October 24, 2019

Arduino Serial වලින් SQL ඩේටාබේස් එකකට ඩේටා යවමු

                                ආර්ඩුඉනෝ වලින් එක එක සෙන්සර් යොදාගෙන කරන්න පුළුවන් වැඩ ගොඩක් තියෙනවා. ඒ වගේ Arduino එකක සෙන්සර් වලින් ගන්න ඩේටා, සර්වර් එකක තියෙන ඩේටාබේස් එකකට යවන විදිහ ගැනයි මේ ලිපිය.

                              ඒත් ඉතිං මේකට Arduino Ethernet Shield එකක් හරි WiFi Shield එකක් හරි තියෙන්න ඕනි. ඒත් එහෙම Shield එකක් නැතුව serial connection එක හරහා MySQL ඩේටාබේස් එකකට ඩේටා යවන්නෙ කොහොමද කියලා කරපු පොඩි project එකක් තමයි මේ.
                                         මේක හැදුවෙ මල්ලි කෙනෙක් ගෙ  ප්‍රදර්ශණයකට හදපු පොඩි weather station එකකට. project එක ඉවර කරන්න දවසක් තියෙද්දි තමයි වෙබ් පේජ් එකකින් ඩේටා පෙන්නන ඕනි කියලා කිව්වෙ. ඉතිං Shield එකකුත් නැතුව, ගන්න විදිහකුත් නැතුව වැටුනෙ ලෝක අමාරුවක. ඉතිං කල්පනා කරලා මේක හැදුවා.
                                          මේක වැඩ කරන්නෙ මෙහෙමයි. ආර්ඩුඉනෝ එකට සම්බන්ධ කරලා තියෙන Humidity sensor එකෙන් එන data ආර්ඩුඉනෝ එකේ serial connection එකෙන් PC එකට එනවා. ඒක ඕනි නම් Arduino IDE එකේ serial plotter එකෙන් බලන්න පුළුවන්. ඔක්කොටම කලින් xampp හරි Wamp Server හරි install කරලා ඒකෙන් weather_station කියලා database එක හදා ගන්න ඕනි. දැන් ෆෝල්ඩර් එකේ තියෙන weather_station.sql කියන SQL ෆයිල් එක import කරලා table එක හදාගන්න.
                           ඊළඟට පොඩි ජාවා ප්‍රෝග්‍රෑම් එකක් හැදුවා Arduino එකේ COM port එක තෝරන්නයි ඊට පස්සෙ ඒ ඩේටා ටික ඩේටා බේස් එකට යවනයි .ඒ ගැන වැඩි විස්තර ප්‍රෝග්‍රෑම් එක බැලුවම තේරෙයි. ඊට පස්සෙ PHP, JavaScript වලින් හදපු වෙබ් පේජ් එකකින්  පෙන්නන එක තමයි කරන්නෙ. මේ project එක ටිකක් කලබලෙන් හදපු නිසා bug තියෙන්න පුළුවන්. Java application එක හැදුවෙ NetBeans project විදිහට. .ඕනි කෙනෙකුට Download කරගන්න පුළුවන් GitHub වලින්. මේ ප්‍රොජෙක්ට් එක කැමති කෙනෙක්ට වෙන ඒවට වෙනස් කරලා ගන්නත් පුළුවන්. වැඩි විස්තර ඕනි නම් අහන්න ඕනි කෙනෙකුට කියලා දෙනවා. 😄

October 9, 2019

VEGA කාර් එකේ වැඩ ඉවරයි?

                                             VEGA කාර් එක ගැන නොදන්න කෙනෙක් නම් නැති තරම්. ලංකාවෙ හදන ඉලෙක්ට්‍රික් සුපර් කාර් එක තමයි වේගා කියන්නෙ (අලුත් කෙනෙක් නම් මෙතන ක්ලික් කරලා ලිපිය කියවන්න). ඉතිං මේ කාර් එක හදන හැටි ගැන විටින් විට ලිපි techසයුරෙ පළ කලා. දැන් ඔන්න කාර් එකේ වැඩ කටයුතු බොහෝ දුරට ඉවරවෙලා කියලා තමයි ආරංචි.
                                    VEGA කියන්නෙ ඇත්තටම සුපිරි කාර් එකක් (එහෙම කියන්න හේතුව ඇස් දෙකට දැකපු නිසා). හැඩය වගේම නිමාවත් ජාත්‍යන්තර ප්‍රමිතියේ තියෙනවා. ඒ වගේම තවත් එකක "කොපියක්" කියන්නෙ නැතිවෙන්න ඊටම ආවෙනික හැඩයක් එක්ක සිත්ගන්නාසුලු විදිහට වේගා කාර් එක හදන්න වේගා හි නිර්මාණ කරුවන්ට හැකි වෙලා තියෙනවා.
 
