේ වෙතත් intel සමාගමේ 11 පරම්පරාවේ ප්‍රොසෙසර් Rocket Lake යන කේත නාමය යටතේ 2021 දී පැමිණීමට නියමිතයි.


August 14, 2020

Fortnite ඇපල් ඇප් ස්ටොර් හා ගූගල් ප්ලේ වලින් ඉවතට

                                            Fortnite කියන්නෙ Epic Games සමාගමෙන් ඉදිරිපත් කරපු ජනප්‍රිය ගේම් එකක්. ඒත් මේ ගේම් එක Apple App Store වගේම  Google Play Store වලින් ඉවත් කර දමා තිබෙනවා. ඒ මුදල් ගෙවීම් සිදුකරන ක්‍රමවේදයන් කඩ කිරීමේ හේතුව නිසයි.
                                         Apple හා Google Store වල ඇති ඇප්, ඒවා භාවිත කරන අයගෙන් යම් සේවාවක් හෝ upgrade කිරීමක් සඳහා ගාස්තුවක් අය කරන්නෙ නම් ඒවා සිදුවිය යුත්තේ එම App Store එක හරහායි. එමගින් යම් ගාස්තුවක් ඔවුන් විසින් අයකරගනු ලබනවා (in-app purchases). Epic Games ආයතනය එම ක්‍රමය මගහරිමින් Fortnite ගේම් එකෙහි ගෙවීම් කිරීමට ඔවුන්ගේ ක්‍රමයක් ඇතුලත් කිරීම නිසා මෙලෙස ඉවත් කර දැමුවා. Apple හා Google සමාගම් පවසන්නේ එය සිය App store හි නීති රීතී හා රෙගුලාසි වලට පටහැනි බවත් නැවත එය නිවැරදි කරන තුරු Fortnite App store වලින් ඉවත් කර තබන බවත්ය.
                                           මේ හේතුව නිසා නැවත එය App Store වෙත එක් කරන තුරු  Apple Store හා Google Store තුලින් අලුතෙන් ලබා ගන්නා අයට එය ලබාගැනීමට නොහැකි වනවා. නමුත් දැනටමත් ලබා ගෙන ඇති අයට මේ නිසා බාධා සිදු නොවෙන අතර updates හා අනෙකුත් සේවා සාමාන්‍ය පරිදි ක්‍රියාත්මක වනු ඇති.
                                               කෙසේ වෙතත් Epic Games සමාගම මේ ඉවත් කිරීමට එරෙහිව Apple සමාගමට නඩු පැවරීමට යන බව පැවසෙනවා. ඔවුන් විසින් 1984 දී Apple Macintosh සඳහා නිර්මාණය කරනු ලැබූ දැන්වීමට සමාන වන පරිදි සැකසූ වීඩියෝවක් ද නිකුත් කර තිබෙනවා.

July 16, 2020

Twitter වෙත හැකර් ප්‍රහාරයක්!

            ට්විටර් තුල පවත්වාගෙන යන ප්‍රභලයන්ගේ ගිනුම් ගණනාවක් ඉලක්ක කර ගනිමින් බිට්කොයින් වංචාවක් මුල් කරගත් හැකර් ප්‍රහාරයක් පසුගිය 15 වන දා එල්ල වුණා. එහිදි සිදු වුණේ එම ගිණුමේ ඇති ලිංක් එක තුලින් එවන බිට්කොයින් වල අගය දෙගුණයක් කර ලබා දෙන බව සඳහන් පණිවිඩයක් පල කිරීමකි. මීට පෙර ට්විටර් ප්‍රධානී ජැක් ඩෝසි ගේ ගිණුමද මෙසේ හැකර් ප්‍රහාරයකට ලක් වූවා.
                                         ලොව ප්‍රසිද්ධ පුද්ගලයන් වන බරැක් ඔබාමා, ජෝයි බයිඩෙන්, බිල් ගේට්ස්, ඊලොන් මස්ක්, ජෙෆ් බෙසොස්, කැනී වෙස්ට් හා මයිකල් බ්ලූම්බර්ග් යන අයගේ ට්විටර් ගිණුම් මෙම ප්‍රහාරයට ලක්වී තිබෙනවා. එසේම ලොව ප්‍රසිද්ධ තාක්ෂණික සමාගම් වන ඇපල් හා ඌබර් ආයතනවල ට්විටර් ගිණුම් හරහා ද මේ පණිවිඩය පලවුණා.

