November 9, 2015

වේගා හී අලුත් තතු [Update]

වේගා අපේ රටේ හදන ඉලෙක්ට්‍රික් කාර් එකේ මුල්ම ධාවනය ගැන මීට පෙර පෝස්ට් එකකින් පළකලා. මේ පෝස්ට් එකෙන් වේගා කාර් එක එළිමහනේ කරපු මුල්ම ධාවනය බලන්න පුලුවන්... අපේම රටේ ඉංජිනේරුවන් අතින් නුමැවුණු මේ අපූරු මෝටර් රථය ශ්‍රී ලාංකිකයන් වන අපට මහත් අභිමානයකි... 


වේගා නිර්මාණය කරන Codegen සමාගමේ ප්‍රධානී හර්ෂ සුභසිංහ මහතාටත් ව්‍යාපෘතිය භාරව සිටින බෙෂාන් කුලපල මහතාටත් වේගා හී කටයුතු සිදු කල සියලුම ඉංජිනේරුවන් හට ද ඉදිරි වැඩ කටයුතු සියල්ලද සාර්ථකව සිදු කිරීමට   tech සයුර බ්ලොග් අඩවියෙන් උණුසුම් සුබ පැතුම් එක් කර සිටිමු. 


November 8, 2015

වන්නි මෙහෙයුම වෙනුවෙන් පෙත්සමක්

ට අපේ රටේ දේශපාලනය ගැන ඇත්තේ ලොකු කලකිරීමකි. තමංන්ගෙ රටේ හදන ඒවාට වඩා පරගැතියන්ගේ දේ උලුප්පමින්, උල්පන්දම් දෙමින් ඒවා නගා සි‍ටුවා තම මඩිය තර කරගන්නා උන් ඉන්නා එකම රට මේකදැයි සිතේ.
පෝස්ට් එකේ මාතෘකාවේ තියෙන දේ ගැන සමහර අය දන්නවත් ඇති. මීට ටික කාලෙකට කලින් අපේ රටේ තිබුණ යුද්ධය ගැන වීඩියෝ ගේම් එකක් හදන්න පටන් ගත්තා... එක ඉතා උසස් ආකාරයේ ක්‍රීඩාවක් බව නිකුත් කල වීඩියෝ වලින්ම පේනවා. ඉතින් මේ අවුරුද්දෙ අන්තිම මේ ගේම් එක රිලීස් කරන්න තිබුණත් දැං ඒකට අවසර දෙන්නෙ නෑ.. හේතුව විදිහට කියන්නෙ අර හිටපු කකුල් දෙකේ කොටින්ගෙ ලාංඡනය තියෙනවා කියන එක.මෙවැනි නිර්මාණයක් කිරීම සුලු ප‍ටු දෙයක් නොවේය.එයට බොහෝ කාලය ශ්‍රමය කැපකල යුතුය. අවාසනාවට සම හරක් අයට ඒවා තේරෙන්නේ නැතිය.මේ තියෙන්නෙ ඒ ගැන මේ ගෙම් එක නිර්මාණ කරු දක්වල තියෙන අදහසයි.
ඡන්දෙට කලින් නම් අපේ රටේ ඉදික‍ටුවක් වත් හදන්නේ නැතිය, අපි අපේම කියා කර්මාන්ත නගා සි‍ටුවිය යුතුය කියා එකෙක් දෙකෙක් කෑ මොර දුන්නා මතකය. දැං ඒ අය ඉන්නේ අනුන් කල නිපැයුමක් ගරහන්න හෝ උපහාර පෙළ පාලි වල තමං කල දෙයක් සේ මල් මාලා දාගෙන යන්නට පමණි. මේවා කියා උද්ගෝෂණ කරන්නත් බැරිය. ඒ අපේ පොලිස් මාමිලාගේ අවම බලය ගැන දැන් හොඳට දන්නා නිසාය. ඒ නිසා මේ සැරසෙන්නේ ඔන්ලයින් ක්‍රමයට පෙත්සමක් යැවීමටටය. මේතනින් ඒ පෙත්සමට පිවිසිය හැකිය. පෙත්සම අත්සං කිරීම ඔබට බාරය. මේ ගෙම් එක නිකුත් වන තෙක් අපේ රටේ බොහෝ අය මග බලා සිටියේය. ඒත් එය ඉ‍ටු කර ගැනීම ලේසි නැත. හේතුව මේක අපේ රටේ නිර්මාණයක් වීමය. 
මේක විතරක් නෙවෙයි. නියමුවන් රහිත ගුවන් යානාව, ලියදි බඳින මැෂින් එක ගැන දැං කිසිම කතාවක් නැතිය. නිර්මාණය ඇගයිමට මහා ලොකු උත්සවනම් පවත්වයි. ඊට පසුව නිර්මාණ කරුවා නන්නත්තාරය. පොරොන්ඳු රසවිඳින්න යලි මහ මැතිවරණයක් හෝ ජනාධිපතිවරණයක් පැමිණිය යුතුවේ. එවිට ඒවායේ කියන කතා පොප් කෝන් කකා රසවිඳිය හැක. අන්තිමට සිදුවෙන්නේ තම පේට්න් බලපත්‍රය වෙනින් රටකට විකුණා දැමීමය. කවුරුත් නොදන්න අත්ට්‍රැක්ටරය ද අපේ රටේ නිපැයුමකි... දැන් එයින් ලාබ ලබන්නේ ජපානයයි. අපේ රටේ ඉංජිනේරුවන් අපේ රටේ නො‍රැඳීම පුදුමයක් නොවේ... අපේ ඡන්දය හිඟාකා අපිට වැඩ කිරීමට උස් පු‍ටුවලට යන අයට අන්තිමට යවපු එවුන්ට වඳින්නට සිදුවේ. මේක ගැන තව කතා කලද මෙච්චරමය.... මොකා ආවත් වැඩක් නම් කෙරෙන්නේ නැතිය. හැකිනම් මේ පෙත්සම සඳහා ඔබේ සහයෝගයද ලබා දෙන්න... මේ විදිහටවත් ට්‍රයි කරලා බලමු.

November 5, 2015

මහාචාර්‍ය සෙල්වදුරෙයි මහලින්ගම් මහතා...


