May 29, 2015

මොර‍ටු සරසවියෙන් හයිබ්‍රිඩ් බයිසිකලයක්

හයිබ්‍රිඩ් කාර් ගැන අහල තිබුණට හයිබ්‍රිඩ් බයිසිකලයක් ගැන අහල තිබුණද? දැන් කියන්න ඒ වගෙ හයිබ්‍රිඩ් බයිසිකලයක් ගැන (සමහර අය අහයි චයිනිස් ද කියලා.. අපෝ නෑ. මේක මේඩ් ඉන් ශ්‍රි ලංකා!). මේ පාපැදිය නිපදවලා තියෙන්නෙ මොර‍ටුව සරසවියෙන්. මීට ඉස්සරත් නියමුවන් රහිත යානවක් එහෙමත් හැදුවා මතක ඇති. අන්න ඒ වගේ තවත් දක්ෂයො දෙන්නෙක් තමයි මේක හදල තියෙන්නෙ. මොරටුව විශ්ව විද්‍යාලයේ යාන්ත‍්‍රික ඉංජිනේරු අංශයේ අවසන් වසරේ ඉගෙනුම ලබන රිසිර කන්නන්ගර සහ වෙනුර දිසානායක කියන දෙන්න තමයි මේක හදල තියෙන්නෙ. ඉංජිනේරු පීඨයේ යාන්ත‍්‍රික ඉංජිනේරු දෙපාර්තමේන්තුවේ ආචාර්ය නිරෝෂ් ජයවීර සහ අසිත කුලසේකර යන කථිකාචාර්යවරුන්ගේ මඟ පෙන්වීම දීල තියෙනවා.
‘ලෝකයේ බොහෝ රටවල නාගරික ප‍්‍රදේශවල ප‍්‍රවාහනය සඳහා විශාල වශයෙන් පාපැදිය භාවිත කරන අතර එය අධික මාර්ග තදබදය, ඉහළ යන ඉන්ධන පිරිවැය හා වායුගෝලයට අහිතකර විමෝචන යන මේ සියළුම ගැටලූවලට සරල විසඳුමක් ලෙස පාපැදිය හඳුනාගෙන තියෙනවා. ශීත රටවල් මෙන් නොව, ඝර්ම කලාපීය රටක් වන ශ‍්‍රී ලංකාවේ නාගරික ප‍්‍රජාව පාපැදි භාවිතයට මැලිකමක් දක්වන්නේ ඒ සඳහා යෙදිය යුතු අධික ආයාසය, දහදිය ගැලීම හා එමගින් සිරුරට දැනෙන අපහසුව නිසයි.‘
මෙම පාපැදියෙහි විදුලි මෝටරය පැඩලය අසල පහළින් සවි කොට ඇති අතර විශේෂ දම්වැල් යාන්ත‍්‍රණයක් ආධාරයෙන් මෝටරය සහ පැඩලයෙන් ඇති කෙරෙන ඇඹරුම (ව්‍යාවර්තය) පසුපස රෝදය වෙත සම්පේ‍්‍රෂණය කෙරෙනවා. යතුරු පැදියකට සමාන ඇක්සලරේටරයක් මගින් මෝටරයේ වේගය පාලනය කළ හැකි පරිදි සකසා ඇති අතර මෙහි මෝටරය ක‍්‍රියාත්මක වන විට පාදිකය නිශ්චලව තබා ගැනීමද කළ හැකියි.

