May 30, 2016

QR කෝඩ් පැටිකිරිය

කොයි කවුරුත් දන්න බාර් කෝඩ් වගේම තොරතුරු රඳවා තැබිය හැකි තවත් කේත ක්‍රමයක් තිබේ. කිව්-ආර් කෝඩ් (QR Code) ඒ අනෙක් කේත ක්‍රමයයි.වෙබ් අඩවි වලට සබැඳි එක් කිරීම අතින් QR කෝඩ් අද ලෝකයේ ඉතා ජනප්‍රිය ය.
වෙබ් අඩවියකට සම්බන්දයක් දක්වන වෙබ් පි‍ටුවල ඇති හයිපර් ලිංක් මෙන් භෞතික ලෝකයේ ඇති මෙවැනි කේත හාඩ් ලිංක් (hard link) ලෙස ද හඳුන්වයි. එමනිසා QR කෝඩ් 'භෞතික ලෝකයේ හයිපර් ලිංක්' කියා හඳුන්වයි. පොතක, බිත්තියක වැනි ඕනෑම තැනක ඇති මෙවැනි කේතයක් කිව්ආර් රීඩරයකි මෙන්ම, ස්මාර්ට් ෆෝනයකින් ද ස්කෑන් කර එහි ඇති තොරතුරු කියවිය හැකිය.
  • සොයාගැනීම....
QR කෝඩ්  (QR-Quick Response)  තාක්ෂණය සොයාගනු ලැබුවේ ජපානයේ ඩෙන්සෝ වේව් නම් සමාගම විසින් 1994 වසරේදී ය. වාහන අමතර කොටස් නිවැරදිව ගණන් තබා ගැනීමට උපක්‍රමයක් ලෙස මෙය නිර්මාණය කරන ලදී. අදටත් QR කෝඩ් තාක්ෂණයේ පේටන්ට් බලපත්‍ර හිමිකම ඇත්තේ ඩෙන්සෝ වේව් ආයතනයටයි.
  • තාක්ෂණය....

සාමාන්‍ය බාර් කෝඩ් එකකට වඩා මෙහි ඇති වෙනස්කම කියවීමේ පහසුව ම පමණක්ම නොවේ. බාර් කෝඩ් එකක ‍රැඳවිය හැකි සංඛ්‍යාංක(digit) 20 ක ප්‍රමාණයක් වුවත් QR කෝඩ් තුල එම ප්‍රමාණය මෙන් සිය ගුණයක් තොරතුරු ‍රැඳවිය හැකිය. එසේම අකුරු වලට අමතරව පින්තූර පවා මෙයට ඇතුලත් කල හැකිය. ඉලක්කම් නම් 7089 ක් ද අකුරු නම් 4296 ක් ද මේ තුල ‍රැඳවිය හැකිය. එය විශාල දත්ත ප්‍රමාණයකි.
QR කෝඩ් වල දත්ත රඳවන්නේ එහි ඇති කො‍ටු හෙවත් මොඩියුල් තුලය. මෙසේ රඳවා තබන තොරතුරු එය කියවන මෘදුකාංඟයේ ඇති විශේෂිත ඇල්ගොරිතම මගින් පරිවර්ථනය කොට දෙනු ලබයි. මෙයට ගත වන්නේ ඉතා සුළු කාලයකි. මේවාට (QR) කෝඩ් නම සෑදී ඇත්තේ ද එමනිසාය.වැරදීමකින් මේ කොටස් වල සුළු දෝෂ තිබුණ ද, එනම් යම් කොටසක් ඉරී හෝ අපහැදිලි වී තිබුණ ද එම වැරදි නිවැරදි කර ගැනීමට මේවාට පුළුවන. එසේම ස්මාර්ට් ෆෝනයකින් වැනි එකකින් කියවන විට හරියටම එක එල්ලේ අල්ලා කියවිය යුතු නොවේ. එය යන්තම් පෙනෙන ආකාරයට වුවද කියවිය හැකිය.
QR කෝඩ් එකක් සමචතුරස්‍රාකාරය. එහි කෙලවර 3ක එකක් තුල තවකෙක් පිහිටන සේ ඇති සමචතුරස්‍ර 3කි. මේවා ඇස් ලෙස (eyes) හඳුන්වයි. අනෙක් ඉතිරි කෙලවර මුල් චතුරස්‍ර වලට වඩා කුඩා එකක් ඇත. මේ කෙලවර 3 යාකරන තිත් පෙළක් ද තිබේ. ඒවායින් ආවරණය වන ප්‍රදේශයෙහි ඇති තිත් රටාව තුලින් අදාල පණිවිඩය නිරූපණය කරයි. 
  • අලුත් පරම්පරා....