ඉදිරිපස ප්‍රධාන පහන් පද්ධතිය

පිටුපස පහන් පද්ධතිය

                  වේගා කියන්නෙ සුපිරි මෝටර් රථයක් කියන්න හේතුව තත්:3.5 ඇතුලත 0 -> 60 mph වේගයකට ළඟාවෙන්න පුලුවන් වගේම මේ  රථයට පැ.කි.මි 220 ක උපරිම වේගයක් ලබා ගන්න පුලුවන් වෙන නිසයි. වේගය වගේම දුරක් යන්න පුළුවන් වෙන්න එක පාරක් චාර්ජ් කරලා කි.මි 220ක් යන්න පුලුවන් තරමට මේ රථය බලවත්.
               
පරීක්ෂණ වලට ලක් කරමින්
                            වේගා නිපදවන CodeGen සමාගමේ ප්‍රධානියා වෙන හර්ෂ සුබසිංහ මහතා සිය ෆේස්බුක් ගිණුමේ වේගා රථයට VIN අංකය ලබාගැනීම සඳහා රැගෙන යාමට සූදානම් කර තිබෙන අයුරු සඳහන් කර තිබුණි. VIN(Vehicle identification number) යනු රථ වාහන ක්ෂේත්‍රය තුල එක් එක් වාහනයක් අනන්‍යව හඳුනා ගැනීම සඳහා නිකුත් කරන කේතයකි. මේ පරීක්ෂණ සමත් වුවහොත් ලංකාවේ නිපදවූ VIN අංකය ලබාගත් පලමු රථය වේගා බවට පත්වනු ඇත.
              "අපිට මොකුත් කරන්න බෑ" යන මතය අතහැර මෙවැනි විශිෂ්ඨ නිර්මාණ බිහි කිරීමට හැකිය යන්න සනාථ කිරීමට හොඳම සාක්ෂිය වේගා ය. ඉතින් මෙවැනි නිර්මාණයක් බිහිකිරීමට සිය ශක්තිය, දැනුම කැපකල හර්ෂ සුබසිංහ මහතා ප්‍රමුඛ වේගා හි කාර්‍යමණ්ඩලයට ඉදිරි වැඩ කටයුතු ද සාර්ථක වීමට සුභ ප්‍රාර්ථනා කරමු!

පෙර ලිපි:



(වැඩි දුර තොරතුරු සඳහා Vega Innovations ෆේස්බුක් පිටුවට යොමු වෙන්න)
(සියලු පින්තූර සහ වීඩියෝ Vega Innovations හා හර්ෂ සුබසිංහ මහතාගේ ෆේස්බුක් පිටුවලිනි)

October 3, 2019

Microsoft Surface October 2019

                 මයික්‍රෝසොෆ්ට් සමාගමේ සර්ෆේස් උපාංඟ එලිදැක්වීමේ උළෙල ඉකුත්දා (2) පවත්වනු ලැබුවා. සර්ෆේස් කාන්ඩයට අයත් නව උපාංඟ 6ක් මෙහිදී එළිදක්වනු ලැබුවා. ලැප්ටොප්, ටැබ්ලට්, ෆෝන් හා ඉයර් බඩ්ස් මේ උපාංඟ වලට අයත් වෙනවා. තවත් විස්මිත කරුණක් වන්නේ ඔවුන් ඉදිරිපත් කල තිර දෙකක් සහිත දුරකතනය හා ටැබ්ලට් උපාංඟයයි.

  1. Microsoft Surface Laptop 3
  2. Microsoft Surface Pro 7
  3. Microsoft Surface Pro X
  4. Microsoft Surface Neo
  5. Microsoft Surface Duo
  6. Microsoft Surface Buds
                           මෙන්න මේ උපාංඟ 6 තමයි Microsoft Surface event එකේදී ඉදිරිපත් කලේ.

Surface Laptop 3
engadget
               Surface Laptop 3 උපාංඟය අඟල් 13 හා 15 යන තිර ප්‍රමාණයන් සහිතව පැමිණෙනවා. අඟල් 13 ලැප්ටොප් එක 10th-generation quad-core ප්‍රොසෙසරයක් සහිතව හා අඟල්  15 තිරය ඇති ලැප්ටොප් එක AMD Ryzen 7 සමග පැමිණෙනවා. පෙර තිබූ Surface Connect port  එකට අමතරව USB-C port එකක්  ද නව උපාංඟයට ඇතුලත් කර තිබෙනවා. ඇලුමිනියම් නිමාවක් සහිත මෙහි පෙරට වඩා හොඳ ට්‍රැක් පෑඩයක් සහිත අලංකාර නිමාවකින් පැමිණෙයි.