   මෝටරය ක‍්‍රියාත්මක වන අතරතුර පැඩලය ක‍්‍රියාත්මක කරවීමෙන් පදින්නාගේ කැමැත්ත මත පාපැදියේ වේගය ඉහළ නංවා ගැනීමේ හැකියාවද පැවතීම මෙහි තවත් එක් විශේෂත්වයක්. එසේම පදින්නාගේ ආරක්ෂාව තහවුරු කරමින් මෝටරය පමණක් උපයෝගී කරගෙන ගමන් කළ හැකි උපරිම වේගය පැ.කි. 24 ට සීමා කර ඇති අතර තිරිංග යෙදීමේදී මෝටරය ක‍්‍රියා විරහිත වන පරිදි පාපැදිය සකස් කර තිබෙනවා.
මෙම පාපැදියට තවත් විශේෂාංගයක් ලෙස ස්වයංක‍්‍රීය ධාවන විධියක් හඳුන්වාදී තියෙනවා. ඇක්සලරේටරය මගින් මෝටරයේ වේගය පාලනය කරනවා වෙනුවට මෙහිදී සිදුවන්නේ සංවේදක කිහිපයක් මගින් මෝටරයේ වේගය පාලනය කිරීමයි. පැඩලයේ භ‍්‍රමණ සංඛ්‍යාතය, මාර්ගයේ බෑවුම සහ පදින්නාගේ හෘද ස්පන්දන වේගය මෙලෙස සංවේදක මඟින් ප‍්‍රතිග‍්‍රහණය කරනවා. ඒ වගේම එම එක් එක් ප‍්‍රධාන පරාමිතින්ගේ වෙනස්වීම්වලට අනුකූලව මෝටරයේ වේගය පාලනය වන්නේ පදින්නාගේ ආයාසයකින් තොරව ය. මෙම ධාවන විධිය මඟින් අපේක්ෂා කෙරෙනුයේ පදින්නා සහ මෝටරය මඟින් ලබාදෙන ශක්තිය ප‍්‍රශස්ත ලෙස උපයෝගී කොට එමඟින් වැඩි ධාවන පරාසයක් ලබා ගැනීමයි. මෙය හයිබි‍්‍රඩ් මෝටර් රථවල ‘එකෝ මොඩ්’යන විශේෂාංගයට යම්තාක් දුරකට සමාන වෙනවා.
              මෙම පාපැදිය සඳහා යොදා ඇති බැටරි ඇසුරුම නැවත ආරෝපණය කළ හැකි ලිතියම් අයන බැටරි වලින් සමන්විත වෙනවා. කිලෝග‍්‍රෑම් 28 ක බරකින් යුක්ත පාපැදිය කිලෝග‍්‍රෑම් 120 දක්වා බරක් අපහසුවකින් තොරව ප‍්‍රවාහනය කළ හැකිය. මෙහි දැනට යොදා ඇති බැටරි ඇසුරුම වරක් ආරෝපණය කළ පසු මෝටරයේ සහාය උපයෝගී කරගෙන  කිලෝමීටර 10 ක දුර ප‍්‍රමාණයක් ධාවනය කළ හැකි වෙනවා.
මොකද හිතන්නේ...? සුපිරිනේද? වේග පාලනය, පදින්නාගේ ආරක්ෂාවට යොදාගෙන තියෙන උපක්‍රම ටිකම ඇති මේ නිර්මාණයට ඇගයිමක් දෙන්න. ඒත් අපේ රටෙන් මේවගේ නිර්මාණයකට ඇගයිමක් ලැබේවිද කියල හිතෙනවා (ගොඩක් නිර්මාණ ප්‍රදර්ශන භාණ්ඩ විතරක් වෙනවා..). ඇගයිමක් කියන එකෙන් අදහස් කලේ සම්මාන සහතික දෙන එකම නෙවෙයි .මේ වගේ සුපිරි නිර්මාණ කොච්චර නම් අපේ රටෙන් බිහිවෙනවද? අන්තිමට ඒවා නවතින්නෙ ඇමරිකාවෙ, ජපානෙ වගෙ රටවල (මම දන්න හැටියට අත්ට්‍රැක්ටරයත් අපේ රටේ නිර්මාණයක්). ඊටපස්සෙ බදු ගහල ආයෙත් අපේ රටට ගෙන්වලා විකුණනවා. උදාහරණයකට වගේ මම කියන්නෙ.. මේ හයිබ්‍රිඩ් බයිසිකලය හදන පුංචි කර්මාන්ත ශාලාවක් දැම්මොත් කොහොමද... සල්ලි හොයාගෙන අපේ කොල්ලන්ට කොරියාවට, ඉතාලියට යන්න ඕනි නෑ. අනික මහා පරිමාණ සංවර්ධන ව්‍යාපෘති වලට යන තරම් වියදමක් යන්නෙත් නෑ.
ඔත්තුව හා පින්තූර:http://www.lankadeepa.lk/