                                      මෙය දැනගත් පසු එම පණිවිඩ මකා දැමුවද ඇතැම් ගිණූම් වලින් එම පණිවිඩය නැවත පළ වීමත් සමග ට්විටර් සමාගම විසින් එම ගිණුම් වල ට්විට් දැමීම තාවකාලිකව අවහිර කිරීමට කටයුතු කරනු ලැබුවා. blockchain.com වෙබ් අඩවියට අනුව මෙම පණිවිඩය හරහා ගණුදෙනු 370ක් හරහා හැකර් කරුවන් ඩොලර් 100,000 පමණ මුදලක් උපයාගෙන තිබිණි.

                                    මෙහි ඇති බරපතල කම නම් ඔවුන් තම ට්විටර් ගිණුම් වල ආරක්ෂාව වෙනුවෙන් හොඳ පාස්වර්ඩ් එකක් සමග two-factor authentication සක්‍රිය කර තිබුණද මේ හැකර් කරුවන් ඒ ආරක්ෂක උපක්‍රම තුලින් ද රිංඟා ගොස් තිබීමයි. මේ නිසා ට්විටර් ආරක්ෂාව ගැන යලිත් ප්‍රශ්නාර්ථයක් ඇති විය.

                                           මේ ගැන පරීක්ෂණයක් පවත්වමින් ට්විටර් සමාගම සඳහන් කලේ තම සමාගමේ අභ්‍යන්තර පද්ධති (internal systems and tools) වලට සම්බන්ධ විය හැකි සමාගමේ සෙවකයන් එක්කෙනෙකු හෝ කීප දෙනෙක් විසින් මෙය සිදු කරන ලද බවට සැක කරන බවයි. ට්විටර් ප්‍රධානියා වන ජැක් ඩෝසි ද මේ පිලිබඳ ට්විටර් පණිවිඩයක් නිකුත් කරමින් ඔහුද තරමක් බැරෑරුම් අවස්ථාවක සිටින බවට කියා තිබෙනවා.
                                                        

July 6, 2020

400TB ඩේටා දැමිය හැකි ටේප් ඩ්‍රයිව්!

