January 23, 2017

වේගවත් වූ වේගා

වේගා. ලංකාවේ නිපදවෙන පළවෙනි ඉලෙක්ට්‍රික් සුපිරි මෝටර් රථය. Code Gen සමාගමේ අනුග්‍රහයෙන් මේ සුපිරි කාරය ගොඩනැගෙන හැටි ගැන මීට පෙර ලිපි දෙකක් පල කලා. පළවෙනි ලිපිය මෙතනින් කියවන්න පුළුවන්. දෙවෙනි ලිපිය කියවන්න මෙතෙනින් පුළුවන්. ඒ ලිපි වලින් වේගා හි පලමු ගමන් කිරීම හා එය ගොඩනැගෙන ආකාරය පෙන්වූවා. මේ විඩියෝ එකෙන් ඉදිරිපත් කරන්නේ වේගා රථයේ සාර්ථකව සිදුකල පරීක්ෂණ ධාවනයන් ගැනයි.
Vega High Torque Launch Control Test
Fasten your seat belt and prepare for an exhilarating sprint as VEGA tests its high-performance motors during the launch test! VEGA continues to push its limits to reach greater milestones as CodeGen International prepares to unleash #SriLanka’s first ever #EV #SuperCar at its epitome.
Posted by VEGA on Saturday, 21 January 2017
මේ ව්‍යාපෘතිය ගැන ගොඩක් අය සතුටින්, කල හැකි දෙයක් ලෙස බලන අතර සමහරක් අය මේ දෙස බැලුවේ කල නොහැකි නිෂ්ඵල දෙයක් ලෙසයි. මේ මෝටර් රථයේ මිල ලාංකිකයන් වන අපට දරා ගත නොහැකි බව සැබෑය. එනමුත් මෙවැනි විසල් ව්‍යාපෘතියක් අපට කල හැකි බව පෙන්වාදීම ම නව නිපැයුම් කරුවන්ට දුන් සැබෑ දිරිගැන්වීමකි. විදෙස් රටවල නිපැයුම් ගැන උජාරුවෙන්, වර්ණනා කරමින් ලියන අපේ රටේ ඇතැම් තාක්ෂණික සඟරා මෙවැනි තම රටේ නිපැයුම් ගැන අකුරක් පල කරන්නේ නැත. ඒ කෙසේ වුවත් tech සයුරට ඔවුන් ඉතා වටියි.කියන්නට බොහෝ දේ ඇත. ඉදිරි ලිපියකින් හමුවෙමු....










January 21, 2017

ෆෝන් එකෙන් සින්දු කියන්න Smule

හැමෝම වගේ කැමතියි සින්දු අහන්න. ඒ වගේම කියන්න. මියුසික් නැතුව කියනවට වඩා මියුසික් එකත් එක්කම කියන්න තියෙනවනම් හොඳයි. ඒ සින්දු රෙකෝඩ් කරගන්න තියෙනවනම් තවත් හොඳයි.
smule කියන්නෙ කැරෝකෙ විදිහට සින්දු කියන්නම හදපු මොබයිල් ඇප් එකක්. ඇන්ඩ්‍රොයිඩ්, ඇපල් දෙකටම නිකුත් කරල තියෙනවා. smule ඇප් එක ඩවුන්ලෝඩ් කරලා ඉන්ස්ටෝල් කරගන්න ඕනි කෙනෙක්ට තමන්ගෙ කට හඬින් සින්දු කියන්න හැකියාව තියෙනවා. ඒ විතරක් නෙවෙයි. යුගල ගායනා වගේම ගොඩ දෙනෙක් එක්ක වුනත් සින්දු කියන්න පුලුවන්. ප්‍රසිද්ධ, ප්‍රවීණ ගායක ගායිකාවන්ගෙ සිංදු මේ ඇප් එක හරහා කියන්න වගේම අප්ලෝඩ් කරන්න පුලුවන්.
ඇප් එක අන්ලොක් කරගන්න මුලින්ම සින්දුවක් ‍තෝරගෙන තනියෙන් කියන්න ඕනි. ඊට පස්සෙ පුලුවන් අනිත් සින්දූ කියන්න. මේ ඇප් එකේ ඉතුරු සිංදුත් තනියෙන් කියන්න නම් VIP pass එකක් ගන්න ඕනි. හැබැයි ඒකට මාසෙකට $4.99 නැත්නම් අවුරුද්දට $39.99 ගෙවන්න ඕනි. එහෙම නැතත් දැනට කෙනෙක් කියපු සින්දුවක ඉතිරි කොටස් කියන්න නම් කිසිදු ගෙවීමක් කරන්න ඕනි නෑ. කියන සිංදුව වගේම  වීඩියෝ රෙකෝඩ් කරන්නත් මේ ඇප් එකෙන් පූළුවන්.
smule ඇප් එකෙන් සින්දු කියනකොට ගායනයෙ තත්වය වැඩි කරගන්න නම් අමතරව ෆෝන් එකේ හෙඩ් සෙට් එක (ඉයර් ෆෝන් එක) තියෙනවා නම් ගොඩක් හොඳයි. සින්දුව කිව්වට පස්සෙ කටහඬට විවිධ ඉෆෙක්ට් දාන්න වගේම තමන්ගෙ හඬ ෆේස්බුක්, ඊමේල් හරහා බෙදා හරින්නත් පුලුවන්. දැනටමත් අපේ රටේ  ගොඩක් අය, විදෙස් ගතව ඉන්න අය පවා මේ ඇප් එකෙන් ගීත ගායනා කරනවා. ලංකාවෙ සිංදු විතරක් නෙවෙයි ලෝක ප්‍රසිද්ධ ගීතත් මේකෙ තියෙනවා. පාළුව, තනිකම මකාගන්න මේක හැමෝටම හොඳ ඇප් එකක්.