ඩෙන්සෝ වීව් සමාගමට පේටන්ට් බලපත්‍රය අයත් වුවද, මේ තාක්ෂණය දියුණු කරන්න ඕනෑම කෙනෙකුට අවසර ඇත. ඒ අනුව විවිධ පන්නයේ QR කෝඩ් දැන් බිහිවී ඇත. 
*සාමාන්‍ය QR කෝඩ් වලට වඩා කුඩා ප්‍රමාණයේ, අඩු දත්ත ප්‍රමාණයක් (සංඛ්‍යාංක 35 ක්) ‍රැඳවිය හැකි ආකාරයක් තිබේ. එය Micro QR කෝඩ් ලෙස හඳුන්වයි.
*i QR කෝඩ් යනු කුඩා නමුත් වැඩි දත්ත රඳවා තැබිය හැකි මාදිලියකි. මෙහි තිරස්ව හා සිරස්ව මොඩියුල් 422 ක් තිබේ. එහි සංඛ්‍යාංක 40,000 ක් පමණ ‍රැඳවිය හැකිය.
*QR කෝඩ් එකක ඇති දත්ත ඕනෑම අයෙකුට කියවිය හැකි වුවත් එසේ කියවිය නොහැකි මාදිලියක් SCQR (Secure QR code) ලෙස හඳුන්වයි. ඒවා කියවීමට විශේෂිත මෘදුකාංඟ හා රීඩර් අවශ්‍ය වේ.
*Frame QR කෝඩ් නමින් හඳුන්වන මාදිලියේ දත්ත වලට අමතරව කුඩා පින්තූරයක් ද සහිතව මුද්‍රණය කල හැකිය.

*සාමාන්‍ය QR කෝඩ් වලට වඩා නවීකරණය වූ සජීවීකරණය කරන ලද (Animated QR) මාදිලියක් ද දැන් තිබේ.
  • ප්‍රයෝජන....

වෙබ් අඩවි වලට සබැඳි එක් කරනවාට අමතරව විවිධ ප්‍රයෝජන QR කෝඩ් වල තිබේ. නොයෙක් නිෂ්පාදන වල විස්තර අඩු ඉඩක රඳවා තබන්නට මේවා යොදා ගන්න පුලුවන. ඒ නිසා නිෂ්පාදන විස්තර රඳවන්නට එහි ඇසුරුම බාධාවක් නොවේ.පුවත් පත් ලුහුඬු දැන්වීම් පළ කිරීමේදී මේ ක්‍රමය යොදා ගැනීමෙන් අඩු ඉඩක වැඩි දත්ත ප්‍රමාණයක් ගබඩා කල හැකිය.
  • අපිට හදා ගන්න පුළුවන් ද?..... ඔව් අපිටත් පුළුවන්!

තමාට අවශ්‍ය තොරතුරු රඳවා QR කෝඩ් නිර්මාණය කර ගැනීමට නොමිලේ දෙන වෙබ් සේවා රාශියක් දැන් තිබේ.

                 ඒවායින් තනාගන්නා QR කෝඩ් ඉමේජයක් ලෙස ඩවුන්ලෝඩ් කර, අවශ්‍ය නම් මුද්‍රණය කර ඕනෑම තැනක ‍රැඳවිය හැකිය.