May 28, 2015

VB6.0 වලින් වචන උච්චාරණය කරන වැඩසටහනක් හදන හැටි

මේ මාතෘකාව දැක්ක ගමන් සමහර අය පුදුමත් වෙයි. දිනය වෙලාව කියන, එහෙමත් නැත්නම් වෙන වචන පේළියක් කටහඬට පරිවර්ථනය කරල දෙන සොෆ්ට්වෙයා දැකලා ඇති. ඒත් VB වලින් එහෙම ප්‍රෝග්‍රෑම් එකක් ලියන්න පුලුවන් කියල හිතුවද? මේක මහා ලොකු අමාරු කාරියක් වගේ පෙනුනට ඉතාමත් සරල වැඩසටහනක්.
               මේ ප්‍රෝග්‍රෑම් එකට යොදාගෙන තියෙන්නේ වින්ඩෝස් එක්කම ලැබෙන DLL ෆයිල් එකක් (object lybrary). සරලව කිව්වොත් වචන උච්චාරණය කරන්න ඕනි කෝඩ් මේ dll එකේ තියෙනවා.
                       කරන්න තියෙන්නෙ උච්චාරණය කරන්න ඕනි වචන ටික දෙන එක විතරයි. Microsoft Speech Object Library  (spi.dll) තමයි මේකෙ නම (වින්ඩෝස් නැරේටර් සොෆ්ට්වෙයා එකේ යොදා ගන්නෙත් මේක තමයි). මේක විෂුවල් බේසික් ප්‍රෝග්‍රෑම් එකකට ඇඩ් කරගෙන (Project->References..->Microsoft Speech Object Library) ඉතාම සරල කෝඩ් කිහිපයකින් මේ ප්‍රෝග්‍රෑම් එක හදාගන්න පුලුවන් (පේල් 10ක් වත් නෑ!). 
පහලින් මේ ප්‍රෝග්‍රෑම් එකේ සෝස් කෝඩ් එක ඩවුන්ලොඩ් කරගන්න.

May 27, 2015

ගූගල් ක්‍රෝම් බ්‍රව්සරයේ බුක් මාර්ක් මැනේජ් කරන හැටි

         බුක් මාක් ගැන කොයි කවුරුත් දන්නවානේ. අපි කියපු තැනක් අමතක වෙනවට යොදන සලකුණ නෙ ඔය බුක් මාක් එකක් කියන්නේ. ආන්න ඒ වගේ අපි ඉන්ටනෙට් එකේ හොයපු බලපු වෙබ් සයිට් බුක් මාක් විදිහට සලකුණු කරනන්න පුළුවන් කියලා දන්නවා ඇති. අද කියල දෙන්නෙ ගූගල් ක්‍රෝම් වලදි මේ බුක් මාක් මැනේජ් කරන හැටි ගැන...
බුක් මාක් මැනේජර් එක ඕපන් කරන විදිහ
මේකට ක්‍රම දෙකක් තියෙනවා. බ්‍රව්සර් එකේ බුක් මාක් පෙන්නන මෙනු එක උඩ මවුස් එකේ රයිට් ක්ලික් කරලා ලැබෙන මෙනු එකෙන් Bookmark Maneger ක්ලික් කරලා ඕපන් කරගන්න පුලුවන්.
 අනෙක් ක්‍රමය තමයි බ්‍රවුසර් එකේ ඇඩ්‍රස් බාර් එකේ "chrome://bookmarks" කියල ටයිප් කරලා Enter කරන එක. 
බුක් මාර්ක් කාණ්ඩ කිරීම
අපි බුක් මාක් කාලයක් ලකුණු කර ගෙන යන කොට අපිට වත් හරියට හොයා ගන්න බැරි විදිහට මේවා ගොඩ ගැහෙනවා. ඒ හින්දා අපිට බුක් මාක් අපිට අවශ්‍ය විදිහට වෙන් කරලා තියාගන්න පුලුවන් (Music,News,Blogs... වගේ). 
මේක කරන්න මුලින්ම බුක් මාක් එකක් උඩට මවුස් එක අරගෙන ගියාම හරි ලකුණක් පෙන්වාවි. ඒක ක්ලික් කරන්න.ඊට පස්සෙ උඩ මෙනු එකෙ choose folder කියන ඩ්‍රොප් ඩවුන් මෙනු එක ක්ලික් කරන්න. දැන් දැනටමත් තියෙන ෆෝල්ඩර් පෙන්වාවි. නැත්නම් අලුතින් එකක් හදන්න New folder කියන ටෙක්ස්ට් බොක්ස් එකට කැමති නමක් දීලා create බට්න් එක ක්ලික් කරන්න.
           ඒ විදිහට අපිට අලුත් ෆෝල්ඩර් හදල ඒවට බුක්මාක් ඕනි විදිහට ඇඩ් කරගන්න පුලුවන්. බුක් මාක් කිහිපයක් එකවර සිලෙක්ට් කරලා දාගන්නත් පුලුවන්.
බුක් මාර්ක් මැනේජර් එකේ වම් පැත්තෙ මෙනු එකෙන් All items වලින් දැනට තියෙන සියලුම බුක්මාක් බලා ගන්න පුලුවන්. Bookmark Bar කියන එකෙන් බුක් මාක් බාර් එකේ පෙන්වන බුක් මාක්,  Folders වලින් කාණ්ඩ කරපු ෆෝල්ඩර්ස් බලා ගන්නත් පුලුවන්. උඩින්ම තියෙන New බට්න් එක ක්ලික් කරලා අලුතින් සයිට් එකක් බුක් මාක් විදිහට ඇඩ් කරගන්න පුලුවන්.
බුක් මාර්ක් එක්ස්පෝට්,ඉම්පෝට් කිරීම
මේ විදිහට සලකුණු  කරපු බුක් මාර්ක් කොම්පියුටරය ෆෝමැට් කරන කොට හරි වෙන හේතුවකින් බ්‍රවුසරය අයින් කරන කොට හරි නැතිවෙලා යන්න පුලුවන්. ඒ හින්දා මේ බුක් මාර්ක් අපිට බැකප් කරලා තියා ගන්න පුලුවන්.

