April 29, 2015

අයි පෑඩ් ඇප් එකක් නිසා ඇමරිකා ගුවන් ගමන් ප්‍රමාද වේ

ගුවන් නියමුවන් විසින් යොදා ගන්නා ඇපල් අයි පෑඩ් ඇප් එකක් නිසා ඇමරිකා ගුවන්යානා 24 ප්‍රමාද කිරීමට හා ආපසු හරවා යැවීමට සිදුවී ඇත.
ඇමරිකානු ගුවන් සේවයේ මාධ්‍ය ප්‍රකාශක වන කේසි නෝටන් පවසන අන්දමට ගුවන් ගමනට අදාල සිතියම් හා ගුවන් ගමන් විස්තර පවත්වාගෙන යනු ලබන ඇප් එකකින් මෙම දෝෂය හටගෙන තිබේ. මෙහිදී සමහරක් ගුවන් නියමුවන් හට එම ගැටලුව නිරාකණය කර ගැනීමට හැකිවී ඇති අතර, එසේ නොහැකි වූ ගුවන් යානා නැවත හරවා යවන්නට පියවර ගෙන තිබේ.  දෝෂය කුමක්දැයි තවමත් නිෂ්චිතව සොයාගෙන නෝමැති අතර, මේ ගැටලුව අනෙක් ගුවන් ගමන් වලට බාධා ඇති නොකරන බවත් ගුවන් යානා කිහිපයකට පමණක් සිදුවූ ගැටලුවක් පමණක් බවත් වැඩි දුරටත් දන්වා තිබේ. සිදුවූ ප්‍රමාද දෝෂය පිළිබඳ කෝපයට පත්වූ ඇතැම් අය ට්විටර් හරහා ඇමරිකානු ගුවන් සේවයට ප්‍රතිචාර දක්වා ඇත. මෙයට අදහස් දක්වමින් ඇමරිකානු ගුවන් සේවය පවසා ඇත්තේ මේ ගැටලුව සම්බන්දව මගීන්ට සිදුවන අපහසුතා ගැන තමන් කණගා‍ටු වන බවත් එයට සමාව අයදින බවත් දෝෂය නිරාකරණය කිරීමේ කටයුතු අරඹා ඇති අතර හැකි ඉක්මණින් ප්‍රකෘති තත්වයට පත් කරන බවත්ය.

April 26, 2015

වෙබ් බ්‍රව්සර් වල සේව් කල පාස්වර්ඩ් ලේසියෙන් හොයා ගන්න සොෆ්ට්‍ටුවක්

මේ සොෆ්ට්වෙයා එකෙන් අපි ඉන්ටනෙට් යන කොට එක එක වෙබ් බ්‍රව්සර් වලින් වෙබ් සයිට් වලට ලොග් වෙන්න ගන්න පාස්වර්ඩ් බලාගන්න පුලුවන්. මේ සොෆ්ට්වෙයා එකෙන් වෙබ්සයිට් එකේ නම, යූසර් නේම් එක , පාස්වර්ඩ් එක, පාස් වර්ඩ් එකේ ශක්තිමත් බව විතරක් නෙවෙයි ඒ ඒ වෙබ් සයිට් වල ඩේටා බේස් එකේ ෆීල්ඩ් එක පවා බලා ගන්න පුලුවන්. ඒ වගේම මේ පාස්වර්ඩ් HTML විදිහට export කර ගන්න වගේ ගොඩක් වැඩ මේකෙන් කරගන්න පුලුවන්. සොෆ්ට්වෙයා එකේ නම WebBrowser PassView. ඉන්ස්ටෝල් කරන්නත් නෑ. 216KB විතරයි!