>>>>>>>>>>>>>>>>>>>Next post will publish after my exam...! ;)<<<<<<<<<<<<<<<<<<<<<<<

May 21, 2016

ගූගල් I\O 2016 උළෙලේ තතු

ගූගල් සමාගමෙන් ඉදිරියේදී පැමිණීමට නියමිත නිෂ්පාදන හා සේවා පිළිබඳ ලෝකයා දැනුවත් කරන ප්‍රධානතම උත්සවයක් වන්නේ ගූගල් I\O උළෙල යි. එය මේ වසරෙදීත් පැවැත්විණි. මේ එහිදී හෙළි කල ප්‍රධානතම නිපැයුම් කීපයකි.
ඩේ ඩ්‍රීම් VR උපාංඟය
                         අද ලෝකයේ වැඩිම අවධානයක් යොමු වී ඇති තාක්ෂණික උපාංඟයක් ලෙස VR (Virtual Reality ) හෙඩ් සෙට් උපාංඟය හැඳින්විය හැකියි. සැබෑ පරිසරයක් ලෙස පෙනෙන නමුත් සැබෑ ලෙස නොපවතින පරිසරයක් මවා දැක්වීම VR උපාංඟයකින් සිදුකරනු ලබයි. ඩේ ඩ්‍රීම් (Daydream) යනු ගූගල් සමාගමෙන් හඳුන්වා දෙන අලුත් VR උපාංඟයයි. 

                 මෙය අලුත් ඇන්ඩ්‍රොයිඩ් මෙහෙයුම් පද්ධතිය වන Android N සමග ක්‍රියාත්මක වන්නකි. මීට් පෙර ගූගල් විසින් ඕනෑම කෙනෙකුට නිවසේදීම සාදාගත හැකි "කාඩ් බෝඩ්" නම් VR උපාංඟයක් හඳුන්වා දුන් අතර එයට වඩා ඩේ ඩ්‍රීම් උපකරණය බලසම්පන්නය. මේ උපකරණය ක්‍රියාත්මක කිරීමට අවශ්‍ය නව සංවේදක පද්ධති ඇතුලත් ස්මාර්ට් ෆෝන් නිපදවීමට HTC, Huawei, LG වැනි සමාගම් දැනටමත් කටයුතු කරමින් සිටී. 
                       මේ උපකරණය මගින් එදිනෙදා භාවිත කරන ඇප් (You tube, Street View, Play Store) මේ හරහා බලා ගත හැක. එසේම VR උපාංඟය තුල හැසිර විය හැකි නොයෙක් ඇප් තැනීමට ලොව ප්‍රකට සමාගම් ‍රැසක් (The New York Times, HBO, Netflix, Ubisoft,Electronic Arts) ක්‍රියා කරමින් සිටී. කෙසේ වෙතත් මීට අමතරව HTC Vive හා Oculus Rift  යන VR උපාංඟ ද මේ සමග තරඟයට සිටී.

ඇලෝ මැසේජින් 

                    ඉදිරියේදී ඇලෝ (Allo) නමින් චැටින් ඇප් එකක් ද ගූගල් සමාගමෙන් එලි දැක්වෙයි. මෙහි විශේෂත්වය දුරකතන තුල පමණක් ක්‍රියාත්මක කිරීමයි. දුරකතන අංකය ඔස්සේ සම්බන්ධ විය හැකි මෙම ඇප් එක තුලින් ගූගල් ගිණුම් ද භාවිත කල හැක. ඉමෝජි අයිකන්, ස්ටීකර්, රූප මත ඇඳීමේ හැකියාව මෙන්ම පණිවිඩයේ ෆොන්ට් සයිස් වෙනස් කිරීම වැනි හැකියාවක්ද ඇත. Google Assistant මෘදුකාංඟයේ ද සහය ඇති මෙහි කටහඬ මගින් පණිවිඩ වලට ප්‍රතිචාර දැක්වීමේ හැකියාවද සහිතය. තවද ඇලෝ තුලින් යවන පණිවිඩ අන් අයට කියවිය නොහැකි ලෙස එන්ක්‍රිප්ට් කර ඇත. ඒ නිසා ආරක්ෂාවෙන් ද ඉහල තැනක තිබේ.