එක්ස්පොර්ට් කිරීම
ඒකට බුක් මාක් මැනේජර් එකේ උඩින් තියෙන මෙනු එකේ දැති රෝදය අයිකන් එක ක්ලික් කරල ඒකෙන් Export bookmark ක්ලික් කරන්න. දැන් සේව් කරන්න ඕනි තැන ‍තෝරලා සේව් කරන්න (මේ ෆයිල් එක HTML විදිහට සේව් වෙන කුඩා ගොනුවකි).

ඉම්පෝට් කිරීම
කලින් ක්‍රමයෙන් එක්ස්පෝට් කරපු බුක් මාර්ක් නැවත ලබා ගැනීමට මුල් ක්‍රමයේදී මෙන් දැති රෝදයක් වැනි අයිකන් එක ක්ලික් කරලා එන මෙනු එකෙන් Import bookmark ක්ලික් කරන්න. 
              අලුතින් ක්‍රෝම් දැම්ම නම් බුක් මාර්ක් බාර් එකේම import bookmark කියල තියෙනවා. ඒක ක්ලික් කරත් හරි.දැන් කලින් සේව් කරපු තැනට ගිහින් ෆයිල් එක ‍තෝරල දෙන්න. 
             වැඩේ හරියට උනා නම් Success! කියලා මැසේජ් එකක් එයි. මේ අලුතින් ඉම්පෝට් කරපු ඒවා බුක් මාර්ක් මෙනු එකේ Imported මගින් ලබා ගත හැකිය...

May 23, 2015

Windows 3.0 නිකුත් වී වසර 25යි!

අද ලෝකයේ තිබෙන පරිගණක වැඩි ගණනකම ක්‍රියාත්මක වෙන්නේ කුමක් හෝ වින්ඩෝස් මෙහෙයුම් පද්ධතියකිනි. භාවිතයට පහසු අතුරු මුහුණතකින් හා යෙදුම් වලින් සමන්විත වූ වින්ඩෝස් ඒ නිසාම ලොව පුරා ජනප්‍රිය විය. දැනට තිබෙන නවතම සංස්කරණය වින්ඩෝස් 10 බව දැනටමත් දන්නා දෙයකි. මුල් කාලයේ මෙහෙයුම් පද්ධති විධාන ලබා දෙමින් ක්‍රියාත්මක කිරීමට සිදුවිණි (Comand Line Interface).වින්ඩෝස් ද එසේ විනි. මේ තත්වයෙන් බැහැරව වර්ණ සහිත තිරයක් හා මෙනු සහිතව ඉදිරිපත් කල ප්‍රථම වින්ඩෝස් මෙහෙයුම් පද්ධතිය වින්ඩෝස් 3.0 යි. ඉකුත් 22 දා එය නිකුත් කර අවුරුදු 25 ක් ගතවිණි.
වින්ඩෝස් 3.0 නිකුත් කරන ලද්දේ 1990 මැයි 22 දා යි. මෙම මෙහෙයුම් පද්ධතිය මයික්‍රෝසොෆ්ට් සමාගමේ ප්‍රථම පුළුල් පරාසයක පැතිරුණු පද්ධතිය විණි. 16 bit (286 පාදක ප්‍රොසෙසර් සඳහා) හා 32 bit (386 පාදක ප්‍රොසෙසර් සඳහා) ලෙස සංස්කරණ දෙකකින් මෙය නිකුත් විය.
වින්ඩෝස් 3.0 නිකුත් කිරීමේ ප්‍රධාන අරමුණ වූයේ එවකට ජනප්‍රියව තිබූ ඇපල් සමාගමේ මැකින්ටෝෂ් පද්ධතියට තරඟයක් දීමටය. භාවිතයට පහසු හා සරල කන්ට්‍රෝල් පැනලයක් හා භාවිත කරන්නාට වඩා සංවේදී යෙදුම් වලින් සමන්විත විය. තවද ඇපල් මෙන් පරිගණකය සමගම නොව තමාට අවශ්‍ය පරිදි ස්ථාපණය කර ගත හැකි ලෙස ෆ්ලෝපි ඩිස්ක් මගින් ලොව පුරා වින්ඩෝස් 3.0 අලෙවි විණි. මෙය ඇපල් මෙහෙයුම් පද්ධතියට දැඩි පහරක් විය. ඇපල් අතුරු මුහුණත අනුකරණය(user interface) කලා යැයි මයික්‍රෝසොෆ්ට් ඇපල් අතර ආරවුලක් ද හට ගෙන නඩු දක්වාද එය දුර දිග ගියේය.