April 21, 2015

නෝර්වේ රාජ්‍යය FM රේඩියෝ සේවා නවතා දමයි

මුල්ම කාලයේ ගුවන් විදුලිය විකාශය කෙරුණේ SW, MW තරංඟ පරාස ඔස්සේය. නමුත් එහි ඇති දුර්වලකම් මග හරවමින් FM තරංඟ පරාසය කරලියට පැමිණිනි. අද දක්වාම ලොව එය ක්‍රියාත්මකය. 2017 දී FM තරංඟ හරහා ක්‍රියාත්මක වන රේඩියෝ විකාශන සියල්ල නවතා දැමීමට නෝර්වේ රජය තීරණය කර තිබේ. ඒ වෙනුවට ඩිජිටල් ඕඩියෝ බ්‍රෝඩ්කාස්ටින් (Digital Audio Broadcasting) නැත්නම් DAB නම් ක්‍රමයට රේඩියෝ වලට සවන්දිය හැක. FM රේඩියෝ විකාශණය නැවතා දමන ලොව පළමු රට නෝර්වේ රටයි.
"ශ්‍රාවකයින්ට විවිධත්වයක් සමගින් වඩා හොඳ ශ්‍රවනයක් සහිත ගුවන් විදුලි සේවාවක් ලබා දීමට මෙමගින් හැකියාව ලැබෙනවා" යනුවෙන් එරට සංස්කෘතික අමාත්‍ය ‍තෝර්හිල්ඩ් විඩ්වේ විසින් පවසා සිටී. මෙම නව DAB ක්‍රමය ක්‍රියාත්මක කිරීම පි‍ටුපස හේතු දෙකක් දෙකක් ඇත. එකක් නම් මෙහි ඇති ජනප්‍රියතාවයයි. අනෙක මුදල් ඉතිරි වීමයි. ඔවුන් පෙන්වා දෙන අන්දමට එරට මුදල් මිලියන 200 ක් පමණ මෙම ක්‍රමය මගින් ඉතිරි කල හැකියාවක් පවතී. 1995 දී ලොව ප්‍රථම DAB නාලිකාව (NRK Klassisk) ආරම්භ කල නෝර්වේ රටේ දැනට නාලිකා 22 මේ ක්‍රමයෙන් ක්‍රියාත්මක වේ. 2017 වන විට ඉතිරි නාලිකා සියල්ල ද DAB වනු ඇත. ඉදිරියේදී අග්නිදිග ආසියාතික රට වලටද මෙම DAB තාක්ෂණය පැමිණෙනු ඇති බවට විශේෂඥයෝ මත පළ කරයි.
DAB තාක්ෂණය IRT (Institut für Rundfunktechnik) නම් ගුවන් විදුලි තාක්ෂණය දියුණු කරන ආයතනය මගින් 1981 දී පමණ සොයා ගත් තාක්ෂණයකි.සාමාන්‍ය FM තරංඟ ක්‍රියාත්මක වන්නේ ප්‍රතිසම හෙවත් ඇනලොග් (Analog) ක්‍රමයටය. නමුත් DAB තාක්ෂණයේදී හඬ ඩිජිටල් ක්‍රමයට විකාශණය කරයි. එහිදී MP2 හා AAC වැනි ඕඩියෝ කොඩෙක් යොදා ගනිමින් විකාශය සිදු කරයි. 174–240 MHz තරංඟ පරාසයක මෙය ක්‍රියාත්මක වන අතර දැනට රටවල් 20 ක පමණ මෙම තාක්ෂණය භාවිතයට ගනිමින් පවතී.

April 14, 2015

Apple WWDC 15 සමුළුව

හැමෝටම සුභම සුභ අලුත් අවුරුද්දක් වේවා!
                                      මේ කියන්නෙ ඇපල් WWDC 15 (World Wide Devoloper Conference) සමුළුව ගැන. අලුතෙන් එන්න තියෙන ඇපල් නිෂ්පාදන ගැන කල් තියාම මේ wwdc 15 හී දී දැන ගන්න ලැබෙයි.ඒ අනුව ඇපල් ජංගම දුරකථන, ඇපල් මැක් මෙහෙයුම් පද්ධතිය,iOS සහ ඇපල් ටීවී ගැන නවමු තතු ඉක්මනින්ම දැන ගැනීමට මේ සමුළුවේදී හැකිවේ.ඇපල් සමාගමේ මේ දැවැන්ත සමුලුව ජූනි මස 8 වන දා ඇරඹීමට කටයුතු යොදා ඇති බව ඇපල් සමාගම නිවේදනය කර ඇත. තම නිෂ්පාදන පිලිබඳ ලෝකයා දැනුවත් කිරීම හා ඇපල් සඳහා වන මෘදුකාංඟ සංවර්ධකයින් හට අවශ්‍ය තොරතුරු ලබා දීම මෙහි ප්‍රධාන අරමුණයි.