ඇලෝ සමග ඩුවෝ

             ඇපල් සමාගමේ අයි-මැසෙජ් (iMessage) සමග ක්‍රියාත්මක වන ෆේස් ටයිම් (FaceTime) ඇප් එක මෙන් ගූගල් ඇලෝ සමග ක්‍රියාත්මක වන වීඩියෝ චැට් ඇප් එකක් ඩුවෝ (Duo) නමින් ගූගල් විසින් හඳුන්වා දී ඇත. ඩුවෝ භාවිතයට පහසු ආකාරයට නිමවා ඇති අතර වීඩියෝ ප්‍රීවීව් පහසුකමින් ද සමන්විතයි. ඩුවෝ හා ඇලෝ ඇප් ඇන්ඩ්‍රොයිඩ් හා ඇපල් අයි ඕස් මෙහෙයුම් පද්ධති දෙකෙහිම ක්‍රියාත්මක වේ.

ගෙදරත් ගූගල් ට?

                       Google Home, ගූගල් විසින් හඳුන්වාදෙන නිවාස සහයක උපාංඟයකි. සිලින්ඩරයක් හැඩැති මෙහි ඉදිරියට පෙනෙන ස්පීකරයක් පවතී. මෙය ඇමසන් එකෝ (Amazon’s Echo) උපාංඟය මෙනි. හෝම් තුල ඇති මයික්‍රොෆෝනය තුලින් ඇසෙන හඬට අනුව එහි ඇති ස්පීකරයෙන් පිලිතුරු ලබාදේ. එසේම නිවසේ ඇති විවිධාකාරයේ උපාංඟ සමග ක්‍රියා කිරීමට හෝම් සමත්ය. 
               එසේම 'එකෝ' මෙන් නොව 'හෝම්' උපකරණය නිවසේ විවිධ ස්ථාන තුල ඊට අනුරූප වී ක්‍රියා කල හැකිය. මෙය සමග ක්‍රියා කල හැකි විවිධ බාහිර උපාංඟ නිපදවීමේ පහසුකම (Home’s API) තවමත් ගූගල් සමාගම ලබා දී නැති අතර, ඉදිරියේදී එය ලබා දෙන බව පවසා සිටී.

ඇන්ඩ්‍රොයිඩ් වෙයා හා ඇන්ඩ්‍රොයිඩ් එන්

                      මීට අමතරව ගූගල් සමාගමේ ස්මාර්ට් වොච් එක වන 'ඇන්ඩ්‍රොයිඩ් වෙයා' හි අලුත් සංස්කරණය වන Android Wear 2.0 ඉදිරිපත් කිරීමද මෙහිදී සිදුවිය. දුරකථනය තුල ක්‍රියා කරන ඕනෑම ඇප් එකක් තුලින් විවෘත කර බැලීමේ හැකියාව 'වෙයා' තුල ඇත.
                    ඇන්ඩ්‍රොයිඩ් එන් (Android N) හි අලුත් සුවිශේෂී තා ගැනද මෙහිදී කරුණු හෙලි කෙරුණි. පරිගණක ක්‍රීඩා ක්‍රියා කිරීමට පහසුකම් දියුණු කිරීම, දුරකථනයේ ග්‍රැ‍ෆික් ප්‍රොසෙසරය (GPU) සමග සම්බන්ධ වී ක්‍රියාත්මක වන වඩා හොඳින් 3D ග්‍රැ‍ෆික් පෙන්වන යෙදුමක් ද අලුත් ඇන්ඩ්‍රොයිඩ් එන් සමග පැමිණේ. තවද ඩවුන්ලෝඩ් කිරීමකින් තොරව අන්තර්ජාලයේ සිටම ක්‍රියාත්මක කල හැකි විශේෂිත ඇප් හැසිරවීමේ හැකියාවක්ද පවතී.