රටට ලෝකයට වැඩක් ඇති ශ්‍රේෂ්ඨ පුද්ගලයන් ගැන අප කතා කල යුතුය. තමන් ගැන පමණක් නොසිතා අනාගත පරපුර ගැන සිතා කටයුතු කරන අය ගැන අනිවාර්‍යයෙන් කතා කල යුතුය. එයට ජාතිය, ආගම, කුලය අදාල නැත.මහාචාර්‍ය සෙල්වදුරෙයි මහලින්ගම් ද එසේ නිහඬ සේවයක් කර අප අතරින් සමු ගත් අයකි.
හදපු අයටවත් සොයාගත නොහැකිව තිබූ ඇව්රෝ ජෙට් ඇන්ජිමේ දෝෂය හඳුනාගෙන නිවැරදි කලේ මහාචාර්‍ය S. මහලින්ගම් මහතා විසිනි. එයට ගරු සරු වශයෙන් තමාට විශාල මුදලක් ලබාගත හැකිව තිබුණ ද , තමාගේ සැපත පමණක් නොසිතා තම රටේ සිසුන්ගේ අධ්‍යාපණ කටයුතු සඳහා අවශ්‍ය ව තිබූ ජෙට් එන්ජිමක් ඒ වෙනුවට එංගලන්තයෙන් එල්ලීය. මේ ශ්‍රේෂ්ඨ ඉංජිනේරුවාගේ එම ඉල්ලීම පිලිගත් ඔවුන් පේරාදෙණිය විශ්ව විද්‍යාලයට ජෙට් එන්ජිමක් ලබා දුනි.
මහාචාර්‍ය S.මහලින්ගම් මහතා ලන්ඩන් විශ්වවිද්‍යාලයෙන් විද්‍යාව සඳහා උපාධියක් ලබා ඇත. 1970 වසරේදී පේරාදෙණිය විශ්ව විද්‍යාලයේ කථිකාචාර්‍ය වරයෙක් වශයෙන් පත්වූ ඔහු එවකට එවැනි සුදුසුකමක් සපුරා තිබූ එකම පුද්ගලයාද විය. කා සමගත් ඉතා සුහදශීලී පුද්ගලයකු මොහු සිසුන්ගේ ද සිත් දිනා ගත් අයෙකි. ඔහුගේ වියෝව ගැන සිසුන් පල කල අදහස් වලින් එය මනාව පැහැදිලි වේ. මෙවැනි අමිල සේවයක් කල මහාචාර්‍ය S. මහලින්ගම් මහතා මෙම මස 3 වනදා උදෑසන යාපනය රෝහලේදී අභාවප්‍රාප්ත විය. අනුන් පාගා දමා තම සැපත වැඩිකර ගැනීමට දඟලන අය අතරෙ මෙවැනි විශිෂ්ඨ මිනිසුන්ද සිටී... ඔවුන් මියගියද ඒ මතකයන් මැකී නොයයි....

October 29, 2015

යමහා මොටෝ බොට්

මෝටර් බයික් නිපදවන ලෝ ප්‍රකට සමාගමක් වන යමහා සමාගම අලුත් වැඩක් කරලා තියෙනවා. ඒ තමයි 'මොටෝ බොට්' නමින් යතුරුපැදි ධාවනය කල හැකි රොබෝවක් නිපදවීම. මේක මේ සාමාන්‍ය මෝටර් බයික්  පදින එකක් නෙවෙයි. 600cc/1000cc වැනි අධිධාරිතා සහිත සුපිරි මෝටර් බයික් පදින්න පුලුවන් එකක්. පැ.120MPH (200Kmh) තරම් වේගයකින් ගමන් කිරීමේ හැකියාවක් මේ රොබෝ සතුයි.
ඉතා අපහසු වංගු වලදී පවා සමබරව ගැටලුවකින් තොරව ක්ල්ච්, බ්‍රේක්, ඇක්සලේටර් හැසිරවීම, ගියර් මාරු කිරීම සාර්ථකව කිරීමට හැකියාවක් මෙම රොබෝට ඇත. මේ ලබන සාර්ථකත්වයන් හමුවේ ලෝ ප්‍රකට ධාවන පත වලදී නුදුරෙදී ම මිනිසුන් මිනිසුන් අතරේ පමණක් නොව මිනිසුන් රොබෝ වරුන් අතරේද තරඟ ඇතිවනු ඇත.


October 26, 2015

ස්වයං නියමු පාලනය නිසාන් ලීෆ් රථයට

නිසාන් ලීෆ් කියන්නෙ ලෝකයේ හැම රටක වගේම අපේ රටෙත් ජනප්‍රිය ඉලෙක්ට්‍රික් කාර් එකක්. මේ රථය නිපදවන නිසාන් සමාගම දැන් සැරසෙන්නේ ලීෆ් රථය  ස්වයංක්‍රීය ධාවනය වන රථයක් බවට පත් කිරීමටයි. දැනටමත් පළමු පරම් පරාවේ නිසාන් ලීෆ් රථය යොදා ගෙන අර්ධ ස්වයංක්‍රීය රථයක් සාර්ථකව අත්හදා බලා ඇත (Leaf Piloted Drive 1.0 Concept).
සංවේදක හා කැමරා යොදාගෙන ක්‍රියාත්මක වන පරිගණක පද්ධතියකින් ක්‍රියාත්මක වන මේ රථයට එක් පාරකින් තවත් අතුරු පාරකට හැරවීම, අධිවේගී මාර්ගයකට පිවිසීම හා පිටවීම, තවත් වාහනයක් ඉස්සර කිරීම වැනි දේ රියදුරුගේ සහයක් නොමැතිව සිදු කල හැකියි. මේ අනුව යමින් 2020 ට ප්‍රථම පූර්ණ ස්වයංක්‍රීය රථයක් නිපදවීමට හැකි බව නිසාන් සමාගම පවසයි.
මේ සතියේ ජපානයේ දකුණු ටොකියෝ හි පිහිටි නිසාන් සමාගමේ අධිතාක්ෂණික පර්යේෂණ ආයතනයේ (Nissan’s Advanced Technology) දී මෙම ස්වයං නියමු පාලන පද්ධතිය අත්හදා බැලීම ආරම්භ කෙරුනා. මේ තාක්ෂණය මගින් නවක රියදුරක් ට පවා පළපුරුදු රියදුරෙක් ලෙසම රථය හැසිරවීමට හැකියාව ලැබෙයි.
මෙම පද්ධතියේ නිවැරදි ක්‍රියාකාරිත්වය සඳහා කැමරා 12 ක්, රේඩාර් සෙන්සර් 5ක්, ලේසර් ස්කැනර් 4ක් හා අතිධ්වනි(ultrasonic) සංවේදක ඇතුලත් පද්ධතියකින් සමන්විතයි. දැනට පරික්ෂා කර බලා ඇති ස්වයංක්‍රීය පද්ධතියක් වන Tesla’s Model S Auto Pilot ට වඩා ලීෆ් රථය සාර්ථක බව නිසාන් සමාගම පවසයි. 
                                                              අධිවේගී මාරගයක ධාවනය කල හැකි ස්වයංක්‍රීය පද්ධතියක් ඇති රථයක් 2016 වන විට ජපානයේ මාර්ගයට එක් කිරීමට නිසාන් සමාගම බලාපොරොත්තුවෙන් සිටින අතර 2016 දී වෙළඳපොලට එන නව ලීෆ් රථයේ කිලෝවොට් 30ක් බැටරියක් හා හැතැක්ම 107 දුරක් යාමට හැකියාවක් සහිතව පැමිණේ.

