March 30, 2016

FBI විසින් ඇපල් සහය නොමැතිව අයිෆෝනයක් ක්‍රැක් කරයි

                     ඉකුත් දෙසැම්බරයේ කැලිෆෝනියාවේ සැන් බ(ර්)නාඩිනෝ දී සිදුවුණු වෙඩි තැබීමට සම්බන්ධ ත්‍රස්තවාදියෙකුට අයත් ඇපල් අයිෆෝනයක් සතු තොරතුරු FBI සංවිධානය මගින් ලබා ගෙන තිබෙනවා. වඩා වැදගත් කරුණ නම් මේ තොරතුරු ලබා ගෙන ඇත්තේ ඇපල් සමාගමේ සහයකින් තොරව වීමයි.
           ඇපල් අයිෆෝන් 5C වර් ගයේ මෙම දුරකථනයේ තොරතුරු ලබා ගැනීමට තවදුරටත් ඇපල් සමාගමේ සහය අවශ්‍ය නොවන වග ඔවුන් කියාසිටියා. මේ සිදුවීමත් සමග ඇපල් අයිෆෝනයේ ආරක්ෂාව පිලිබඳ යම් කුකුසක් ඇතිවී තිබේ. FBI විසින් ඇපල් සමාගමෙන් මේ තොරතුරු ලබා ගැනීමට මෘදුකාංඟයක් සඳහා ඉල්ලීමක් කලද එයට ප්‍රතිචාර දැක්වීම පමා වන නිසා එයින් අදාල නඩුව පමාවීමක් සිදුවන බැවින් දත්ත ලබා ගැනීමට නමක් සඳහන් නොකරන තුන්වන පාර්ශවයක සහය ලබාගන්නා බව පවසා ඇත.
ඇපල් දුරකතනයක මුරපදය අවස්ථා 10 කදී නිවැරදිව ලබාදීමට නොහැකි වුවහොත්, එහි ඇති දත්ත ඉබේ මැකී යාමේ ක්‍රමයක් පවතිනවා. මෙය අයිෆෝනයේ ආරක්ෂක උපක්‍රමයක්. දත්ත ලබා ගැනීමට FBI විසින් මෙහිදී භාවිත කර ඇති ක්‍රමය NAND mirroring ලෙස හැඳින්වෙනවා. මෙය ක්‍රියාත්මක වන්නේ මෙසේය...
ඇපල් අයිෆෝනයේ ඇති තොරතුරු විකේතනය (encrypt) කර ගබඩා කර ඇත. ඒ නිසා එහි ඇති තොරතුරු ලබා ගැනීමට නම් අදාල මුරපදය ලබාදීම සිදුකල යුතුය. එහෙත් අදාල මුර පදය නොදන්නා නිසා අංක 4 කින් යුත් අනුමාන මුර පද ඇතුලත් කරමින් උත්සහ කල යුතුය. එහෙත් අවස්ථා 10 කින් පසු තොරතුරු මැකි යන නිසා එය එසේ කල නොහැක. එමනිසා මෙහිදී විශේෂ ක්‍රමයකින් මුර පදය සොයා ගනු ලැබ ඇත. එහිදී මුලින්ම දුරකථනයේ ඇති මතකය පිටපත් කරගනී. ඉන් පසු අනුමාන මුරපද 10 ක් ඇතුලත් කර පරික්ෂා කර බලයි. එවිට අවස්ථා 10 කදී එය නිවැරදිව ඇතුලත් කිරීමට නොහැකි වුවහොත් සියලු දත්ත මැකී යයි. දැන් පිටපත් කල මතකය දුරකතනයේ නැවත පිහි‍ටුවා නැවතත් පරික්ෂා කරයි. මෙසේ නිවැරදි මුරපදය ලැබෙන තෙක් මෙය දිගින් දිගටම සිදු කර අවසානයේ නිවැරදි අංකය සොයා දුරකථනයේ තොරතුරු ලබා ගෙන තිබේ. කෙසේ වුවත් මෙය ඉතා අපහසු මෙන්ම කාලය ගතවන සංකීර් ණ ක්‍රියාවලියකි. සාමාන්‍ය උපාංඟයක නම් මෙහි දත්ත විකෙතනය කරන ලද කේතය(Encryption Code) සොයා දත්ත ලබාගත හැකි නමුත් අයිෆෝනයේ පවතින සංකීර් ණ උපක්‍රම නිසා එහිදී එය සිදුකල නොහැක.
මෙමගින් අනෙකුත් අයගේ දුරකථනයේ තොරතුරු වලට අනතුරක් ඇති බැවින් තොරතුරු ලබා ගත් ක්‍රමය ඇපල් සමාගම වෙත හෙළිකල යුතුබව ඇතැමුන් අදහස් කර සිටිනවා. කෙසේ වෙතත් මෙසේ තොරතුරු ලබා ගත් ක්‍රමය හා ඒ තොරතුරු අදාල නඩුවේ සාක්ෂි වන නිසා ඒවා ඇපල් සමාගමට ලබා නොදීමට වැඩි හැකියාවක් ඇත.ඇපල් සමාගම හා FBI අතර මේ සිදුවීම නිසා යම් යම් මතභේද ඇතිවී බවට පැවසෙනවා. ඇපල් සමාගමේ ගිවිසුම් හා FBI සංවිධානයේ පවතින ගිවිසුම් වල යම් යම් කරුණු වලට මේ සිදුවීම පටහැනි වීමතිබීම මීට හේතුවයි.