ගූගල් කොයිබට ද?
                            මේ ලෙස අලුතින් ඉදිරිපත් කරන්න යන උපාංඟ තුකින් පෙනෙන්නේ ගූගල් සමාගම තව තවත් වෙළඳ පොළ තුල තම අණසක පැතරවීමට උත්සහ කරන් බවයි. ලොව ප්‍රකට සමාගම් වන ෆේස් බුක්, ඇපල්, එච්ටීසී, මයික්‍රෝසොෆ්ට් වැනි සමාගම් සමග කරට කර තරඟයකට ගූගල් පැමිණ තිබේ. අද ලොව වැඩිම දෙනෙක් භාවිතා කරන ස(ර්)ච් එන්ජිම වන්නේ ගූගල් ය. එසේම ගූගල් හි සපයන සේවා ලබාඅ ගැනීමට එක් ගූගල් ගිණුමක් සාදා ගැනීම ප්‍රමාණවත් ය. තවද ඝට්ටනයකින් තොරව මෙම සේවා ඉතා හොඳින් වේගවත්ව ක්‍රියා කරයි. අනෙක බොහෝ සේවා නොමිලේම, උසස් අයුරින් ලබා දේ. එයින් ලැබෙන ආදායමෙන් ගූගල් තවත් දියුනු වේ .ඒ නිසා ගූගල් සමාගමේ වෙළඳ පොළ මුලු ලෝකය තුලම සැලකිය යුතු ලෙස ව්‍යාප්ත වී හමාරය.



ප.ලි:- අපි අද නිදහසේ ඉන්න මේ වෙලාවේ අපේම මිනිසුන් දහස් ගණනකගේ ජීවත ගංවතුරෙන්, නාය යෑමෙන් අහිමි වී තිබේ. තවත් කොටසක් අන්ත අසරණව අවතැන් වී සිටී. මේ ඔවුනට අපේ උදවු අවැසි මොහොතකි. අපට හැකි උපරිම අයුරින් ඔවුනට උපකාර වෙමු. ප‍ටු පාට, පක්ෂ, ජාති බේද වලින් තොරව, ප්‍රසිද්ධියක්, වාසියක් බලාපොරොත්තු නොවී ඔවුන්ට උපකාර කරමු. වැඩි විස්තර දැනගන්න මෙතැනින් කොළඹ ගමයා බ්ලොග් අඩවිය ට පිවිසෙන්න... නැත්නම් athahitha.org ට පිවිසෙන්න......


May 14, 2016

GlassWire ඉන්ටනෙට් ෆ‍යර්වෝල්

                               මේ සොෆ්ට්වෙ‍යා එක ඩේටා කාඩ් වලින් ඉන්ටනෙට් ‍යන අ‍යට නම් ගොඩක් වැදගත් වේවි. ඩොංගල් එකකින් ඩේටා කාඩ් දාල ඉන්ටනෙට් ‍යනකොට එක එක සොෆ්ට්වෙ‍යා අප්ඩේට් වෙලා, වින්ඩෝස් අප්ඩේට් වෙලා දන්නෙම නැතුව ඩේටා ටික ඉවරවෙනවා. සමහර සොෆ්ට්වෙ‍යා නම් ඔටෝමැටික් අප්ඩේට් නැති කරන්න පුලුවන් උනත් සමහර ඒවා අපිට නොදැනීම අප්ඩේට් වෙනවා. ඉතින් මේ ප්‍රශ්ණෙට විසඳුමක් විදිහට මේ සොෆ්ට්වෙ‍යා එක පාවිච්චි කරන්න පුලුවන්. සොෆ්ට්වෙ‍යා එකේ නම GlassWire. මේක නොමිලේ දෙන එකක්.
GlassWire එකෙන් අපිට නොදැනී ඉන්ටනෙට් එකෙන් ඩවුන්ලෝඩ් කරන, අප්ලෝඩ් කරන සොෆ්ට්වෙයා හදුනගෙන ඒවා ඩිසේබල් කරන්න පුලුවන්. වෛරස්, ට්‍රෝජන් වගේ නරක වැඩසටහන් මේවගේ අයිතිකාරයාට හොරෙන් ඉන්ටනෙට් එකට ලොග් වෙනවා. 
                                    අන්න ඒ වගේ වෛරස් ගාඩ් එකට අල්ල ගන්න බැරි වෛරස් එහෙම මේකෙන් බ්ලොක් කරන්න පුලුවන්.ඊට අමතරව පාවිච්චි කරන/ කරපු ඩේටා ප්‍රමාණය බලාගන්න එහෙමත් පුලුවන්. ඒ වගේම ඉන්ටනෙට් යන වෙලාවට ක්‍රියාත්මක වෙන සොෆ්ට්වෙයා ගැන, ඩේටා ලිමිට් එක ගැන අනතුරු අඟවන (Alert) පහසුකමකුත් මේකෙ තියෙනවා.
හැබැයි ඔන්න වැඩියෙන් ඩේටා ඉතුරු කරන්න හිතාගෙන ඇන්ටිවයිරස් අප්ඩේට්, ඩ්‍රයිව(ර්)ස් අප්ඩේට් නවත්තන එක නම් එච්චර හොඳ දෙයක් නෙමෙයි. ඒ වගේම තමයි ක්‍රැක් කරපු නැති සොෆ්ට්වෙයා , ඕපන් සෝස් සොෆ්ට්වෙයා එහෙම අප්ඩේට් කරල තියාගන්න එක තමයි නුවණට හුරු වැඩේ. ඒත් ඉතින් කරන්නම දෙයක් නැත්නම් මේ සොෆ්ට්වෙයා එක ක්‍රියාත්මක කරන්න පුලුවන්.