        පහතින් දැක්වෙන්නේ එය ක්‍රියාත්මක වීමට පරිගණකය තිබිය යුතු වූ අවම සුදුසුකම් ය...

  • 8086/8088 හෝ ඊට වැඩි ප්‍රොසෙසරයක්
  • 1 MB  හෝ 2 MB ‍රැම් මතකයක්
  • 6-7 MB හිස් ඉඩක් සහිත් හාඩ් ඩිස්කයක්
  • CGA/EGA/VGA/Hercules/8514/A/XGA ග්‍රැ‍ෆික් හා ඊට සහය දක්වන මොනිටරයක්
  • MS-DOS  3.1
වින්ඩෝස් 3.0 අදටත් සැලකෙන්නේ වින්ඩෝස් මෙහෙයුම් පද්ධතියේ වාසනාවන්තම මෙහෙයුම් පද්ධතිය ලෙසයි. එසේම එය පරිගණක නිෂ්පාදන කර්මාන්තය ද වෙනස් මාවතකට ගෙන ඒමට වින්ඩෝස් 3.0 සමත්විණි.

May 17, 2015

ලේසියෙන් සෙටප් විසාඩ් හදන්න පුංචි සොෆ්ට්වෙයා එකක්

VB, JAVA, C# වගේ ප්‍රෝග්‍රැමින් ලැන්වේජ් පාවිච්චි කරලා පොඩි පොඩි සොෆ්ට්වෙයා අපිට ගෙදර ඉඳන්ම හදා ගන්න පුලුවන්. ඒත් අපි හදපු ප්‍රෝග්‍රෑම් වෙන කොම්පියුටරයක රන් කරන්න ගියාම නොයෙක් ගැටලු මතුවෙනවා. උදාහරණයක් විදිහට අපි විෂුවල් බේසික් වලින් හදපු සමහර ප්‍රෝග්‍රෑම් වලට ඇඩ් කරන කොම්පෝනන්ට් නිසා ඒවා අනෙක් කොම්පියුටර් වල රන් කරන කොට දෝෂ ඇත්වෙනවා. ඒකට හේතුව අපි යොදා ගත්තු කොම්පෝනන්ට් එක ඒ කොම්පියුටරයෙ නොතිබීම (ocx, dll වගේ ෆයිල්). මේකට කරන්න තියෙන විසඳුම තමයි සෙටප් එකක් හදන එක. එතකොට අපි යොදාග්ත්ත කොම්පෝනන්ට් එහෙමත් ඒවත් එක්කම රෙජිස්ටර් කරන්න පුලුවන්. 
              මේ විදිහට ලේසියෙන්ම සෙටප් හදාගන පුලුවන් සුපිරි සොෆ්ට්වෙයා එකක් තමයි ඉන්ස්ටෝල් ක්‍රියේටර් (Install Creater) කියන්නේ. මේ සොෆ්ට්වෙයා එකෙන් අපිට කැමති විදිහට වැඩි කරදරයක් නැතුවම සෙටප් හදාගන්න පුලුවන්. 
                ඕනෙ කෙනෙක්ට පුලුවන් පහලින් ඩවුන්ලෝඩ් කරගන්න (2.94MB).