October 22, 2015

Plug & Sockets මහජන මත විමසුම

                විදුලි පේනු සහ කෙවිනි කියනවට වඩා Plug and Sockets කියල කිව්වම ගොඩක් අය දන්නවනේ. ගෙදර තියෙන විදුලි උපකරණ ප්‍රධාන විදුලියට සම්බන්ධ කරන්න මේවා යොදා ගන්නවා (ඒ විතරක්ම නෙවෙයි). දැන් වෙළඳ පොළේ විවිධාකාරයේ හැඩ තියෙන පේනු හා කෙවෙනි උපාංඟ තියෙනවා. ඒ නිසාම නිවාස ආශ්‍රිතව සිදුවන විදුලි අනතුරු ප්‍රමාණය ද වැඩි වෙලා තියෙනවා. මේකට හේතුව නිසි ප්‍රමිතියකින් තොරව මේවා පරිහරණයයි. උදාහරණයක් විදිහට ප්ලග් ගොඩක් තියෙන (මල්ටි) ප්ලග් එකකට ෆෝන් එකයි ටීවි එකයි සමහර විට කේතල පවා සවි කරනවා. මේක ඉතාමත් භයානකයි. ඒ ගැන් මීට ඉස්සර ලිපියක් ලිව්වා.
ඉතිං දැන් මේ අඩුපාඩු හදා ගන්න විදුලි බල ආයතනයේ නියාමන ආයතනය වන ශ්‍රී ලංකා මහජන උපයෝගිතා කොමිෂන් සභාව , විදුලි පේනු සහ කෙවෙනි සම්බන්ධයෙන් ප්‍රමිතියක් හදුන්වාදීම සහ ප්‍රමිතිගත විදුලි පේනු සහ කෙවෙනි භාවිතයට මාරුවීම සඳහා යෝජනා මාලාවක් සකස් කර තිබෙනවා. 
                                         මේ යෝජනා ගැන මහජන අදහස් පල කිරීමට මහජන උපයෝගිතා කොමිෂන් සභාවේ වෙබ් අඩවියේ (www.pucsl.gov.lk) වෙබ් පි‍ටුවක් විවෘතව තියෙනවා. මෙතනට ගිහින් තම තමන්ගෙ අදහස් පල කරන්න. දැනටමත් ගොඩක් අය අදහස් දීලා තියෙනවා.ඒ හැම අදහසක්ම දැන් තියනවට වඩා හොඳ තත්වයකට විදුලි පේනු සහ කෙවිනි වල තත්වය උසස් කරන්න උපකාරී වේවි.

විදුලි පේනු සහ කෙවෙනි (PLUGS AND SOCKETS) ප්‍රමිතිකරණය සදහා යෝජනා සම්බන්ධයෙන් මහජන අදහස් විමසීම

October 20, 2015

ගූගල් භාණ්ඩ ප්‍රවාහන ඩ්‍රෝන යානා සාර්ථකව අත්හදා බලයි

                 ගූගල් සමාගම ගූගල් එක්ස් ලැබ් පරීක්ෂණාගාරයේ නිපැයුමක් තමයි මේ. ඩ්‍රෝන් ගැන නම් දන්නවා ඇතිනේ. මේ ඩ්‍රෝන් යොදා ගෙන භාණ්ඩ ප්‍රවාහණය කරන්න ආර්ම්භ කරපු ව්‍යාපෘතියක් තමයි PROJECT WING කියන්නෙ. මේ ව්‍යාපෘතියෙ මුල්ම පියාසැරිය සාර්ථකව අත්හදා බැලුවා. ඇරිසෝනා ප්‍රාන්තයේ තිබුණ ගූගල් සමාගමේ උත්සවයක්දී යි. 
                මේ ඩ්‍රෝන යානයට පැයට සැතපුම් 60 ක පමණ වේගයකින් ගමන් කරන්න පුලුවන්.ගමන් කල නොහැකි තද සුළං, වැසි සහිත අවධානම් කාලගුණයක දී පවා ඉතා සාර්ථකව ගොඩබෑම හා නැවත පියාසර කිරීමේ හැකියාවක් සහිතව මෙය තවත් දියුණු කරමින් සිටිනවා. මේ නව හැකියාවන් සහිත වැඩි දියුණු කල ඩ්‍රෝන යානයක් මේ වසර අවසානයට පෙර නිකුත් කරන බව ගූගල් එක්ස් ලැබ් හි ප්‍රධානි ඇස්ට්‍රෝ ටෙලර් පවසා ඇත.