* Web          :-https://glasswire.com
* Download :-  https://download.glasswire.com/GlassWireSetup.exe
* Size           :- 21Mb



May 6, 2016

බ්ලොගර් සඳහා HTTPS එක්වේ

බ්ලොගර් බ්ලොග් සඳහා HTTPS තාක්ෂණය ලබා දීමට යන බව අප්‍රේල් මස මුලදී ගූගල් සමාගම විසින් දැනුම් දෙනු ලැබුවා. ඒ අනුව මේ මාසයේ සිට එය ක්‍රියාත්මක වෙනවා.
> HTTPS කියන්නෙ මොකද්ද?
       HTTP (Hyper Text Transfer Protocol) කියන්නෙ අන්තර්ජාලයේ ක්‍රියාත්මක්ක වෙන ප්‍රොටොකෝලයක් (Protocol) නැත්නම් තාක්ෂණික ප්‍රමිතියක් (HTTP over SSL, HTTP over TLS විදිහටත් හඳුන්වනවා) . වෙබ් සර්වර් වල තියෙන වෙබ් පි‍ටු, ෆයිල් අපේ පරිගණකයට ඩවුන්ලෝඩ් වෙන්නෙ මේ තාක්ෂණය උදව්වෙන්. HTTPS (HTTP Secure) කියන්නෙ HTTP තාක්ෂණයට අමතර ආරක්ෂාවක් එකතු කර සැකසූ ප්‍රමිතියක්. මේ තාක්ෂණය යොදාගන්න වෙබ් අඩවි වල එයට පිවිසෙන අය හා වෙබ් අඩවිය අතර සිදුවන හුවමාරු වන දත්ත සම්පූර්ණයෙන් ආරක්ෂා කරනවා. ඒ අනුව වෙබ් අඩවියට පිවිසුන කෙනා ලබා ගත් හා ලබා දුන් තොරතුරු අන්සතු වීම වැලකෙනවා. බොහෝ දෙනෙක් නොදන්නා දෙයක් වුවද අප අන්න්තර්ජාලය භාවිතා කරන විට අප ලබා දෙන තොරතුරු, පිවිසෙන වෙබ් අඩවි වල තොරතුරු විවිධ තැන් වල ‍රැ‍ඳෙනවා. ඉතිං සූර දැනුමක් ඇති අයකුට මේ දත්ත ලබා ගන්න පුලුවන්. ඒත් HTTPS ප්‍රමිතිය මගින් ඒ අවස්ථාව නැතිවෙනවා. මේ තාක්ෂණය සොයාගත් මුල් කාලයේ (2000-2010) වැඩිමනක් යොදාගත්තෙ මූල්‍ය කටයුතු හා ඊමේල් වැනි සංවේදි තොරතුරු හුවමාරුවෙන වෙබ් අඩවිවල ආරක්ෂාව සඳහායි. මූල්‍ය ගණුදෙනු කරන eBay, Paypal  වැනිසේවා මෙන්ම සමාජ ජාල අඩවි වන Facebook, twitter වලද, ඊ-මේල් සේවා වලද මේ ප්‍රමිතිය යොදා ගැනෙනවා. නමුත් දැන් එය විවිධ වෙබ් අඩවි වල භාවිත වෙනවා.

