January 13, 2019

Sony Aibo : ගෙදර සුරතලාත් රොබෝ වෙයිද?

                                                 ගෙදරක සුරතලයට සතෙක් ඇතිකරනවා නම් ගොඩක් වෙලාවට ඒ බලුපැටියෙක්. මිනිසාගේ හොඳම මිතුරා කියලත් කියනවනේ. ඉතිං ඉස්සරහට නම් ඒ කතාව ටිකක් වෙනස් වෙයි වගේ. කොහොමද ගෙදර සුරතල් බලු පැටියත් රොබෝ කෙනෙක් උනොත්?
Sony Aibo
            සෝනි සමාගමෙන් අයිබෝ කියන මේ රොබෝ බලු පැටියා මුලින්ම නිකුත් කලේ 1999 වසරේදියි. අයිබෝ කෘතිම බුද්ධියෙන් ක්‍රියාත්මක වෙන රොබෝවක්. ගෙදර ඇති කරන බලු පැටියෙකුගෙ තියෙන අංග චලන ඒ විදිහටම වගේ සිදුකරන්න මේ රොබෝවට පුළුවන්. අයිබෝ නිෂ්පාදන 1999 පටන් ගත්තත් 2006 දී නිෂ්පාදන නතර කරනු ලැබුවා. ඊට අවුරුදු 11 කට පසුව 2017 දී නව අයිබෝ සංස්කරණයක් නිකුත් කරන බවට සෝනි සමාගම නිවේදනය කලා. ඒ අනුව යමින් CES 2019 උළෙලේ දී ERS-1000 මොඩලය යටතේ නව අයිබෝ රොබෝව එලිදක්වනු ලැබුවා.

වැඩ කිඩ
        අයිබෝ හට කැමරා දෙකක් ,ස්පර්ෂ සංවේදක වගේම තව සංවේදක රාශියක් පිහිටලා තියෙනවා. එක කැමරාවක් පිටුපස වලිගය ලඟත් අනෙක් කැමරාව නාසයේත් පිහිටලා තියෙනවා. ඉදිරි කැමරාවෙන් මුහුණු හඳුනාගන්න, මස්කට්ටක් විදිහට හදපු අයිබෝගේ (AiBone) සෙල්ලම් බාන්ඩය හඳුනාගන්නත් පුළුවන්. පිටුපස කැමරාවෙන් බැටරි ආරෝපණය කරගන්න තැන අඳුරගන්න වගේ අවස්ථාවලට යොදාගන්නවා. අයිබෝට කටහඬ හඳුනාගන්න හැකියාව තියෙනවා. ඒ වගේම සෝනි සමාගම දෙන ඇප් එකකින් අයිබෝ හට අලුත් දේවල් පුරුදු කරන්න, ඉදිරි කැමරාවෙන් පින්තූර ගන්නත් රොබෝවේ ඇස් වල පාට වෙනස් කරන්නත් පුළුවන්. .ඒත් මේ රොබෝව හදලා තියෙන්නෙ ස්මාර්ට් හෝම් උපාංඟයක් විදිහට නම් නෙවෙයි. ඒ කියන්නෙ උදේට ප්‍රවෘත්ති කියවන්න, ඉන්ටනෙට් එකත් එක්ක කනෙක්ට් වෙලා කාලගුණය ගැන කියන්න නම් මෙයාට බෑ.
     අලුත් අයිබෝ රොබෝවට 100 දෙනෙක් දක්වා ඒ අයගේ හැසිරීම් එක්ක වෙනවෙනම මතක තියාගන්න පුළුවන්. නිකට යට, ඔළුව අතගානවට කටහඬින් හොඳ ප්‍රතිචාර දක්වනවාට අයිබෝ ගොඩක් කැමතියි. අයිබෝට සෙල්ලම් කරන්න පොඩි රෝස පාට බෝලයක් වගේම කලින් කියපු  අයිබෝන් එක තියෙනවා. අත්වනන්න, ඉඳගන්න, නටන්න, බෝලෙකට පයින් ගහන්න, සින්දු කියන එක  අයිබෝට පුළුවන් වැඩ කීපයක්.