March 29, 2016

නෙළුම් යායේ නෙළුම් පිපුණා...

නෙළුම් යාය බ්ලොග් සම්මාන උළෙල 2015  
වසරේ හොඳම විද්‍යා හා තාක්ෂණික බ්ලොග් අඩවිය 
තුන්වන ස්ථානය

              බ්ලොග් සම්මාන උලෙළට මගේ බ්ලොග් එකත් නිර්දේශ වෙලා කියල තිබුණම මට ලොකු සතුටක් දැනුනා. නිවුස් එක ඉස්ලාම කිව්වෙ අම්මට. ඒ මගේ හැම වැඩක්ම පස්සෙන් ඉඳන් බලාගන්නෙ එයා හින්දා. ඒක දැකලා අම්මටත් ගොඩක් සතු‍ටු හිතිලා උත්සවේ බලන්න එයත් යන්න එනව කිව්වා. කොහොම හරි පාර හොයාගෙන තැනට ආවා. එතකොටම අජිත් සර් ආවා. මූණ විතරයි නෙ දැකල තිබුනෙ! සර් මා ගාවට ඇවිත් කතා කරලා ගියා.. එවෙලෙ සර් ටිකක් බිසී... ඊට ටික වෙලාවකට පස්සෙ අපේ ස්‍රංග අයියයි තරු රිසි අක්කයි ආවා... ඔහොම ටිකක් වාසෙ දේසෙ කතා කර කර ඉන්නකොට කල්‍යාණ මිත්‍ර සුමිත් අයියා එතනට ඇවිත් කතා කරලා තට්‍ටුවක් දාගෙන ගියා.. 

සම්මාන දෙන කොට ඉස් ඉස්සෙලාම සම්මානෙ ගත්තෙ මම. ඒ මාතලංගෙ අතින්! . එකිනෙකා කවදාවත් දැකල නැති ගොඩක් අය එදා අඳුන ගන්න ලැබුනා... හැමෝම හරිම නිහතමානීව කතා කලා... මට මේ ලැබුණ සම්මානය ඇත්තටම ගොඩක් ලොකු හයියක්. මුලින්ම මේ සම්මානයට මාව නිර්දේශ කරලා මේ ඇගයීම මට දුන්න විනිශ්චය මණ්ඩලයට ගොඩක් ස්තූති වන්ත වෙනවා. විභීෂණ, ඩ්‍රැකී, අවන්හල ලියන මහේෂ් අයියා,කැලේට පිපුණු මල් ලියන වත්සලා අක්කා, ඔමා,ටිම් කුරු‍ටු! වගේ ගොඩක් බ්ලොග් ලියන අය අඳුනගන්න ලැබුණා. අටං නම් ඉතා උසස්ම සිංහල විදියට පිළිගත්තා.... (කමී දන්නවා විස්තරේ..!) . උත්සවේ තිබුණු නාටක දෙක නම් පට්ට සුපිරි කියල කියන්න පුලුවන්.... මාතලං ලියපු මනා කියපු 'තුන් මුල්ලේ' සින්දුවත් ආසාවෙන් අහන් හිටියා.... ඇත්තෙන්ම උත්සවය සුපිරියටම තිබුණා...  ඒ පැය කීපය පුරාම හිටියෙ හරිම ප්‍රබෝධයකින්.
නිර්මාණ කරුවන්ට නිසි ඇගයීම ලබා දෙමින් ඔවුන් දිරිමත් කරමින් මේ කරනා මෙහෙවරට නෙළුම් යායේ හැමෝටම මගේ හදපිරි ස්තූතිය... ඉදිරියෙදීත් මීටත් වඩා සාර්ථකව උත්සවය පැවැත්වීමට හැකිවේවා යි ප්‍රාර්ථනා කරමි. එසේම සම්මාන ලබාගත් සියලුම දෙනාට උණුසුම් සුබ පැතුම් එක්කර සිටිමි..