> බ්ලොගර් සේවයට සම්බන්ධ කිරීම.
                                ගූගල් සමාගම මේ වැඩකටයුතු පටන් ගත්තේ ඉකුත් සැප්තැම්බරයේ සිටය. මෙම මාසයේ සිට බ්ලොගර් බ්ලොග් ඩොමේන් ලිපින වලට පිවිසෙන සියලු දෙනාට සු‍රැකුම් කරන ලද (Encrypted) සම්බන්දතාවක් ඔස්සේ එක්විය හැකියි. මුල් කාලයේ මෙම පහසුකම තිබුණත් HTTPS Redirect නම් පහසුකම නොතිබුණි.  HTTPS Redirect  මගින් කෙනෙකු සාමාන්‍ය ලෙස බ්ලොග් ලිපිනය යොදා පිවිසියත් එම බ්ලොග් අඩවියේ HTTPS සක්‍රිය නම් එය ස්ව්‍යංක්‍රීයව https ලිපිනය වෙත යොමු වෙනවා. (උදා: අයෙකු http://techsayura.blogspot.com යොදා පිවිසියද එය https://techsayura.blogspot.com/ ඔස්සේ විවෘතවේ.)
> බ්ලොග් අඩවිය තුල සක්‍රිය කරන ආකාරය.
                           මේ සේවාව සක්‍රිය කරන්න බ්ලොගර් ඩෑෂ්බෝඩ් එකේ Settings > Basic > HTTPS වෙත යන්න. HTTPS Redirect ඉදිරියේ තියෙන "No" කියන එක "Yes" කියල වෙනස් කරන්න. දැන් වැඩේ හරි. දැං අර කලින් කිව්ව වගේ කෙනෙක් http එකෙන් ගියත් ඒක https වලට යොමු වෙනවා. මේ තේරිම "No" විදිහට තිබුණොතින් ඕනි කෙනෙකුට කැමති නම් http (unencrypted) ඔස්සේ එන්න පුලුවන්. එතකොට කලින් වගේ https වලට redirect වෙන්නෙ නෑ. නැත්නම් https  (encrypted)  වලින් එන්නත් පුලුවන්. එතකොට ආරක්ෂාව වැඩියි. 
> පොඩි පොඩි අවුලුත් තියෙනවා..
                           මේ සේවාව දැනට ලබාදෙන්නෙ බ්ලොග්ස්පොට් ඩෝමේන් නේම් වලට විතරයි. ඒ කියන්නෙ දැනට  <blog>.blogspot.com වලට විතරයි. බ්ලොග් වලට ඇඩ් කරල තියෙන වෙනත් ඩොමේන් ලිපින, ඒ කියන්නෙ <blog>.com වගේ ලිපි වලට මේ පහසුකම තවම නෑ. ඒ වගේම මේ නිසා බ්ලොග් වලට එකතු කරල තියෙන සමහර ගැජට්, ටෙම්ප්ලට් වගේම සමහර පෝස්ට් වල කොටස් මේ නිසා ක්‍රියාත්මක නොවෙන්න පුලුවන්. ඒ වුණත් දැනට විවිධ වෙබ් අඩවි වල බ්ලොග් එකට තියෙන ලින්ක්, බ්‍රව්සර් වල තියෙන බුක් මාර්ක්  වලින් බ්ලොග් එකට පිවිසෙන්න කිසිම බාධාවක් වෙන්නෙ නෑ.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.