April 9, 2015

TV රිමෝට් එකෙන් විදුලි උපකරණ ක්‍රියාත්මක කරන පරිපථය

මේ සර්කිට් එක 100% නිවැරදිව ක්‍රියාත්මක වෙන  අඩු උපාංඟ ගණනක් තියෙන, අඩු වියදමකින් හදාගන්න පුලුවන් සරල පරිපථයක්. හැබැයි මේක ප්‍රයෝජනය නම් ගොඩක් වැඩියි. මේ සර්කිට් එක මම හදල ක්‍රියාත්මක කරලා බැලුවා. ඒක හින්ද තමයි 100% වැඩ කියල කිව්වෙ. රෑ කාලෙදි අඳුරෙ අත පත ගාන්නෙ නැතුව ලේස්යෙන්ම බල්බ් එකක් පත්තු කරන්න නිවන්න මේක යොදා ගන්න පුලුවන්.මේක ඕනෙම TV, DVD, Mp3 Player  රිමෝට් එකකින් වැඩ කරනවා.
විශේෂයෙන් කියන්න ඕනි මේකෙ තියෙන IR සෙන්සර් එක (TSOP 1738) ගැන. මේ IR සෙන්සර් එක හොයා ගන්න බැරි උනොත් ඒ වෙනුවට වෙන වර්ගයක එකක් ගන්න පුලුවන්. හැබැයි ඒ එකින් එකට අග්‍ර වෙනස් වෙනවා. ඒ හින්ද ගන්න කොට ඒ සෙන්සර් එකේ අංකය හරියට බලල  හරියට අග්‍ර සම්බන්ඳ කර ගන්න.
       මේ සර්කිට් එකේ ප්‍රධානම උපාංඟය තමයි CD4017 , IC එක. උපාංඟ ටික ඩොට් බෝඩ් එකක පාස්ස ගන්නවනම් හොඳයි. 

April 5, 2015

ක්‍රැක් කරපු වින්ඩොස් වර්ෂන් වලටත් වින්ඩෝස් 10 නොමිලේ!

දැන් ලෝකයේ භාවිතා වන පරිගණක සෑම 10 කින් 8 කම ඇත්තේ කුමක් හෝ වින්ඩෝස් මෙහෙයුම් පද්ධතියකි. එහෙත් ඒවායින් වැඩි හරියක් නියමාකාරයෙන් මිළදී නොගත් එනම් ව්‍යාජ සංස්කරණයන්ය. මයික්‍රෝසොෆ්ට් සමාගමේ ප්‍රධානම වෙළඳ භාණ්ඩය හා සමාගමේ සංකේතය බඳු වූ වන වින්ඩෝස් මෙහෙයුම් පද්ධතිය නොමිලේ ලබා දීම ගැන බොහෝ දෙනෙක් පුදුම වනු ඇත.ඒ එය නිත්‍යානුකූල නොවන ව්‍යාජ සංස්කරණ වලට පවා නොමිලේ ලබා දීමට යාම නිසාය. 
මෘදුකාංඟ ක්‍රැක් කිරිම වැලකීමට නොයෙක් උපක්‍රම තැනීමට මයික්‍රෝසොෆ්ට් සමාගම දැඩි වෙහෙසක් ගත්තේය. එහෙත් ඔවුන් ගසන හැම දහන් ගැටයක්ම ලෙහා ගන්නට ලෝකයේ සිටින මෘදුකාංඟ ක්‍රැක් කරන්නන් හට හැකි විනි. මයික්‍රෝසොෆ්ට් ප්‍රධාන වෙළඳ භාන්ඩය වින්ඩෝස් වුවත් ඉන් ඔවුන් ලබන්නේ සමස්ථ ආදායමෙන් 16% පමණ ප්‍රමාණයකි. ඉතිරි සියල්ල වින්ඩෝස් ෆෝන් හා ඔ‍ෆිස් 365 වැනි අනෙකුත් ක්ලවුඩ් සේවා වලින් උපයා ගනී.මේ නිසා මයික්‍රෝසොෆ්ට් සමාගම මෙම තීරණයට එළඹ තිබේ. එවිට වින්ඩෝස් ස්ඳහා ලබා දෙන අනෙකුත් පහසුකම් නිවැරදිව ලබා දිමටත්, ක්‍රැක් කිරීමට යාමේදී සිදුවන මැල්වෙයා, වෛරස් ඇතුලු වීම වැනි කරදර ද මේ නිසා නවතිනු ඇත.මේ නිසා වින්ඩෝස් 10 ස්ථාපනය කිරීමට අමුතුවෙන් ක්‍රැක් සෙවීමට අවශ්‍ය නොවේ. මන්ද ලැබෙන්නේ නියම ඔරිජිනල් වින්ඩෝස් මෙහෙයුම් පද්ධතියක් බැවිනි.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.