March 22, 2016

ඇත්තටම විදුලිය පිරිමහනවද?

                ඉතිං ඉතිං... ගොඩ කාලෙකට පස්සෙ... විභාගෙන් පස්සෙ ‍ෆ්‍රී වෙයි කියල හිතුවට ආෆ්ට(ර්) එක්සෑම් වැඩිපුරම බිසී උනේ! ෆෙස් බුක් එකට ගොඩ උනත් බ්ලොග් එක පැත්තෙ එන්න බැරි උන එකට පොඩි අප්සට් එකක තමයි හිටියෙ.. හරි හරි.. දැන් ඒ ඒවයෙන් වැඩක් නෑ... බහිමු මාතෘකාවට.

මෑතකදී සිදුවුණු විදුලි බිඳවැටීම කාටත් මතක ඇති. පැය 24 ම තිබුණු එක පැය 7ක් නැතිවුණාම ගොඩක් අයට දරාගන්න බැරි වුණා...! එක එක්කෙනා එක එක අයට බනිනවා. ඇත්තටම මේ ඔක්කොම කේස් ආවෙ ට්‍රාන්ස්ෆෝමරයක් පිපිරුණ එකෙන් නොරොච්චෝලෙ අක්‍රිය වුණු හින්දා.... ඒකෙන් මෙගා වොට් 600 ක විතර පද්ධතියට අහිමි වුණා. 
                                ඇත්තටම මෙහෙම වෙන්නෙ මුලු පද්ධතියෙම ආරක්ෂාවට. යම් තැනක ප්‍රභල බිඳ වැටීමක් වුණාම අනෙක් ඒවාට සිද්ධවෙන හානිය වලක්වන්න. ඒ අහිමි වුණ ධාරිතාව පෞද්ගලික බලාගාර වලින් ගන්න ගියා නම් ඉතා විශාල මුදලක් ඒකට වැයකරන්න වෙනවා. ට්‍රාන්ස්ෆෝමර් පිපුරුවෙ ඇයිද, කරන්න ඕනි මොක්ද්ද කියල මං කියන්න යන්නෙ නෑ. මොකද මං ඒ ගැන හරියටම දන්නැති හින්දා. හැබැයි එක දෙයක් කියන්න ඕනි. මේ සිද්ධිය විතරක් නෙවෙයි. මොනයම් හෝ කුඩා බිඳවැටීමක් වුණාම ඒක පිළිසකර කරන්න විදුලි බල මණ්ඩලයේ සේවකයෝ ලොකු කැපකිරීමක් කරනවා... ඒ හන්දා විදුලි විසන්ධියකදි ඒ අයගෙ අම්මල, පවුලෙ අයව මතක් කරල වැඩක් නෑ. ඉවසන්න ඕනි පොඩි වෙලාවක්...
හරි... මන් කියන්න හදන්නෙ තවත් වැදගත් දෙයක් ගැන. අපිට නොදැනීම අපි කරන විදුලි නාස්ති කිරීම් ගැන. මේවා පොඩියට තිබුණට ලොකු දේවල්. පොඩ්ඩක් හිතන්න තමංගෙ මොබයිල් ෆෝන් එක චා(ර්)ජ් එකට ගහල ගලවනකොට කීයෙන් කී දෙනාද ෆෝන් චා(ර්)ජර් එක ප්ලග් එකෙන් ගලවල අයින් කරන්නෙ? සමහර වෙලාවට උදේ ගහපු එක ආයෙ රෑ වෙලා චා(ර්)ජ් එකට ගහනකම් ඔන් එකේ. ෆෝන් එක ගැලෙව්වට චා(ර්)ජර් එක නොගැලෙව්වොත් යම් විදුලියක් නිපදවෙනවා කියල දන්නවනෙ. ඉතින් මේක ගෙවල් ගොඩක සිදුවෙනකොට.... අනික තමයි වැඩකට නැති බල්බ් නිවන්න කියලා ටීවි එකේ ඇඩ් දාලා කිව්වත් වැඩක් නෑ. "අනිත් එවුන්ට හොඳ නම් අපිටත් හොඳයි" කියලා ඉන්නවා. ඒ හන්දා එකෙක්වත් හැදෙන්නෙ නෑ... ඒ හින්දා දැන් ඉදන්වත් පුරුදු වෙන්න... කාමරයකින් එලියට යනකොට ලයිට් එක නිවලා ෆෑන් එක ඕෆ් කරල එලියට යන්න. හැබැයි ගොඩක් අය ෆ්‍රිජ් එක නම් ඕෆ් කරනවා මොකුත් නැති වුණාම. මොකද ඒකෙන් වෙන වැඩිවීම පර්ස් එකට ටිකක් දැනෙන හින්දා.... 