          කැසට් ටේප් අන්තිමට දකින්න ලැබුණු පරම්පරාව 90 දශකයේ ඉපදුන අයයි. දැන් CD (ඒවත් දැන් නැති තරම්), පෙන් ඩ්‍රයිව් තීබුණට ඒ කාලයේ රජ කෙරුවේ කැසට් තමයි.(වැඩිදුර දැනගන්න කැසට් ගැන ලියවුණු ලිපිය කියවන්න.) . දැන් සමාන්‍ය භාවිතයෙන් තරමක් ඈත් උනත්, වැඩි ධාරිතාවක් සහිත දත්ත තැන්පත් කිරීමට හැකිවන පරිදි වැඩි දියුණු කිරීමට විවිධ ආයතන පරීක්ෂණ කරනවා. එහෙම පරීක්ෂණ කරන සමාගමක් වන ජපානයේ Fujifilm සමාගම 400TB තරම් ඩේටා දැමිය හැකි කැසට් ටේප් එකක් නිපදවිය හැකි බව පවසා තිබෙනවා.
            ටේප් ඩ්‍රයිව් වල දත්ත තැන්පත් කිරීමේ උපරිමය දැනට 12TB ට සීමාවී තිබෙනවා. Fujifilm සමාගම පවසන ආකාරයට මේ නව තාක්ෂණයේදී දැනට දත්ත තැන්පත් කිරීමට යොදා ගන්නා Barium Ferrite (BaFe) ආලේපිත පටි වෙනුවට Strontium Ferrite (SrFe) ආලේපිත පටි යොදාගනී. BaFe ආලේපිත පටි තාක්ෂණය පරම්පරා ගණනක් තිස්සේ මතක තැන්පත් කිරීමේ ස්ථාන කුඩා වෙමින් පැමිණ දැන් එහි උපරිමයට පැමිණ තිබේ. ටේප් තාක්ෂණයේදීද පරිගණක ප්‍රොසෙසර් තාක්ෂණයේ ප්‍රකට නියමයක් වන "මූර් නීතිය" (Moore's Law) වන "සෑම අවුරුදු දෙක හමාරකට වරක් ප්‍රොසෙසරයක ඇති ට්‍රාන්ස්සිටර් ප්‍රමාණය දෙගුණයක් වේ" යන නියමය හා සමානව මතක කොටස් කුඩා වෙමින් අවුරුදු දෙක හමාරකට වරක් තැන්පත් කල හැකි ප්‍රමාණය දෙගුණ වෙමින් පැමිණෙයි.
                              මේ එක් එක් ටේප් තාක්ෂණයන් පොදු නියමාවලියක් අනුව නිපදවීමට 1990 IBM සමාගම LTO (Linear Tape-Open) ලෙස සම්මතයක් හඳුන්වා දුන්නා. එහි ප්‍රථම සම්මතය LTO-1 වන අතර දැනට පවතින සම්මතය වන්නේ LTO-8 වේ. LTO-1 හීදී ලෝහ අංශු [metal particle (MP)] භාවිත වූ අතර එහි ගබඩා කල හැකි උපරිමය 100GB විය. LTO-6 සම්මතයෙන් BaFe යොදාගත් ටේප් වල මෙය 2.5TB තරම් උපරිමයක් විය. ඒ අනුව LTO-10 සම්මතයේදී 48TB තරම් ධාරිතාවක් සහිතව නිපදවිය හැකි වනු ඇත. 
                      එය 2022 වසර වන විට වෙළඳපොළට පැමිණෙනු ඇත. 400TB ධාරිතාවක් ලබා ගැනීමට පෙර 2025 දී 96TB ද, 2027 වනවිට 192TB ද 2030 දී 384TB ධාරිතාවන් පැමිණිය යුතුය. Strontium පරමාණු Barium පරමාණු වලට වඩා කුඩා වේ. මේ නිසා පෙරට වඩා කුඩා ඉඩක වැඩි මතක ප්‍රමාණයක් තැන්පත් කිරීමට හැකිවේ.
                       සාමාන්‍ය භාවිතයෙන් ඈත් වුවත් ආයතනික මට්ටමෙන් ඡායාරූප, වීඩියෝ වැනි විශාල ප්‍රමාණයේ දත්ත තැන්පත් කිරීමට බහුලව යොදාගනී. නමුත් දත්ත ප්‍රවේශ කාලය අතින් හාඩ් ඩිස්ක් වලට වඩා වැඩි නමුත් විශාල ප්‍රමාණයේ දත්ත තැන්පත් කිරීමට ටේප් යොදා ගැනීම මූල්‍යමය අතින් වාසිදායක වේ. Fujifilm සමාගම හැරුණු විට ටේප් නිපදවන අනෙක් එකම සමාගම Sony වේ. Sony සමාගම IBM සමාගම සමග එක්ව ටේප් තාක්ෂණය දියුණු කරනු ලබයි. වසර 2026 වනවිට 330TB ධාරිතාවක් සහිත කැසට් ටේප් තාක්ෂණයක් හඳුන්වා දීම ඔවුන්ගේ අරමුණයි.

June 24, 2020

WordPress වල අමතක අමතක වුණු Password අලුත් කරන හැටි.