May 12, 2015

කොම්පියුටරය කූලිං ෆෑන් වෙනුවට වතුරෙන් සිසිල් කිරීම

අපේ ගෙදර දොරේ සාමාන්‍ය පරිගණක වල කූලිං ෆෑන් තියෙනවා. ඒ ප්‍රොසෙසරය, ‍රැම් , හාඩ් ඩ්‍රයිව් වැනි ක්‍රියාත්මක වන් විට රත් වන උපකරණ වල උෂ්ණත්වය පාලනයටයි. ඒත් ඒ සාමාන්‍ය  ෆෑන් වෙනුවට වතුර යොදාගෙන පරිගණක සිසිල් කරන ක්‍රමය (Water cooling) ගැනයි මේ.
මේ ක්‍රමය මුලින්ම යොදා ගෙන තියෙන්නෙ 1982 නාසා ආයතනයට අයත් Cry-2 කියන සුපිරි පරිගණකයේ. 
          සාමාන්‍ය පරිගණක වලට මේ ක්‍රමය යොදා ගෙන තියෙන්නෙ 1990 දී විතර. මුලින්ම AMD සමාගම Athlon ප්‍රොසෙසරය සඳහා මේ ක්‍රමය යොදා ගත්තා (intel ඒවට වඩා AMD ප්‍රොසෙසර් ටිකක් රත් වෙනවා වැඩියි කියල දන්නවා ඇතිනේ..). Apple Power Mac G5 ප්‍රථම නඩත්තු කල හැකි වෝටර් කූලිං පද්ධතියක් තිබූ පරිගණකයයි.
මේ පද්ධතියේ මූලික වශයෙන් උපකරණ 4ක් තියෙනවා. වෝටර් බ්ලොක් එක (සාමාන්‍ය හීට් සින්ක් එක වැනි කොටසකි.මෙය හරහා ජලය ගමන් කරයි.), මෙය නල දෙකකින් සමන්විතයි. 
                       අනෙක් කොටස් දෙක ජලය නිකුත් කරන පොම්පය,ජලය සිසිල් කරන රේඩියේටරය(වාහන වල ඇති රේඩියේටරයේ ක්‍රියාකාරිත්වයට සමානය) හා ජලය ගෙන යන නල පද්ධතියයි. මේ වෝටර් කූලිං පද්ධතියක මූලිකකොටස් 4යි.

වෝටර් බ්ලොක් එක මගින් සිසිල් ජලය එය තුලට ගෙන රත්වූ උපාංඟයේ ඇති තාපය උරාගෙන අනෙක් නලයෙන් රත්වූ ජලය පිටකරයි. ජලය පොම්ප කරන ඒකකය මගින් රත්වූ ජලය ලබාගෙන එය නැවත රේඩියේටරයෙන් සිසිල් කර පිට කරනු ලබයි. මේ ජලය ‍රැගෙන යන නල පද්ධතිය තාපයට ඔරොත්තු දෙන විශේෂයෙන් සැකසූ ඒවාවේ.
සාමාන්‍ය ෆෑන් වලින් කරන සිසිලනයට වඩා හොඳ සිසිල් කිරීමක් ජල සිසිලන පද්ධතියකින් ලැබේ. පරිගණකයේ වේගය වැඩිකිරීමට ප්‍රොසෙසරය ඕවර්ක්ලොක්(over clock) හෙවත් ක්‍රියාත්මක වන සංඛ්‍යාතය වැඩි කල හැකිය. නමුත් එවිට උපදින තාපය ඉහලය. ඒ නිසා ඒවැනි පරිගණක වල මේ පද්ධති භාවිතා කරයි. දැන් තිබෙන බොහෝ ගේමින් කොම්පියුටර්ස් (පරිගණක ක්‍රිඩා ධාවනය කිරීමටම විශේෂයෙන් සාදා ඇති මතකය, වේගය වැඩි පරිගණකයි) , සුපිරි පරිගණක වල වල ද්‍රව සිසිලන පද්ධති භාවිතා කරයි. 
      ජලය වෙනුවට වෙනත් වර්ගවල සිසිලන ද්‍රව මේවාහි භාවිත කරයි. එසේම සාමාන්‍ය පරිගණක වල නැගෙන අමිහිරි නාදය මෙහි නැත. ඕනෑම කෙනෙකුට මිලදී ගෙන සවිකරගත හැකි වෝටර් කූලිං සිස්ටම් දැන් වෙළඳ පොළේ තිබේ.
කාර්‍යක්ෂම සිසිලනයක් නිසා පරිගණකය වේගයෙන් ක්‍රියාත්මක වුවද මෙහි යම් අවදානමක් ද ඇත. වැරදීමකින් හෝ ජලය කාන්දුවුවක් වුවොත් පරිගණකය නිසැක වශයෙන්ම හානිවීම ඒ අවදානමයි. 


May 10, 2015

ඉන්ටර්නෙට් කැෆේ එකකින් ඉන්ටර්නෙට් යනවද?

ටවුන් එකේදි හදිස්සියකට ඉන්ටනෙට් යන්න ඕනි වුණාම කරන්න තියෙන එකම දේ තමයි ඉන්ටර්නෙට් කැෆේ එකකින් ඉන්ටනෙට් යන එක. ඒත් මතක තියාගන්න ඕනි වැදගත් දෙයක් තියෙනවා. ඒ තමයි අපි ඒ වෙලාවෙදි පාවිච්චි කරන්නෙ අපේ කොම්පියුටරය නොවන පොදු එකක් වග. මේ ලිපියෙන් කියල දෙන්නෙ කැෆේ එකකදි ඉන්ටනෙට් යනකොට සැලකිලිමත් වෙන්න ඕනි කාරණා ටිකක් ගැන.
Tor බ්‍රව්සර් එකෙන් ඉනටෙනෙට් යන්න
Tor කියන වෙබ් බ්‍රව්සර් එකේ තියෙන විශේෂතවය තමයි තමන් යන එන තැන් ගැන වෙන පිටස්තර අයට හොයන්න බැරි වීම. ඒකට හේතුව Tor බ්‍රව්සර්  එක ඊටම විශේෂිත සර්වර් එකක් හරහා සම්බන්ද වීම. 