Surface Pro 7
thenextweb
                        Surface Pro 7 යනු Surface Laptop 3 ට වඩා තරමක් වැඩිදියුණුකල මාදිලියකි. Surface Pro සමග ලැබෙන Surface Pen එක මගින් වර්ඩ් සමග වැඩ කිරීමටත් Studio mics සමග වඩා හොඳ voice command මගින් හැසිරවීමේ හැකියාවක් ද ලබා දී තිබෙනවා.

Surface Pro X
engadget
                        මේ උළලේ ඉදිරිපත් කල සිහින්ම උපාංඟය මෙයයි. රැගෙනයාමට ඉතාම පහසු ලෙස නිපදවා ඇති මෙහි ඝණකම 5.3 mm කි. MSFT SQ1 කියන Snapdragon ප්‍රොසෙසරයෙන් බලය ලබන මෙහි LTE තාක්ෂනයද ඇති අතර 7w පමණ කුඩා ශක්ති පරිබෝජනයක් ඇත.  2,880x1,920 විභේදනයක් ඇති edge-to-edge PixelSense තිරයක් සහිත නිසා ඉතා පැහැදිලි රූප ලබා දීමේ හැකියාව මෙහි තිරයට පවතී.

Surface Neo
engadget
                      ලැප්ටොප් හා ටැබ්ලට් අතර පවතින ගැටුම නතර කිරීමේ අරමුණින් තිර දෙකක් සහිතව ඉදිරිපත්කල නව Surface Neo ටැබ්ලට් උපාංඟය කාගෙත් අවධානය යොමුවුණා. 
                         මෙය තිර දෙකක් සහිත ඉන්ටෙල් තාක්ෂණයෙන් බලගැන්වූ උපාංඟයක් වන මෙහි, තිර දෙකම බෙදා රූප පෙන්වීමේ හැකියාව ඇත. ග්‍රෑම් 655 පමණ බරකින් යුක්ත Surface Neo හි Gorilla Glass හා තිරය මත ලීවිය හැකි පෑනක් සහිතව පැමිණෙයි. අවශ්‍ය නම් Keybord එකක් සම්බන්ද කර ද වැඩ කල හැකිය.

Surface Duo
digitaltrends
                      Surface Duo යනු මයික්‍රෝසොෆ්ට් සමාගම ඉදිරිපත් කල තවත් සිත් ඇදගන්නා උපාංඟකි. මෙය දෙකට නැවිය හැකි තිර දෙකක් සහිත දුරකථනයකි. මෙය හරියට Samsung Galaxy Fold මෙනි. වෙනසකට ඇත්තේ Galaxy Fold හි මෙන් සම්පූර්ණ තිරය එක දිගට නොගොස්, මැඳින් වෙන් කර තිබීමයි. දෙපසම අඟල් 5.6 ක තිර ඇති නිසා තරමක් විශාල තිරයක් භාවිත කරන්නාට ලැබේ. තවත් සතුටු හිතෙන කාරණය නම් මෙහි ක්‍රියාත්මක වන්නේ ඇන්ඩ්‍රොයිඩ් මෙහෙයුම් පද්ධතිය වීමයි.

Surface Buds
wccftech
                  ඇපල්, සැම්සුන් වගේ සමාගම් වයර්ලස් ඉයර් බඩ්ස් ඉදිරිපත් කලත් කාලයක් යනතුරු මයික්‍රෝසොෆ්ට් සමාගම ඉදිරිපත් කලේ නැත. එම අඩුව පුරවමින් දැන් Surface Buds ඉදිරිපත් කර තිබේ. මයික්‍රෝසොෆ්ට් Omnisonic sound තාක්ෂණයෙන් යුතුව එන මෙහි රඳවනය මගින් ඉයර්බඩ් ආරෝපණය කල හැකිය. එක් වරක් ආරෝපණය මගින් පැය 24 ක කාලයක් භාවිතා කිරීමට පුළුවන.

                 මේ උපාංග අතරින් බොහෝමයක් තවමත් වෙළඳපොලට ඉදිරිපත් කිරීමට සූදානම් නොමැති අතර ලබන අවුරුද්දේ මුල් කාලයේ ඒවා වෙළඳපොලට එවනු ඇත. එසේම මේ තොරතුරු එම උළෙලේදී ඉදිරිපත් කල කරුණු පමණක් වන අතර සම්පූර්ණ විස්තර ඉදිරියේදී දැනගැනීමට හැකිය.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.