October 19, 2015

වීඩියෝ එකක් වෝල්පේපර් එකෙන් බලමු

                        ටිකක් අමුතුයි වගේ පෙනුනට ඇති දෙයක් නම් නෑ. මේ ට්‍රික් එක කරන්න පුලුවන් VLC ප්ලෙයර් එකෙන්. VLC කියන්නෙ නොමිලේ දුන්නට ගොඩක් වැඩ කිඩ තියෙන ප්ලෙයර් එකක්... ‍ෆ්‍රී දුන්නට මේක වැඩි දියුණු කරන්න ගොඩක් රටවල අය දායක වෙනවා.
                            හරි මෙහෙමයි වෙන්නෙ. මුලින්ම දැනට VLC ප්ලෙයර් එක ඉන්ස්ටෝල් කරල නැත්නම් ඉන්ස්ටෝල් කරගන්න.www.videolan.org/vlc සයිට් එකෙන් මේක ඩවුන්ලෝඩ් කරගන්න පුලුවන්. 
                       තියෙන්නෙ පරණ සංස්කරණයක් නම්  (v 9.6) ඉස්සෙල්ලා කරන්න පොඩි වැඩක් තියෙනවා. ප්ලෙයර් එකේ මෙනු එකෙන් Settings->preferences->Interface->Main interfaces ගිහින් wxWidgets වල තියෙන "Taskbar"  කියන එකේ ටික් එක අයින් කරලා "Systray icon" කියන එකට ටික් එක දාන්න. ඊළඟට කැමති වීඩියෝ එකක් VLC එකෙන් ඕපන් කරන්න.
                            දැන් මෙනු එකෙන් Video->Output Modules->DirectX කියන එක ක්ලික් කරන්න. අලුත් ප්ලෙයර් එකේ කරන්න තියෙන්නෙ වීඩියෝ එක ඕපන් කරලා කෙලින්ම Video->Output Modules->DirectX Wallpaper හරි අලුත්ම එකේ Video->Set as Wallpaper ක්ලික් කරන්න විතරයි තියෙන්නෙ.
                          දැන් වීඩියෝ එක වෝල්පේපර් එක විදිහට වැඩකරයි. මේ දේවල් කරන්න පරිගණකයේ DirectX ඉන්ස්ටෝල් කරල තියෙන්න ඕනි.

October 15, 2015

Edge වෙබ් බ්‍රව්සරය හිතුව තරම් ජනප්‍රියද?

ඇපල් පරිගණක හැරුණුකොට ලෝකයේ ඇති වැඩිම පරිගණක සංඛ්‍යාවකම ක්‍රියාත්මක වන්නේ කුමන හෝ වින්ඩෝස් සංස්කරණයකි. අතීතයේදී නම් මෙහෙයුම් පද්ධතියට අමතරව වෙබ් බ්‍රව්සරයක් වෙනම ගැනීමට සිදු වුණා. මයික්‍රෝසොෆ්ට් සමාගම සතුව ඉන්ටනෙට් එක්ස්ප්ලොරර් තිබුණද, ඒ කාලයේ ලෝකයේම ප්‍රසිද්ධ වෙබ් බ්‍රව්සරය උනේ නෙට්ස්කේප් වෙබ් බ්‍රව්සරයයි. මේ ගැන සිතූ මයික්‍රෝසොෆ්ට් සමාගම වින්ඩෝස් සමග ඉන්ටෙර්නෙට් එක්ස්ප්ලෝරර් නොමිලේ ලබාදීමට කටයුතු කලා. මේ නිසා නෙට්ස්කේප් සමාගම බංකොලොත් වී නෙට්ස්කේප් බ්‍රව්සරය අතහැර දැමුවා.
මෙහෙම ඉ.එක්ස්පොලෝරර් වැජඹෙන කාලයේ ෆයර් ෆොක්ස් හා ඔපෙරා වැනි බ්‍රව්සර් තිබුණද තත්වය වෙනස් වුණේ ගූගල් ක්‍රෝම් පැමිණීමත් එක්කයි. එදා ඉදන් අද දක්වාම ලෝකයේ දැන් වැඩිම දෙනෙක් භාවිත කරන්නේ ගූගල් ක්‍රෝම් බ්‍රව්සරයයි.  ඉන්ටෙර්නෙට් එක්ස්ප්ලෝරර් ඕඑස් එක එක්කම ආවත් ඒකෙන් වැඩ කරන අය ලෝකයේ ඉතාමත් සුලුපිරිසක් වුනා. කොටින්ම ඉන්ටෙර්නෙට් එක්ස්ප්ලෝරර් ඉන්ටනෙට් බාවිත කරන අයගේ අප්‍රසාද ම බ්‍රව්සරය බවට පත්වුනා. 
ඒ ගැන හිතලා මයික්‍රෝසොෆ්ට් ලා අලුත් බ්‍රව්සරයක් නිකුත් කලා "එජ්" කියලා. අලුත් වින්ඩෝස් 10 එක්ක විතරක් වැඩ කරන ඒ සමග එන මේ බ්‍රව්සරය ඉන්ටෙර්නෙට් එක්ස්ප්ලෝරර් ව්‍යාපෘතියට කිසිම සම්බන්දයක් නොමැතිව නිර්මාණය කල එකක් බව පැවසෙනවා. ප්‍රධාන වශයෙන්ම එහි ඇති ටැබ් හා අනෙකුත් කොටස් ක්‍රෝම්, ෆයර් ෆොක්ස් බ්‍රව්සර් වල යෙදුම් වලට සමානව නිර්මාණය කර් තිබුණා. එජ් හා ඉන්ටෙර්නෙට් එක්ස්ප්ලෝරර් අතර සම්බන්දයක් නොමැති බව පවසා ඇත්තේ එජ් අනෙක් බ්‍රව්සර් වල අනුකරණයක් යන අපහාසය  ඉන්ටෙර්නෙට් එක්ස්ප්ලෝරර් ට එල්ලවීම වැලක්වීමට විය හැකිය.
කෙසේ නමුත් මේ අලුත් බ්‍රව්සරය සිතූ ලෙස ජනප්‍රිය නැති බව ලෝකයේ බොහෝ අය පවසනවා. ලෝකයේම එජ් බ්‍රව්සරයේ ජනප්‍රියතාව ගැන අදහස් පල කිරීමට හැකියාවක් නොමැති වුවත් (වින්ඩෝස් 10 නිකුත් කොට වැඩි කාලයක් නොමැති නිසා) දැනට භාවිත කරන පද්ධති මගින් ලබා ගත් දත්ත වලට අනුව පැහැදිලිවන්නේ එජ් සාර්ථක බ්‍රව්සරයක් නොවන බවයි. Net Applications හා StatCounter ආයතනය පැවැත් වූ සමීක්ෂණයන්ට අනුව ජූලි මාසයේදී එජ් බාවිත කරන්නන් ගේ ප්‍රතිශත 36% ලෙස පැවතුනත් අගෝස්තු වන විට එය 16% ක් දක්වා අඩු වී තිබිණි. 
                              එජ් බ්‍රව්සරය කොටානා වැඩසටහන හා සම්බන්ධව තිබීම හා අනෙකුත් සියලු ගුණාංඟ වලින් යුක්ත වූවත් එහි ක්‍රියාකාරිත්වය ගැන පරිශීලකයන් අතර සතු‍ටු දායක ප්‍රතිචාරය නැතිවී තිබේ.  මේ නිසා එජ් බ්‍රව්සරයද නැවත හුදකලා වීමට පටන් ගෙන ඇත.කෙසේ නමුදු ඒජ් එක්ස්ප්ලොරර් ට වඩා ජනප්‍රිය වී ඇත. අත්දැකීමට අනුව බොහෝ අය පවසන්නේ එජ් සාර්ථක නොවන බවත්,  ඉන්ටෙර්නෙට් එක්ස්ප්ලෝරර් හා එජ් අතර ඒ තර්ම් වෙනසක් නොමැති බවක් ය. මේ නිසා ගූගල් ක්‍රෝම් , ෆයර් ෆොක්ස් හා ක්‍රෝම් කේත සටහන යොදා නිර්මාණය කල වෙනත් බ්‍රව්සර් තවමත් ඉහලින් සිටී. මෙයින් පෙනී යන්නේ මයික්‍රෝසොෆ්ට් සමාගම බ්‍රව්සර් තරඟය තුල තවමත් අසාර්ථක බව නොවේද? 