January 16, 2017

පොත් වෙනුවට ටැබ් දීම

කවුරුත් දන්න මාතෘකාවක්. අය වැයත් එක්ක එලියට ආපු මේ කතාව දැන් රටේ ප්‍රධාන මාතෘකාවක්. මේ ලිපිය පොත් වෙනුවට ටැබ් දීම ගැන tech සයුරේ අදහසයි.
ලෝකයේ හැම රටක්ම වේගයෙන් ලබා ගන්නා තාක්ෂණික මෙවලම්, ක්‍රම හා උපාංඟ අපේ රටට ලැබුණේ බොහෝ කල් ගියාට පසුවය. වෙන එකක් තබා අපේ රටේ නිමැවුම් කරුවන් කල නිපැයුමක් වත් අපේ රට තුල තබා ගැනීමට නොහැකි විය.  සමහරක් ඒවා නිකම්ම අභාවයට ගියහ. ඇතැම් ඒවා නැවතුනේ පිට‍රැටියෙකුගේ දෙපතුල ලඟය. අත් ට්‍රැක්ටරය එකකි. අනෙක නියර රහින යන්ත්‍රය නිපදවා තරුවක් පවා නම් කල කපුගෙදර ඊට හොඳ උදාහරණයන් ය. අපිට බොහෝ තැන් වල වැරදී ඇත. සත්‍ය වශයෙන්ම අපේ රට්ට දැන් තාක්ෂණික දැනුම අත්‍යාවශ්‍යය.
මේ ව්‍යාපෘතියට අනුව පාසල් දරුවන්ට අච්චු ගැසූ පොත් වෙනුවට ටැබ්ලට් පරිගණක ලබා දීමට යයි. මුලින්ම ඒවා උසස් පෙළ දරුවන්ට ලබා දේ. මෙය ඉතා හොඳ වැඩකි. මූලික වියදම අධික උවද දිගු කාලීන වශයෙන් සාර්ථකය. මෙහි වාසි ‍රැසකි.

  • විෂය නිර්දේෂ අලුත් කිරීමට අලුත් පොත් අච්චු ගැසිය යුතු නැත.
  • අතරමගදී උවද පාඩම් සංස්කරණය ද පහසු වෙයි.
  • පින්තූර පමණක් වෙනුවට වීඩියෝ ද ඇනිමේෂන් ද එක්කල හැකිය.
  • පිටේ එල්ලෙන විශාල පොත් බෑගයේ බර අඩුවෙයි.
  • දරුවන්ගේ ඉගෙනීමේ කැමැත්ත වැඩිවේ.
  • නව තාක්ෂණික දැනුම දරුවන්ට ලැබේ.
පාසල් පෙල පොත් වසරකින් ඊළඟට එන සිසුන්ට දිය යුතු වන නමුත් එය සිදු නොවන තරම්ය. වසරක් පාසා සිසුන්ට අලුත්ම පොත් පාසල් වලින් ලබා දෙයි. පැරණි පොත් බොහෝ කලක් අහු මුලු වල තිබී කඩල කාරයන්ගේ හා පත්තර කාරයන්ගේ අතට පත්වේ. ඉතිං එවැනි දුර්වලතා මින් මගහැරේ.