ඊළඟ කාරනය තමයි උපකරණ ස්ටැන්බයි තත්වයේ තැබීම. සරලව කිව්වොත් ටීවි එක රිමෝට් එකෙන් ඕෆ් කරල ප්ල්ග් එකෙන් ඕෆ් නොකර ඉන්න එක. ඒ වගේම කොම්පියුටරය ස්ලීප්(sleep) කරල තියන එක. සෙටප්, හෝම් තියේටර්, ප්ලෙයර් මේ හැම දේකටම මේ කාරණය අදාලයි. ස්ටෑන්බයි අවධියේ තියෙන උපකරණ ක්‍රියා නොකරනවා වගේ පෙනුනත් නැවත ක්‍රියාත්මක වන්න විදානයක් ලැබෙන විට ඉක්මනින් ක්‍රියාත්මක වන්න උපකරණයේ අභ්‍යන්තර පරිපථ සූදානමේ පැවැත්වීමට යම් විදුලියක් වැයවෙනවා... 
හොඳට හිතුවොත් අපිට හිතාගන්නවත් බැරි විදියට විදුලිය ඉතුරු කරන්න පුලුවන්. බත් උයන්න උනත් රයිස් කුකර් වෙනුවට, වතුර උණු කරන්න හීටර් වෙනුව හැකි හැම විටම දර ළිපක් භාවිත කරන්න. මේ කියන හැමදෙයක්ම ප්‍රායෝගිකව හැමෝටම ක්‍රියාත්මක කරන්න බැරි වෙන්න පුලුවන්. ඒත් පුලුවන් කම තියාගෙන කරන්න පුලුවන් පොඩි දේත් නොකර ඉන්න එපා... උදාහරණයක් විදියට අපේ ගෙදර තාමත් රෙදි මදින්නෙ පොල් ක‍ටු අගුරු ඉස්තිරික්කයකින්. ඒකෙන් සුපිරියට රෙදි මැදෙනවා කියලා ඒක පාවිච්චි කරපු අය දන්නවා... ඒත් දැන් පොල් ක‍ටු අගුරු ඉස්තිරික්කයක් හොයාගන්නවත් තියෙනවද කියල දන්නෙනෑ... අපේ ගෙදරට ඉස්සර ප්‍රධාන විදුලිය නොතිබුණ කාලයේ සූර්්‍ය කෝෂයකින් තමයි බල්බ් පත්තු ක්ලේ. ඒත් ප්‍රධාන විදුලිය ආවා කියල ඒක අහකට දැම්මෙ නෑ. අදටත් සමහර කාමර වලට එළිය දෙන්නෙ ඒකෙන්. ලයිට් කපපු වෙලාවට වටේම ගෙවල් අඳුරෙ තියෙද්දි අපේ ගෙදර හොඳට එලිය තියෙනවා;) .ඒ වගේම සාමාන්‍ය බල්බ් වෙනුවට CFL නැත්නම් වඩාත් හොඳයි LED භාවිතයට හුරු වෙන්න. මූලික පිරිවැය වැඩි වුණාට දීර්ඝ කාලීනව හොඳ ඉතිරි කිරීමක් වෙනවා. ඒක තමංගෙ ආර්ථිකයට වගේම රටේ ආර්ථිකයටත් ගොඩක් හොඳයි. 
මේ ටික ලියන්න හිතුවෙ ගොඩක් අය මේ දේවල් ගැන වැඩිය හිතන්නෙ නැති නිසා. පොඩ්ඩක් හිතන්න. අනෙක් අය කරනකම් බලා ඉන්නෙ නැතුව තමං උත්සහ කරන්න.. අනිත් අයටත් කියන්න...

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.