October 13, 2015

වේගා ඉලෙක්ට්‍රික් කාර් එකේ අලුත් තතු...

විභාගෙට කියල නවත්තපු බ්ලොග් ලිවිල්ලට ආයෙ අත තියන්න ලැබුණෙ අද... ඒකෙන් වැඩක් නෑ.. මීට ඉස්සර ලංකාවෙ හදන මුල්ම ඉලෙක්ට්‍රික් කාර් එක ගැන පෝස්ට් එකක් ලිව්වා. ඒ ගැන ගොඩක් සයිට් වල බ්ලොග් වල දාලත් තිබුණා. එහෙම පටන් ගත්ත "වේගා" කාර් එකේ වැඩ කටයුතු දැන් අවසන් අදියරේ පවතිනවා. මේ පෝස්ට් එකෙන් ලියන්නෙ ඒගැන.
(පලමු ධාවනය)
100% ලංකාව තුලම නිපදවන වේගා ඉලෙක්ට්‍රික් කාර් එක උසස්ම ගණයේ නිමාවකින් සමන්විත වෙනවා. මේක නිකන්ම නිකන් ඉලෙක්ට්‍රික් කාර් එකක් නෙවෙයි. තේරෙන භාෂාවෙන්ම කිව්වොත් ඉලෙක්ට්‍රික් රේසිං කාර් එකක්. ඒ හින්දා මේ කාර් එකේ තියෙන මෝටර් ඩ්‍රයිවර් (මෝටර් ක්‍රියාත්මක කරන පරිපථ කොටස) එක විශේෂයෙන් නිපදවන්න ඕනි වෙනවා. 
                         ඒ වගේම සුදුසු බැටරි පද්ධතියක් නිපදවන එකත් ගොඩක් වැදගත්.ඒ විතරක් නෙවෙයි තව දේවල් ගොඩක් ගැන මේක නිපදවන කොට සැලකිලිමත් වෙන්න වෙනවා. මොකද මේක සාමන්‍ය පෙට්ට්‍රල් ඩීසල් වලින් යන එකක් නෙවෙයි නෙ.
                 ඉතින් මේ වැඩට තමන්ගෙ කාලය වගේම විශේෂයෙන් තමන්ගෙ මොළය වෙහෙසවන එකට, මේ ව්‍යාපෘතියට සම්බන්ධ වෙලා වැඩ කරන අයට ස්තූතිවන්ත වෙන්න ඕනි. මම එහෙම කිව්වෙ නිකන් නෙවෙයි. මේ ව්‍යාපෘතිය පටන් ගත්ත හර්ෂ සුබසිංහ මහත්මයට මේ වැඩේ වෙන රටක හොඳ තාක්ෂණික පසුබිමක කරන්න තිබුනා. ඒත් ඒ අය මේ වැඩේ අපේ රටේම පටන් ගත්තේ ලංකාවෙ ඉන්න නව නිපැයුම් කරුවන්ව දිරිමත් කරන්නයි. ඉතිං අපිට කරන්න තියෙන්නෙ පුලුවන් විදිහට වචනයකින් හරි ඒ අයට සහය දක්වන එක. මේ ටික කරා වගේම ඉතිරි වැඩ කටයුතු ටිකත් ඉතා සාර්ථක වෙන්න කියලා වේගා නිමැවුම් කරුවන්ට සුභ පතනවා...! VEGA Facebook page--->