කෙසේ උවත් තවත් දේ සොයා බැලිය යුතුය. මීට පෙර 2009 වර්ෂයේ දෙසැම්බර් 10 වනදා  ළමයින්ට ලැප්ටොප් දෙනවාය කියා එකක් පටන් ගත්තේය. එය නම් ලෝකය පුරා ක්‍රියාත්මක වූ ව්‍යාපෘතියකි. එහි නම OLPC ය. එහි විස්තර මීට පෙර ලිපියකින් පල කර ඇත.

            එම ව්‍යාපෘතිය තබා ලැප්ටොප් ටිකටවත් වෙච්ච දෙයක් නොදනියි. ඒවා කාගේ කාගේ ළඟ දැයි නොදනියි. එසේම මතක තබා ගත යුතු තවත් වැදගත් දෙයක් වන්නේ මේවායේ දෝෂ ගැනය. ටැබ් භාවිත කරන්නේ දරුවන්ය. බිම වැටීම්, හැල හැප්පීම් වලට ඔරොත්තු දුන්නත් ඉඳහිට හෝ දෝෂ ඇති විය හැකිය. පාසල් වලට අලුතින් ලැබෙන පරිගණක පවා සමහරවිට වැඩ කරන්නෙ මාස කීපයක් පමණි.
ටැබ් දෙන්නට කලින් කල් යුතු තව වැඩක් තිබේ. එනම් පාසල් වල පරිගණක වල ඇති ව්‍යාජ මෘදුකාංඟ වෙනුවට නොමිලේ දෙන විවෘත මෘදුකාංඟ (free and open source software) ස්ථාපනය කිරීමයි. අපේ රටට තාම හරිහමන් මෙහෙයුම් පද්ධතියක් නැත. එය නොහැකිනම් දැනට තියෙන ඕපන් සෝස් (හන්තාන ලිනක්ස් වැනි) මෙහෙයුම් පද්ධති පිහි‍ටු විය යුතුයි.
තවත් කාරණයක් වන්නේ ඉතා දුෂ්කර පාසල් වලට මේ ටැබ් කෙසේ උචිත වේද යන්නයි. මේ ගැන බොහෝ වාද විවාද තිබේ. සමහරක් පාසල් වල හරිහමන් ගොඩනැගිල්ලක් වත් නැත. හැකිනම් පළමුවෙන් ඒවායේ යටිතල පහසුකම් දියුණු කල යුතුය. ලොකු පාසල් වලට ටැබ් දී පොඩි පාසල් වලට පොත් දීම අසාධාරණය. ඒවාට මහා ව්‍යාපෘති අවශ්‍ය නැත. එක ඇමති කෙනෙක් වාහනයක් ගන්නා මුදලින් ළමුන් සිය ගණනකට සෙත සැලසිය හැකිය. තැන තැන ගොස් පීකර් පැලෙන්න කෑගැසුවාට ඒවා වෙන්නේ නැත. ටීවී කැමරාව ඉදිරියේ ජවුසන් නැ‍ටුවාට ඒවා වෙන්නෙ නැත.
අවසානයට කීමට ඇත්තේ මේ ව්‍යාපෘතියත් මාස කීපයකින් ආගිය අතක් නොමැතිවන හෝ OLPC, ගූගල් බැලුන් වැනි වෙච්ච දේ සිතාගත නොහැකි හෝ ‍ෆ්‍රී- වයි ෆයි වැනි තේරුමක් නැති ව්‍යාපෘතියක් නොවේවා! යන්නයි.

January 4, 2017

එක බැටරියකින් L.E.D එකක් දල්වන පරිපථය

හැමෝටම වාසනාවන්ත සුබ අලුත් අවුරුද්දක් වේවා! 2017 ලියන පලවෙනි පෝස්ට් එක. මේ පෝස්ට් එකට සමාන එකක් මීට ඉස්සර දැම්මා. ඒකදි ගත්තෙ LM3909 කියන I.C එක. මේ සර්කිට් එක ඊට වඩා වෙනස්. ඒ උනාට මේක ඉතාම සරල පරිපථයක්. මේක හදන්න ඉලෙක්ට්‍රොනික් දැන ගන්නම ඕනි නෑ.
සාමාන්‍යයෙන් ඕනි කෙනෙක් දන්නවා LED එකක් වැඩකරන්න නම් 3v වත් තියෙන්න ඕනි. ඒ කියන්නෙ 1.5v බැටරි 2ක් තියෙන්න ඕනි. සාමාන්‍යයෙන් LED එකක් වැඩ කරන්න 1.9v - 2v අතර 2mA තියෙන්න ඕනි. මේක LED බල්බ් එකේ පාට අනුව වෙනස් වෙනවා. මුලින්ම සර්කිට් එක හදල ඉමු.