                                WordPress website එකක පාස්වර්ඩ් එක අමතක උනොත්, ඒ අදාල user ගෙ ඊ-මේල් එකෙන් password එක reset කරගන්න පුළුවන්. ඒත් හදිසියේ වත් ඒ ඊ-මේල් එක වැඩ නැතුව හරි website එකට login වෙන්න බැරි උනොතින් මොකද කරන්නේ? 
  
                   ඉතින් මෙහෙම උනු වෙලාවට WordPress website එකේ database එකට ගිහින් password එක reset කරගන්න පුළුවන්. ඒක කරන පිළිවෙල මේ වීඩියෝ එකෙන් කියලා දීලා තියෙනවා. මේක කරලා තියෙන්නෙ ඩෙස්ක්ටොප් පරිගණකයක xampp server එකේ උනත්, CPanel hosting එකක උනත් මේ විදිහටම වැඩේ ගොඩදාගන්න පුලුවන්. 


Click here to open the video

April 18, 2020

Facebook අලුත් reaction එක

                                Facebook කලින් තිබුණු සාම්ප්‍රදායික පෙනුම වෙනස් කරමින් Like reaction එකට අමතරව like, love, haha, wow, sad, angry reaction එකතු කලා මීට ටික කාලයකට කලින්. දැන් අලුත් ආරංචි අනුව තවත් reaction එකක් එකතු වෙන්න නියමිතයි. ඔවුන් කියන විදිහට නම් මේක ගොඩක් අය ඉල්ලපු reaction එකක්.
                                 අප්‍රේල් 17 වෙනිදා Messenger සඳහා මේ විදිහට අලුත් reaction එකක් එකතු කලා “care” නමින්. Facebook සඳහා හඳුන්වා දෙන මේ අලුත් reaction එක virtual hug ලෙස හඳුන්වා තිබෙනවා. එය හැඩයෙන් දම් පැහැති හදවතක් තුරුල් කර සිටින කහ පැහැති  මුහුණක් 😛. 
                         Facebook හි සන්නිවේදන කළමණාකරුවකු වන Alexandru Voica මේ ගැන පවසා තිබෙන්නේ මේ ගතකරන අපහසු කාලයේ පරිශීලකයින් හට තම මිතුරන් ගැන සිතන බව පෙන්වීමට reaction එකක් අවශ්‍ය තිබූ බවයි. ඒ අනුව මේ නව virtual hug reaction එක හඳුන්වා දෙනු ඇති බවයි.
                               Messenger හි ප්‍රධානියා වෙන Fidji Simo පවසා සිටියේ ඔවුන් හඳුන්වා දුන් care reaction එක දැනට ඇති sad හා love යන reaction ද සමග පරිශීලකයි හට සිය හැඟීම් ප්‍රකාශ කිරීමට භාවිතා කිරීමට ලොකු පිටුවහලක් වූ බවයි. virtual hug reaction එක දැනටමත් Messenger සමග ඇති අතර ඉදිරි සතිය වන විට බොහෝ විට Facebook තුලට එක් වනු ඇති.
                                   ඔවුන් පවසන ආකාරයට reactions නිසා පුද්ගලයෙකුට තම හැඟීම් වචනයෙන් හෝ භාෂාවේ බාධාවකින් තොරව ප්‍රකාෂ කිරීමේ හැකියාව ලැබී ඇති බවයි. අලුත් virtual hug reaction එකද ඉදිරියේදී එයට තවත් පිටුවහලක් වනු ඇත.

April 15, 2020

අලුතින් එන iPhone SE!