September 3, 2015

Seal file encryption v1.3

                මේ තියෙන්නෙ මම ලියපු අලුත්ම සොෆ්ට්වෙයා එක.මේකෙන් අපිට ඕනි ෆයිල් එන්ක්‍රිප්ට් කරන්න පුලුවන්. සරලව කිව්වොත් පාස්වර්ඩ් එකක් දාලා ලොක් කරන්න පුලුවන්. එතකොට වෙන කෙනෙක්ට ඒක බලන්න බෑ. ෆයිල් එක ඕපන් කරන්න නම් පාස්වර්ඩ් එක දෙන්න ඕනි. පින්තූර, ඕඩියෝ, වීඩියෝ, ඩොකියුමන්ට් වගේ ඕනිම ෆයිල් එකක් එන්ක්‍රිප්ට් කරන්න පුලුවන්. ඕනිම කෙනෙක්ට ෆයිල් එන්ක්‍රිප්ට් කරන්න පුලුවන් වෙන විදිහට සරල භාවිතයට පහසු ඉන්ටෆේස් එකක් මේකෙ තියෙනවා.
               මේ දවස් ටිකේ බ්ලොග් එක ලියන්න බැරි උනෙත් මේකෙ වැඩ හින්දා තමයි. දෝෂ එකෙන් එක අයින් කරලා යාළුවන්ගෙ කොම්පියුටර් වලට දාලා ඒවයේ වැඩද කියල බලල එහෙම තමයි අන්තිමට රිලීස් කලේ. මේ සොෆ්ට්වෙයා එකේ ක්‍රියාත්මක් වෙන්නෙ මෙහෙමයි. අපි ෆයිල් එකක් ඕපන් කරාම මේ ප්‍රෝග්‍රෑම් එකෙන් Key එකක් ඉල්ලනවා. ඒ කී එක දුන්නාම ඒ කී එකට අනුව අදාල ෆයිල් එකේ අන්තර්ගතය වෙනස් කරනවා. එතකොට සාමාන්‍ය විදිහට මේ ෆයිල් එක සොෆ්ට්වෙයා වලට හඳුන ගන්න බෑ. නැවත යතා තත්වයට පත් කරන්න නම් නැවත මුලින් දුන්න කී එක නැත්නම් පාස්වර්ඩ් එක දෙන්න ඕනි.
වින්ඩෝස් xp,7, 8, 10 වල මේක වැඩ... ඕනි කෙනෙක්ට ඩවුන්ලෝඩ් කරගන්න පුලුවන්. මේක නොමිලේ දෙන එකක්..!

ඩවුන්ලෝඩ් කරගන්න:http://sealencryption.weebly.com/



August 17, 2015

ගූගල් ඇන්ඩ්‍රොයිඩ් බිහිවුණේ මෙහෙමයි...

                             ඇන්ඩ්‍රොයිඩ් ගැන නොදනන්න කෙනෙක් නෑ... දැන් එන ස්මාට් ෆෝන් වල පමණක් නොව රූපවාහිනී හා වෙනත් උපකරණ වල පවා ක්‍රියාත්මක වන මෙහෙයුම් පද්ධතියක් නිසා ලොව පුරා ඇන්ඩ්‍රොයිඩ් කියන නම ප්‍රසිද්ධයි. ඒත් ඇන්ඩ්‍රොයිඩ් ගූගල් සමාගම විසින්ම මුලින් ඇරඹූ එකක් නොවේ....
                             ඇන්ඩ්‍රොයිඩ් යන නාමය සහිතව සමාගමක් ආරම්භ වුනේ මීට අවුරුදු 14 කට කලින්. ඒ කියන්නෙ 2001 දී. මේ සමාගමේ නිර්මාපකයන් තමයි ඇන්ඩි රූබින්, රිච් මයිනර්, ක්‍රිස් හා නික් සියර්ස් යන අය. 

                                   මේ අයගෙ අරමුණ වුණේ පරිශීලකයාට වඩා සමීපව ක්‍රියා කල හැකි මෘදුකාංඟයක් නිර්මාණය කරන එක. ඒ අනුව 2003 දී ඇන්ඩ්‍රොයිඩ් ඉන්කෝපරේෂන් කියලා සමාගමක් පිහි‍ටුවා ගත්තා. ඒත් සිදුවුණේ නොසිතූ දෙයක්. ආදායමක් උපයාගන්න බැරිව සමාගම බංකොලොත් වෙන්න පටන් ගත්තා. මේ ගැන දැන ගත්ත ගූගල් සමාගම 2005 දී ඇන්ඩ්‍රොයිඩ් සමාගම  ඒකෙ වැඩ කරපු සේවකයන්ද සමගම මිලදී ගත්තා.
                       ඊට පස්සෙ මේ සමාගමේ අයට වැඩක් ගූගල් සමාගම පැවරුවා. ඒ තමයි ගූගල් ඇන්ඩ්‍රොයිඩ් නමින් මොබයිල් උපාංඟ වලට නව පන්නයේ මෙහෙයුම් පද්ධතියක් නිර්මාණය කරන එක. එතන ඉඳන් තමයි ඇන්ඩ්‍රොයිඩ් මෙහෙයුම් පද්ධතිය බිහිවෙන්න පටන්ගත්තෙ. ඒ අනුව යමින්  වසර 2007 දී මේ නව මෙහෙයුම් පද්ධතිය ලොවට එළිදැක්වූවා. ඇන්ඩ්‍රොයිඩ් වල තිබුණ තවත් විශේෂත්වයක් තමයි ඕපන් සෝස් නැත්නම් විවෘත කේත මෙහෙයුම් පද්ධතියක් වීම. ගූගල් සමාගම 2008 දී ඇන්ඩ්‍රොයිඩ් හි මුලු කේත සටහනම ප්‍රසිද්ධ කරා. මේ නිසා ඇන්ඩ්‍රොයිඩ් පාදක නරක වැඩසටහන් නිපදවන්න අපහසු වුණා වගේම විවිධ ඇප් ලෙහෙසියෙන්ම නිර්මාණය කල හැකි නිසා ඇන්ඩ්‍රොයිඩ් ලොව පුරා වේගයෙන් ජනප්‍රිය වුණා. එසේම තමන්ගේ උපකරණයට ගැලපෙන අයුරින් ඇන්ඩ්‍රොයිඩ් වෙනස් කර ගත් හැකි නිසා බොහෝ ඉලෙක්ට්‍රොනික උපාංඟ නිෂ්පාදකයින් සිය උපකරණවල දුවන මෙහෙයුම් පද්ධතිය ලෙස ඇන්ඩ්‍රොයිඩ් ‍තෝරා ගත්තා .ඇන්ඩ්‍රොයිඩ් හි ප්‍රධාන කේත සටහන හෙවත් කර්නල් ඒක ලිනක්ස් පාදක ඒකකි. ඇන්ඩ්‍රොයිඩ් හි XML කේත් පේලි ලක්ෂ 30ක්, C කේත් පේලි ලක්ෂ 28, Java කේත් පේලි ලක්ෂ 21 හා C++ කේත් පේලි ලක්ෂ 17.5 ක් ඇතුලත්. ඇන්ඩ්‍රොයිඩ් ඕපන් සෝස් වුවත් එහි වෙනස් කම් කරන්නට නිතී රීති ඇත. ඒවා සකසන්නේ ඕපන් හෑන්ඩ්සෙට් එලායන්ස් (Open Handset Alliance) නම් ආයතනයකිනි.
                      එතැන් පටන් විවිධ ඇන්ඩ්‍රොයිඩ් සංස්කරණ කීපයක් මේ වන විට පැමිණ තිබෙනවා. මේ අලුත් සංස්කරණ හදුන්වන නම ලෙස මෙතෙක් යොදා ගෙන ඇත්තේ ඉංග්‍රීසි හෝඩියේ පිළිවෙලට පැමිනෙන ආකාරයට සකසා ඇති අතුරුපස වල නම් වලිනි.
සංස්කරණය හදුන්වන නම
1.5 කප්කේක් (Cupcake)
1.6 ඩෝනට් (Donut)
2.0 හා 2.1 ඉක්ලෙයා (Eclair)
2.2 ෆ්‍රෝයෝ (Froyo)
2.3 ජින්ජර් බ්‍රෙඩ් (Ginger Bread)
3.0, 3.1හා 3.2 හනීකොම්බ් (Honeycomb)
4.0 අයිස්ක්‍රීම් සැන්ඩ්විච් (Ice Cream Sandwich)
4.1 හා 4.2 ජෙලිබීන් (Jelly Bean)
4.4 කිට්කැට් (Kit Kat)
5.0 හා 5.1 ලොලිපොප් (Lollipop)
                    ඇන්ඩ්‍රොයිඩ් හි නවතම සංස්කරණය ඇන්ඩ්‍රොයිඩ් M ලෙස එළිදක්වා තිබෙනවා. එහි කේත නාමය තවමත් ප්‍රසිද්ධ නැති වුවත් එය මැකඩමියා නට් කුකී (Macadamia Nut Cookie) ලෙස හඳුන්වනු ඇතයි පැවසෙනවා. ලොවපුරා ඇති ස්මාර්ට්ෆෝන් වලින් 78.9% කම ක්‍රියාත්මක වන්නේ ඇන්ඩ්‍රොයිඩ් මෙහෙයුම් පද්ධතියයි.