          එහෙම නැත්නම් ගූගල් ක්‍රෝම් එකේ incognito මොඩ් එක හරහා යන්න. එකට ක්‍රෝම් එක ඕපන් කරලා Ctrl+Shift+N කියන ෂෝට් කට් එක ඔබන්න. නැත්නම් බ්‍රව්සර් එකේ වම් පැත්තෙ තියෙන බට්න එක ක්ලික් කරලා New incognito window කියන එක ක්ලික් කරන්න. හැබැයි මේකෙදි සිද්ධවෙන්නෙ ඉන්ටනෙට් හිස්ටොරි, කුකීස් වගේ ඒව ඉතිරි වෙන්නෙ නැති එක විතරයි. ඒ වගේම ඉන්ටනෙට් යන්න එකම බ්‍රව්සරය පමණක් යොදා ගන්න.
ඊමේල් එකට ලොග් වෙනවද?
ඉන්ටනෙට් කැෆේ එකකදි ඊමේල් හරි වෙනත් ඔන්ලයින් එකවුන්ට් වලට ලොග් නොවී ඉන්න පුලුවන් නම් තමයි හොඳ. හදිසියේ වත් එහෙම ලොග් වෙනවනම් ඊමේල් එකට ලොග් වෙන තැන තියෙන "Stay signed in","Remember my password" හෝ "Remember my email address." කියල තියෙන චෙක් බොක්ස් එක හිස්ව තියන්න (අන්චෙක් කරන්න). 
             ඒ වගේම තව වැදගත් දෙයක් තමයි අලුතින් එකවුන්ට් එකකට ලොග් වෙන්න හදන කොට වෙබ් බ්‍රව්සර් එකෙන් "පාස්වර්ඩ් එක සේව් කරන්නද?" කියා අසන පණිවිඩයක් දිස් වේවි. එවිට "Never for this site" යන්න ක්ලික් කර එය අවලංඟු කරන්න. එසේ නොමැති වුවොත් ඔබේ ඊමේල් එක හෝ වෙනත් එකවුන්ට් එකක් අන්සතු විය හැකිය.
                එසේම Facebook, twitter හෝ වෙනත් සමාජ ජාල ගිණුමකට ලොග් වී සිටියේ නම් නොවරදවාම Logout වීමට මතක තබාගන්න. ඊමේල් එකට නොදන්නා අයෙකුගෙන් ලැබී ඇති ඊමේල් ඕපන් කිරීම හෝ එහි තිබෙන ෆයිල් ඩ්ව්න්ලෝඩ් නොකරන්න (විශේෂයෙන් .exe ෆයිල්).
බැංකු ගිණුම්,ක්‍රෙඩිට් කාඩ් භාවිතයෙන් වලකින්න.
මොනම අවශ්‍යතාවය තිබුණද paypal, payza හෝ වෙනත් මූල්‍යමය කටයුතු ඉන්ටනෙට් කැෆේ එකක් තුලදී සිදු නොකරන්න. ඊට හේතුව කැෆේ එකේ අයිත් කරුවා ඇතැම් විට ජාලය තුල keystroke logging spyware වැනි නරක වැඩසටහනක් ක්‍රියා කර තිබිය හැක. එමගින් ඔබ කීබෝඩ් එකෙන් ඔබන කී වලින් ලැබෙන දත්ත භාවිතා කර ගිණුම් විස්තර පාස්වර්ඩ් ආදිය අයිතිකරුවාට ලබාගත හැකිය.
යන්න ඉස්සර වෙලා හිස්ටොරි, ඩව්න්ලෝඩ්ස් ක්ලියර් කරන්න.
වැඩ කටයුතු ඉවර කරලා වෙබ් බ්‍රව්සර් එකේ හිස්ටොරි ක්ලියර් කරන්න. ඒ වගේම තමන් ඩවුන්ලෝඩ් කරපු දේවල් තාවකාලිකව හදපු ෆෝල්ඩර් සියල්ල ඩිලීට් කරන්න.
ඉන්ටනෙට් කැෆේ එකක්දී අපසතු වන පරිගණකය අපට ලැබෙන්නේ පැය කිහිපයකට පමණි. සැබැවින්ම අපගේ තොරතුරු අන්සතු වීමේ අවධානමක් තිබේ.එම නිසා එය භාවිතා කිරීමේදී අපගේ පෞද්ගලිකත්වයත්, මුදලත් ‍රැක ගැනීම අපගේ කාර්‍යයකි. 