                      ඇපල් විසින් ඊළඟට පැමිණීමට තිබූනේ iPhone 9 වන නමුත් 2016 දී පැමිණි iPhone SE මාදිලිය නවමු විශේෂාංඟ සමග නැවත වෙළඳපොලට නිකුත් කිරීමට ඔවුන් තීරණය කර තිබෙනවා. ඒ අනුව මීළඟට පැමිණීමට ඇත්තේ iPhone SE 2020 යි.                             
                      මෙම මස 24 වන දා මෙය වෙළඳපොළට නිකුත් කිරීමට නියමිතයි. එසේම මේම මස 17 දා සිට පෙර ඇනවුම් සඳහා විවෘතව පවතිනවා. මෙහි මිල $399 (ලංකාවේ මුදලින් රු. 77,000 පමණ) වනු ඇති බව පැවසෙනවා. 64GB, 128GB, 256GB ලෙස මෙය පැමිණෙනවා.
                 මෙහි නිමාව හා හැඩය පැරණි iPhone යේ (iPhone 8,7) ලෙස නිකුත් වන මෙහි අඟල් Retina HD Display එකක් පවතිනවා. එහි පැරණි මාදිලියේ පැවති පරිසර තත්වයන් වලට තිරයේ ආලෝක ප්‍රමාණය සකසන TrueTone තාක්ෂණය සමග පැමිණෙනවා. අලුත් iPhone හි තිබුණු FaceID හා virtual button එකට කැමැත්තක් නොමැති වූ අයට නැවත තිරයට පහතින් සුපුරුදු Home බොත්තම සමග TouchID පැමිණෙනවා. නමුත් මෙහි 3.5mm Headphone jack එක ලැබෙන්නෙ නෑ. ඒ වෙනුවට Lightning Port එකට සවි කල යුතු ඇඩැප්ටරය ලබා ගත යුතු වෙනවා. මෙයට ජලයට හා දුහුවිල්ලට ඔරොත්තු දෙන IP67 සහතිකය ඇත.
                  මෙහි නිමාව පැරණි වුවත් අන්තර්ගතය අලුතින් පැමිණි අයිෆෝන් මාදිලිවල ඇති බලය ඇතිවන ලෙස නිර්මාණය කර තිබෙනවා.මෙහි පවතින්නෙ iPhone 11 හි පැමිණි A13 Bionic චිපයයි. ඇපල් සමාගම පවසන ආකාරයට මෙය 2016 ආ පැරණි iPhone SE ට වඩා දෙගුණයක් වේගවත් වේ. බැටරි බලය පෙර පැවති iPhone 8 හි මෙන් එක් වරක් චාර්ජ් කිරීම මගින් පැය 12 ක් භාවිතා කල හැකි වන මෙහි අලුත් පහසුකමක් ලෙස වයර්ලස් චාර්ජින් පැමිණෙනවා. මෙහෙයුම් පද්ධතිය ලෙස නව iOS 13 ක්‍රියාත්මක වන නිසා අලුතින් පැමිණි මෘදුකාංඟ හා විශේෂාංඟ මෙහි අත්විඳීමට පුළුවන්.
                      නව iPhone SE 2020 හි කැමරාව 12MP , f/1.8 aperture වන අතර iPhone 11 හි මෙන් ඉතා සුපැහැදිලි පින්තූර ලබා ගැනීමටත් full gamut of effects සහිතව portrait mode ඡායාරූප ගැනීමට හැකියාව ඇති මෙහි තත්පරයකට ෆ්‍රේම් 60 ක වේගයක් ඇතිව 4K වීඩියෝ පටිගත කිරීමේ හැකියා පවතී. කලු, සුදු හා රතු යන වර්ණ වලින් මෙය ලබා ගැනීමට හැකියාව ලැබේ.
                           පෙර සිට පැවති iPhone හි හැඩය හා නිමාව අලුත් සංස්කරණ වලදී වෙනස් වීම පාරිභෝගිකයින් එතරම් යහපත් ලෙස පිළිගෙන නැති බව ඇපල් සමාගම පිලිගත් නිසාදෝ පැරණි මාදිලිය නැවත වෙළඳපොලට නිකුත් කිරීමෙන් ඔවුන් නැවතත් පෙර පැවති සිය ආදිපත්‍ය ලබා ගැනීමට උත්සහ ගනිමින් සිටී. කෙසේ වෙතත් මේ නව iPhone SE 2020 රසිකයන් විසින් උණුසුම් ලෙස පිලිගනු ඇත.