July 29, 2015

අකුණු විදුලිය ගබඩා කිරීමට හැකි විස්මිත කුළුණ

                             අකුණු ගහනවා, විදුලි කොටනවා නැත්නම් සරලවම් කිව්වොත් හෙණගහනවා කියන්නෙත් එකම දේකට. ස්ථිති විද්‍යුත් ආරෝපණය නිසා වලාකුළු වල එක් ‍රැස් වෙන ආරෝපණ වලාකුළකින් වලාකුළකට වගේම පොළවටත් පැමිණෙනවා (ඒ ගැන විස්තර කරන්න ගියොත් මේ පෝස්ට් එක ඒකටම වැය වෙනවා) . මේ විදුලි කෙටීම නිසා ඇතිවෙන විදුලි බලය සුලුප‍ටු නෑ. ඒවා මනින්න වෙන්නෙ වෝල්ට් මිලියන බිලියන ගණන් වලින්. ඉතිං මේ විදුලි බලය ගබඩා කරගෙන වැඩක් කර ගන්න පුලුවන් නම් ගොඩක් වටිනවා. ඒත් ඒක ලෙහෙසි පහසු වැඩක් නෙවෙයි.
                          මේ ගැන කල්පනා කරපු සුප්‍රසිද්ධ විදුලි වාහන නිපදවන ටෙස්ලා සමාගම අපූරු කුළුනක් නිර්මාණය කරලා තියෙනවා. "Tesla baby" නමින් මේ කුළුනෙ තියෙන විශේෂත්වය තමයි අකුණු වලදී ඇතිවෙන විදුලිය මේ කුලුණ තුල ගබඩා කර තබා ගැනීමට හැකි වීම. රුසියාවේ මොස්කව් නුවර ඉඳලා කි.මි 40ක් ඇතුලතින් තමයි මේ කුළුණ තියෙන්නෙ. මේක කුළුණක්ම විතරක් නෙවෙයි. විදුලි ගබඩා සංකීර්ණයක්.   
                                        අකුණක තියෙන විශේෂත්වය තමයි අධික විදුලියක් ඇති වුණත් මේ විදුලිය පවතින්නේ තත්පරයෙන් 1/100 පමණ කාලයක් වීමයි. මේ නිසා මෙයින් ඇතිවෙන ශක්තිය අති විශාලයි. මෙවැනි ශක්තියකට ඔරොත්තු දෙන්න පුලුවන් විදිහට තමයි මේ කුළුණ හදල තියෙන්නෙ. කොහොම උනත් මේක වැඩ කරන්නෙ අකුණු ගහන වෙලාවට විතරයි. මේ ව්‍යාපෘතියට අදාල උපකරණ නඩත්තු කරන්න වගේම පරීක්ෂණ වලටත් ඉතා අධික වියදමක් දරන්න ටෙස්ලා සමාගමට සිදුවෙලා තියෙනවා. ඒ වගේම මේක රුසියාව රහසිගතව ක්‍රියාත්මක කල ව්‍යාපෘතියක්.
                                    මේ වගේ කුලුණක් මීට ඉස්සර ඇමරිකාවේත් පිහි‍ටුවා තිබුණත් මේ නව කුලුණේ ඇති හැඩය හා තාක්ෂණය අනේක් ඒවාට වඩා වෙනස් ආරකින් නිර්මාණය වූවක්. ‍රැහැන් රහිත විදුලි සම්ප්‍රේෂණය කිරීම සඳහා කරන පරීක්ෂණ වල ප්‍රථිඵලයක් විදිහට තමයි මේ නිර්මාණය බිහිවෙලා තියෙන්නේ.