දෘඩාංඟ
       අයිබෝ රොබෝවට 64-bit Quad-Core ප්‍රොසෙසර් එකක් තියෙනවා. OLED ඇස් දෙකක්, මයික්‍රොෆෝන් 4ක්, flight sensor එකක්, ranging sensors, capacitive touch sensors, gyro sensors, acceleration sensors, අලෝක සංවේදකයක්, චලන සංවේදකයක් එක්ක පාද වලට සම්බන්ද කෙරුණු සංවේදක තියෙනවා.

මෘදුකාංඟ
      උඩින් කිව්වා වගේම මේක කෘතීම බුද්ධි වැඩසටහනකින් ක්‍රියාත්මක වන Aperios කියන මෙහෙයුම් පද්ධතියෙන් (Real-Time Operating system) ක්‍රියාත්මක වෙන රොබෝවක්. My Aibo වැඩසටහනින් රොබෝවේ දත්ත ක්ල්වුඩ් දත්ත රැඳවුමට සම්බන්ධ කරන්න පුළුවන්. සෝනි සමාගම නිෂ්පාදනය කල OPEN-R architecture ට අනුව  මෘදුකාංඟ සකසා තිබෙනවා. ඒ නිසා පහසුවෙන් දෘඩාංඟ, මෘදුකාංඟ කොටස් වෙනස් කරන්න හැකියාව ලැබිලා තියෙනවා.
           අයිබෝ රොබෝව හඳුවන්වන්නේ සෙල්ලම් උපකරණයක් විදිහටයි. ඇත්තටම අයිබෝ ඇතිකරන අයට කෑම දෙන්න, බෙහෙත් විදින්න, වෙනත් අවශ්‍යතා ඉටු කරන්න වගේම කූඩුවක් හදන්න ඕනි වෙන්නේ නෑ. හැබැයි ඉතින් විදුලිය නැත්නම් මෙයාගෙන් වැඩක් නෑ. ඒ වගේම කුඩා දරුවන්ට නම් මෙයාව ගොඩක් හුරතල් සෙල්ලම් බඩුවක් වේවි. $1,750 (රු.318,500) විතර මිලකට මේක අලෙවි කරනවා. ඒ අනුව සෝනි අයිබෝ යනු හුදෙක් නවීන පන්නයේ මිල අධික සෙල්ලම් උපාංගයකි.

January 8, 2019

සීමා බිඳුන GitHub!

                  දැනටමත් ගිට් හබ් යූස් කරන, ෆ්‍රී අකවුන්ට් අයටනම් මේ අවුරුද්ද පටන් ගන්නකොටම සතුටු හිතෙන ආරංචියක් තමයි අහන්න ලැබෙන්නෙ. ඉස්සර නම් ගිට් හබ් එකේ නොමිලේ ලැබෙන එකවුන්ට් වල කෝඩ් එක හැමෝටම බලන්න පුළුවන් විදිහට පබ්ලික් විදිහට හදන්න ඕනි. ප්‍රයිවට් රෙපොසටරි එකක් ඕනි නම් ගෙවීමක් කරලා ඒ සේවාව ගන්න ඕනි වුණා. ඒත් මේ මාසේ ඉඳලා ෆ්‍රී එකවුන්ට් තියෙන අයටත් unlimited private projects හදන්න දැන් පුළුවන්.
මේ ප්‍රයිවට් රෙපොසටරි වල උපරිම 3 දෙනෙකුට විතරයි වැඩකරන්න පුළුවන්. පබ්ලික් රෙපොසටරි වල තවමත් ඕනෑ තරම් අයට එකට එකතු කරගෙන වැඩ කරන්න පුළුවන්.
                  පසුගිය ඔක්තෝම්බර් මාසයේදී මයික්‍රෝසොෆ්ට් සමාගමෙන් ගිට් හබ් වෙබ් අඩවිය මිලදී ගනු ලැබුවා. සමහරු නම් මේ ගැන වැඩි ප්‍රසාදයක් දැක්වුයේ නම් නෑ. ඒ ගිට් හබ් වල තිබුණු සාම්ප්‍රදායික නීති රීති වෙනස් වී මුදල් උපයන අරමුණින් නව නීති රීති ඒවි යැයි සිතාය. නමුත් මේ සිදුවුණේ වෙනස්ම පෙරලියකි. ඒ අනුව මයික්‍රෝසොෆ්ට් සමාගම කුඩා කණ්ඩායම් වලින් මුදල් ලබා නොගෙන ආදායමක් උපයන විශාල ව්‍යාපාර වලින් මුදල් ලබා ගැනීම සිදුවේවි.
ඒ වගේම Enterprise Cloud හා Enterprise Server යන සේවාවන් දෙකම GitHub Enterprise විදිහට අලෙවි කරන්න වගේම GitHub Developer කියන නමත් ඉදිරියට GitHub Pro විදිහට වෙනස් කරන්නත් මයික්‍රෝසොෆ්ට් සමාගම තීරණය කරලා තියෙනවා.
කොහොම වුණත් කාටත් සාදාරණ වෙන විදිහට ගිට් හබ් එක වෙනසක් කරන්න මයික්‍රෝසොෆ්ට් සමාගමට හැකිවෙලා තියෙනවා. ඒ වගේම මේ වෙනස නිසා තව තවත් අය ගිට් හබ් වෙත ආකර්ෂණය වේවි.