May 6, 2015

3D ප්‍රින්ටරයකින් ශරීර අවයව මුද්‍රණය කිරීමේ තාක්ෂණයක්

හදිසි අනතුරු හා විවිධ ආබාධ නිසා ශරීරයේ කොටස් අහිමි වූ හෝ ඉවත් කිරීමට සිදුවූ පුද්ගලයින් ලොව පුරා සිටියි. එයට විසඳුමක් ලෙස එම කොටසට සරිලන ප්ලාස්ටික් අවයව බද්ධ කිරීම දැනටමත් සිදු කරයි. නමුත් එය එතරම් සාර්ථක් වූ ක්‍රමයක් නොවේ. නමුත් සාමාන්‍ය තීන්ත වෙනුවට සෛල යොදාගෙන ශරීර අවයව මුද්‍රණය කිරීමක් ගැන අසන්න ලැබුණෝතින්. සමහරවිට පුදුම වෙන්නත් පුලුවන්.
අවයව මුද්‍රණය සඳහා "පටක මුද්‍රණය" (biofabrication) පිළිබඳ බොහෝ කාලයක් තිස්සේ විද්‍යාඥයින් අධ්‍යනය කරමින් සිටී. ඒ අතරින් මේ පරික්ෂණ සඳහා මුල් තැනක් ගත් Danny Cabrera හා Ricardo Solorzano යන විද්‍යාඥයින් දෙදෙනාගේ පරීක්ෂණයන් මේ වන් විට සාර්ථක ප්‍රථිඵල අත්කරගෙන ඇත. ඒ අනුව ඔවුන්ගේ සමාගම වන BioBots ආයතනය විසින් අවයව මුද්‍රණයට 3D ප්‍රින්ටරයක් නිර්මාණය කර තිබේ. භාවිතයට පහසු මිල අඩු, වෙගවත් උපාංඟයක් ලෙස මෙය ඉදිරිපත් කිරීම ඔවුන්ගේ අදහසයි.
  මෙම උපකරණය නිපදවීමේදී සැලකිල්ලට ගත් ප්‍රධාන කරුණක් ඇත. දැනටමත් පවතින පටක මුද්‍රණ යන්ත්‍ර වල එම ක්‍රියාවලිය සිදු කිරීමේ දී පාරජම්බුල කිරණ (UV) යොදා ගැනීම හා අධික පීඩනයක් එල්ල කිරීම සිදු විය. නමුත් ජෛව සෛල සඳහා පාරජම්බුල කිරණ අහිතකර වේ. ඒ වෙනුවට BioBots '3D ප්‍රින්ටර්යේ යොදා ගන්නේ අහිතකර නොවන නිල් පැහැති ආලෝකයයි. මුද්‍රණය සඳහා අවශ්‍ය සෛල එකිනෙක සම්බන්ධව දාමයක් ලෙස ප්‍රින්ටරය තුල පවතී. ප්‍රින්ට් කිරීමෙදී මේ සෛල දාමය ද්‍රව පීඩකයක් (hydraulic pressure) මගින් ඉවතට ගැනීම සිදුකරයි. මුද්‍රණයට අවශ්‍ය සැකැස්ම අනෙක් 3D ප්‍රින්ටර් වල් මෙන් CAD හෝ වෙනත් 3D මෘදුකාංඟයක් මගින් ලබාදිය හැකිය.
මෙම නිපැයුම තවමත් වෙළඳපොලට එවා නැති අතර ඔවුන් දැනටමත් විවිධ මූලාදර්ශ (phototype) කිහිපයක් නිපදවා ඇත. ඒවා විවිධ රටවල සිටින වෛද්‍ය වරුන්ගේ සහයද ලබා ගෙන මෙම නිපැයුම එදිනෙදා භාවිතයට පහසු, ආරක්ෂාකාරි උපකණයක් ලෙස ලෝකයාට ඉදිරිපත් කිරීමට ඔවුන් සැලසුම් කර තිබේ. උපකරණය තවදුරටත් දියුණු කිරීම සඳහා ඔවුන් අරමුදලක් පිහි‍ටුවීමටද සූදානම්ව සිටී.
නුදුරු අනාගතයේම අපට නිවසේදී සිදුවන හදිසි අනතුරු වලට ප්‍රතිකාර නිවසේදීම සිදුකල හැකිවනු ඇත.ඒ බෙහෙත් වෙනුවට සජීවී සෛල යොදාගෙනය.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.