July 24, 2015

ලෝක වාර්තා තැබූ ඉලෙක්ට්‍රික් රේසිං කාරය

                                                            ඉලෙක්ට්‍රික් කාර් අද ලෝකයේ ප්‍රධාන මාතෘකාවක්. නැතිවී යන ඛනිජ තෙල් වෙනුවට පුනර්ජනනීය බලශක්තියක් වන විදුලියෙන් දුවන වාහන නිපදවන්න ගොඩක් අය උතසහ කරනවා. ඒත් විදුලියෙන් දුවන රේසිං කාර් හදන්න පුලුවන්ද? ලෝකෙටම ප්‍රශ්ණයක් වෙලා තිබුන මේ ගැටලුවට විසඳුමක් දෙන්න දැන් පුලුවන් වෙලා තියෙනවා.
                     GreenTeam Uni Stuttgart කියන ටීම් එක තමයි මේ කාර් එක හදල තියෙන්නෙ. මේ රේසිං කාර් එකට තත්පර 1.779 කදී පැ.කි 0-100 දක්වා වේගයක් ගන්න පුලුවන්.
                                  මේක ගිනස් ලෝක වාර්තාවක් විදිහටත් නම් කරලා තියෙනවා. ග්‍රීන් ටීම් එක මේ වාර්තාව තියල තියෙන්නෙ මීට කලින් තියපු තත්පර 1.785 වාර්තාව බිඳලා . මේ මෝටර් රථයට කලින් මොවුන් විසින් තවත් මෝටර් රථ 4ක් නිපදවා තිබෙනවා.
ළඟදීම දවසක අපිටත් ඉලෙක්ට්‍රික් කාර් රේසිං තරඟ බලන්න හැකියාවක් ලැබෙවි. ඒ වගේම අපේ රටේ හදන වේගා ඉලෙක්ට්‍රික් කාර් එකත් ලඟදීම එළි දක්වාවි. සමහර විට මේ ලෝක වාරතාව බිඳ දමන්න අපේ වේගා කාර් එකට හැකි වේවි...!

July 22, 2015

මිනිසා හඳට ගෙනගිය ඇපලෝ ගයඩන්ස් පරිගණකය

                                 මිනිසා සඳ මත පා තබා මේ මාසෙ 20 දිනට අවුරුදු 46 ක් සපිරුනා. මේ කියන්නෙ සඳ මත පා තැබීමේ මෙහෙයුමට තීරනාත්මක විදිහට දායක වුණ උපකරණයක් ගැන. ඒ තමයි නීල් ආම්ස්ට්‍රෝං ගමන් කල ඇපලෝ 11 යානය පාලනය කල ඇපලෝ ගයඩන්ස් කියන පරිගණකය ගැන. අභ්‍යවකාෂ තරණයට රුසියාව යි ඇමරිකාව යි අතරේ ලොකු තරඟයක් තිබුණ බව දන්නවා ඇති. සඳ ගමන කටයුතු දුරස්ථව පාලනය කලහොත් රුසියාවෙන් ඊට බාධා ඇති වේ යැයි බියෙන් ඇමරිකාව යානයේ මුලු පාලනය පරිගණකයකට බාර දීමට අදහස් කලා. එකල තිබූ තාක්ෂණයට අනුව කාමර තරම් වූ පරිගණකයකින් කුඩා පෙට්ටියක් තරම් වූ දෝෂ රහිත නිවැරදිම ක්‍රියාකාරිත්වයක් ඇති පරිගණකයක් නිපදවීම ලෙහෙසි කටයුත්තක් වුණේ නැහැ.
                                    නාසා ආයතනය මේ බැරෑරුම් කටයුත්ත බාර කලේ ඇමරිකාවේ මැසචුසෙට්ස් තාක්ෂණික ආයතනයටයි (MIT). ස්ටීව් බෙල්ස් ඇතුලු පරීක්ෂකයන් කණ්ඩායමක් මේ වැඩේ භාරව සිටියේය.IC නැතිනම් සංයුක්ත පරිපථ මුලින්ම යොදා ගත්තේ මේ ගයඩන්ස් පරිගණකයේදීයි. රේතියන් නම් සමාගමක් විසින් සිදුකල මෙහි ඇති විශේෂත්වය නම් මේ සියලුම IC රෙදි විවීමේ ‍රැකියාවේ නියුතු කාන්තාවන් විසින් අතේ වියන ලද ඒවා වීමයි.   
                                       මෙවැනි IC 5000 ක් පමණ නිපදවිණි .එයට යොදා ගත්තේ සියුම් කම්බි යකඩ හර වටා ගොතා සකස් කර ගත් කම්බි රටාවකි. ඒවා අතර විදුලිය ඇතිවීම නැතිවීම මත ඩිජිටල් '1' හා '0' සංඥා ඇතිකල හැක. මේ සංඥා මගින් පරිගණකය ක්‍රියාත්මක වේ. පරිගණකය ක්‍රියා කිරීමට අවශ්‍ය මෘදුකාංඟ නිර්මාණය කලේ ඩොන් අයිල්ස් සමග පීටර් ඇඩ්ලර් ය. එම මෘදුකාංඟ පරිගණකයේ දෘඩාංඟ දෙස කෙලින්ම බලා නිර්මාණය කර ඇත. මේ සියලු වැඩකටයුතු නිමවීමට අවුරුදු 7ක් ගතවිය.
                                ගයඩන්ස් පරිගණකය කෙටීයෙන් හැදින්වූයේ ඩිස්කි (DSKY- Display and Keybord Unit) කියාය. වේගය 2.048MHz වූ මෙහි ‍රැම් මතකය වචන(Word) 2048  වූ චුම්බක මතකයක් හා සප්තඛනඩ ප්‍රදර්ශක තිරවලින් , බල්බ වලින් සමන්විත මෙහි රොම් මතකය වචන 36,864 විය.
                                    මෙය අද කාලේ ඇති සාමාන්‍ය ජංගම දුරකථනයකටත් වඩා මන්දගාමීය. නමුත් ඒ කාලයේ මෙය ඉතා වේගවත් පරිගණකයකි. වොට් 70ක ක්ෂමතාවකින් ක්‍රියා කරන මෙහි බර කි.ගැ 31.8 කි. තවද සෙ.මි 61x32x17 ප්‍රමාණයකින් යුතුවිනි.දැන් ඇමරිකානු ජාතික කෞතුකාගාරයේ ඇති මෙය අදටත් හොඳින් ක්‍රියාත්මක වේ.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.