✦පරිපථයේ විස්තර
පරිපථය

✪අවශ්‍ය උපාංඟ
  • 2N2222A (හෝ ඊට සමාන NPN ට්‍රාන්සිස්ටරයක්) - 1
  • 1K (දුඹුරු, කළු, රතු) - 1
  • පොඩි ෆේරයිට් වලල්ලක් (ferrite toroid)
  • ගේජ් 22 පමණ එනමල් කම්බි (කොයිල් කම්බි)
  • 1.5v බැටරියක්
  • ඩොට් බෝඩ් කැබැල්ලක්
  • පෑස්සීමට පාහනයක් හා ඊයම්
  • වයර්

✦කොයිල් එක ඔතන විදිහ.
පරණ අයින් කරපු CFL බල්බ් එකක සර්කිට් එකකින් ෆේරයිට් වලල්ලක් ලේසියෙන්ම හොයාගන්න පුලුවන්.
ෆේරයිට් රවුම/ වළල්ල
       කොයිල් කම්බි නැත්නම් මැද කම්බිය තියෙන වයර් උනත් මේකට හරි. ෆේරයිට් වලල්ලෙ බාගයක් වෙනකම් කම්බිය ඔතන්න. ඉතිරි කොටසත් කම්බියෙන් වෙනම ඔතන්න. පහල රූපයෙන් ඔතන විදිහ පැහැදිලි කරගන්න පුලුවන්.

✦පරිපථය සෑදීම

    ට්‍රාන්සිස්ටරයෙ පාද හඳුනගන්න විදිහත් පහලින් තියෙනවා.
ට්‍රාන්සිස්ටරයේ අග්‍ර
   මේ තියෙන විදිහට උපාංඟ ටික ඩොට් බෝඩ් එකක එකලස් කරගන්න ඕනි.
 ඩොට් බෝඩ් එකක් නැතුව උනත් මේ ටික පාස්ස ගන්න පුලුවන්.
           මේ ට්‍රාන්සිස්ටරය වෙනුවට වෙන එකක් ගන්නවනම් ඒකෙ පාද හරියටම් බලල පාස්සන්න ඕනි. ඒ වගේම ඔතපු කොයිල් කම්බියෙ කෙලවර සුද්ද කරල එනමලය අයින් කරල පාස්සන්න .හරියටම පාස්ස ගත්තනම්  මෙන්න මේ විදිහට වැඩ කරයි.

✦මොකද්ද මේකෙ වෙන්නෙ?
මේ පරිපථය "ස්වයං දෝලන වෝල්ටියතා වර්ධකයක්" (self-oscillating voltage booster). මේ පරිපථයකට කියන්නෙ ජූල් තීෆ් (Joule thief - ජූල් හොරා???) සර්කිට් එකක් කියල.
             ඇසට පැහැදිලිව නොපෙනුනත් මේ පරිපථයෙ LED බල්බ් එක නිවි නිවී දැල් වෙනවා. ඒක ඉතා වේගයෙන් ඒ කියන්නෙ 40kHz වගේ සංඛාතයකින් බල්බ් එක නිවි දැල්වෙනවා. ඉහල සංඛ්‍යාතයකින් විදුලිය සැපයීම හා නැවතීම වෙන නිසා ෆේරයිට් කොයිල් එක තුල විදුලිය ගබඩා වීම හා වැයවීම සිදුවෙනවා. ඒ නිසාවෙන් කුඩා විභව අන්තරයක් වැඩි විභව අන්තරයක් හා අඩු ධාරාවක් බවට පත්වෙනවා. ඒ නිසා මේ ක්‍රමයෙන් කුඩා භාරයන් ක්‍රියාත්මක කරන්න පුළුවන්. පරිපථය ගැන ඕනිම ගැටලුවක් තියෙනව නම් කියන්න. 

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.