(Photo Credit: https://www.apple.com/)

April 8, 2020

Covid-19 මැඩලන්න ඔබේ පරිගණකයත් දෙන්න.

                        මාස හතරකින් විතර දාන පළවෙනි ලිපිය. ලෝකෙම කණපිට හැරිලා. Corona නැත්නම් Covid-19 වෛරසය ආසානය වීම නිසා මුලු ලෝකයේම මිනිස්සු ප්‍රීඩා විඳිනවා. ඒත් එහෙම කියලා එලිමහනට බැහැලා වැඩ කරන්න යන්න බෑ. කරන්න පුළුවන් ලොකුම උදව්ව ගෙදරට වෙලා ඉන්න එක. කොච්චර දියුණු උනත් තවමත් හරි හැටි බෙහෙතක් Covid-19 වෛරසයට නෑ. ඉතින් ගෙදර ඉඳන් මේ වැඩේට උදව් කරන විදිහක් තමයි මේ කියන්න යන්නේ.
මොකද්ද Folding@Home ?
                 Covid-19 වෛරසයට බෙහෙතක් හොයාගන්න ලොව පුරා ඉන්න විද්‍යාඥයන්ට ගොඩක් මහන්සි වෙන්න වෙලා. මේ විදිහට බෙහෙත් හොයන්න ගොඩක් පරීක්ෂණ වගේම ලොකු ගණනය කිරීම් කරන්න ඕනිවෙනවා. ප්‍රායෝගිකව මේවා මිනිස් මොළයෙන් විසඳන්න ගියොත් අවුරුදු ගාණක් ගතවෙන්න පුළුවන්. ඒ නිසා මේ ගණිත ගැටලු පරිගණකය මඟින් විසඳන එක තමයි තරමක් හෝ ලේසි වෙන්නෙ. ඒත් මේ ගැටලු විසඳන්න දැනට තියෙන පරිගණක බලය ප්‍රමාණවත් නෑ. ඒ නිසා ලෝකය පුරා තියෙන පරිගණක වල බලය භාවිතා කරලා මේ පරීක්ෂණ කරන්න ව්‍යාපෘතියක් Folding@Home නමින් පටන් අරගෙන තියෙනවා. මේ ව්‍යාපෘතියෙ ඉන්න පරීක්ෂකයින් Corona වෛරසයේ ඇති ප්‍රෝටීන ක්‍රියාකරන ආකාරයත් ඒවා නැවැත්විය හැකි ප්‍රතිජීවක නිර්මාණය කරන හැටි ගැනත් පරීක්ෂණ කරනවා. මේ ගැන හරි විස්තරයක් F@H වෙබ් අඩවියේ දාපු ලිපියකින් දැනගන්න පුළුවන්. 

කරන්නෙ මෙහෙමයි
   මුලින්ම කරන්න තියෙන්නෙ https://foldingathome.org/ කියන වෙබ් අඩවියට ගිහින් ඒකෙන් දෙන software download කරගන්න එක.

                 ඊට පස්සෙ ඒ සෙටප් එක සාමාන්‍ය විදිහට install කරගන්න ඕනි. ඊළඟට මේක system tray එකේ අයිකන් එකක් විදිහට පෙන්වනවා.
                    ඒත් එක්කම වෙබ් බ්‍රව්සර් එකෙන් control panel එක open වෙනවා. එතනදි අපිට අනන්‍යතාවක් නැතුව (Anonymous) විදිහට හරි User name දීලා ඒ විදිහට හරි ඉදිරියට යන්න පුළුවන්.
                      ඊළඟට control panel එකේ මේක පාලනය කරන්න පුළුවන් වින්ඩෝ එකක් බලාගන්න පුළුවන්.
1. උදව් කරන පරීක්ෂණය මොකද්ද කියලා මෙතනින් තෝරන්න පුළුවන්
2. පරිගණකය උදව් වෙන ගණනට Point එකතු වෙනවා. ඒක මෙතනින් බලන්න පුළුවන්.
3. දැනට පරිගණකයේ CPU එක මේ වැඩේට යෙදවෙන ගණන බලන්න පුළුවන්. ඒක Light , Medium, Full කියන විදිහට තෝරන්න පුළුවන්.
4. කොතරම් බලයක් යොදවනවාද යන එක තෝරන්න මෙතනින් පුළුවන්.
5. වැඩ කරන වෙලාවද (While I'm working) නැත්නම් වැඩක් නැති වෙලාවට(Only when idle) ද බලය ගන්න ඕනි කියන එක.
6. නවත්වන්නයි, පටන්ගන්නයි මේ බට්න් එකෙන් පුළුවන්.

අවුලක් වෙයිද?
               ප්‍රෝග්‍රෑම් එක වැඩ කලා කියලා කොම්පියුටර් එක slow වෙන්නෙ වත් වෙන මොකුත් අවුලක් වෙන්නෙවත් නෑ. මේ වැඩේට දායක වෙන එක එක අතකින් ලොකු පිනක්. ඒ වගේම දවසක බෙහෙතක් හොයාගත්තොත්, ඒකට දායක උනු එක ගැන හිතින් සතුටු වෙන්නත් ලෝකයාගේ යහපත වෙනුවෙන් ගෙදර ඉඳන්ම උදව් වෙන්නත් පුළුවන් වෙනවා.

January 22, 2020

EDGE බ්‍රව්සරය Chromium වෙයි

                                            පරිගණක ලෝකයේ එක එක තරඟ නිතර දකින්න පුළුවන්. මෙහෙයුම් පද්ධයති අතර තියෙන තරඟයටත් වඩා බ්‍රව්සර් අතර ඇති තරඟය ඉතා තියුණුයි. "බ්‍රව්සර් යුද්ධය" කියලා කියන්න තරම් එය තරඟකාරීයි.
                                             අන්තර්ජාලය බිහිවූ මුල් කාලයේ තිබූ යුද්ධයෙන් Netscape Navigator පරදා Internet Explorer ජයගත්තත් පසුකාලීනව Google Chrome පැමිණීමත් සමග Internet Explorer වලට නරක කාලයක් අත් වුණා. මේ නිසා Microsoft සමාගම එම ව්‍යාපෘතිය නවතා දමා Edge නමින් අලුත් වෙබ් බ්‍රව්සරයක් Windows 10 සමග ලබා දීමට කටයුතු කලා. නමුත් එයත් සිතූ තරම් ජනප්‍රිය වුණේ නෑ. මේ නිසා නව ලෝගෝවක් ද සහිතව අලුත් Edge බ්‍රවුසරයක් Google Chrome ගොඩනගා ඇති chromium වෙබ් බ්‍රවුසරයේ කේතය මත පදනම්ව මීට දින 6 කට පෙර නිකුත් කරනු ලැබුවා. 
                                               මෙය වින්ඩෝස්, මැක් හා ලිනක්ස් යන සියලු මෙහෙයුම් පද්ධති වලට ලබාගත හැකි අතර පෙරට වඩා වැඩි ආරක්ෂාවක්, 4K Video Streaming, Windows 10 සඳහා වඩා වැඩිදියුණු කිරීම් සහිතව Google Web Store හා Microsoft Store හි ඇති extension වලට සහය ඇතිව පැමිණෙයි.
                                                   Microsoft සමාගම පවසන ආකාරයට නව සංස්කරණය පෙර පැවති එකට වඩා දෙගුණයක් වේගවත් බවයි. එහි තේරුම Chrome බ්‍රව්සරය කලින් පැවති Edge බ්‍රව්සරයට වඩා හොඳ බවයි. දැන් ඉතින් බලා සිටිය යුත්තේ අලුත් Edge බ්‍රව්සර් එක පරිශීලකයින් කෙලෙස භාර ගනීද යන්නයි. මෙවරත් අසාර්ථක වුවහොත් Edge ට ද හිමිවන්නේ Internet Explorer වලට අත් වූ ඉරණමමය.

Follow us...

 
         
 

tech Followers

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.