January 6, 2019

ආර්ඩුඊනෝ පාඩම 1 : LCD තිරයක් එක්ක වැඩ

                             ආර්ඩුඊනෝ  ගැන මුල ඉඳලා අකුරෙන් අකුර කියල දෙන්න ගියොත් අලුත් දේවල් කියල දෙන්න ගොඩක් කල් යනවා. කොහොමත් ආඩුඊනෝ පටන් ගන්න හැටි, ඒ ගැන හැඳින්වීම් ලිපි  ඕනෙ තරම් හොයාගන්න පුළුවන්. ඒ නිසා මැද හරියකින් පටන් ගන්න හිතුවා. මේ ලිපිය ආඩුඊනෝ වලදී LCD තිරයක් භාවිතා කරන හැටි ගැනයි.

ඕනි කරන දේවල්

  • Arduino UNO x 1
  • 2x16 LCD x 1
  • 1K x 1
  • 220 ohm resistor x 1
  • 10K VR x 1
  • Breadboard (Project Bord)
  • Jump wire

2x16 LCD එක ගැන
              ආර්ඩුඊනෝ වලදී මේකට ගන්නේ Hitachi HD44780 කියන driver එකට (ඒ ගැන කලබල වෙන්න එපා ) ගැලපෙන LCD. මේ ප්‍රොජෙක්ට් එකට ගන්නෙ 2x16 LCD එකක් (ඒ කියන්නෙ කොටු 16යේ පේලි 2 ක් තියන ඩිස්ප්ලේ එකක්). මේ ඩිස්ප්ලේ එකට අග්‍ර 16ක් තියෙනවා. ඒ ගැන සරලව පහලින් තියෙනවා (මේක දැම්මෙ වැඩිදුර දැන ගන්න) .
 Pin No
 Function
 Name
1
Ground (0V)
Ground
2
Supply voltage; 5V (4.7V – 5.3V)
 Vcc
3
Contrast adjustment; through a variable resistor
 VEE
4
Selects command register when low; and data register when high
Register Select
5
Low to write to the register; High to read from the register
Read/write
6
Sends data to data pins when a high to low pulse is given
Enable
7
8-bit data pins
DB0
8
DB1
9
DB2
10
DB3
11
DB4
12
DB5
13
DB6
14
DB7
15
Backlight VCC (5V)
Led+
16
Backlight Ground (0V)
Led-

පරිපථය

         මේ විදිහට ප්‍රොජෙක්ට් බෝඩ් එකක උපාංඟ ටික එකලස් කරගන්න. 2x16 LCD ඩිස්ප්ලේ එකේ ඩේටා ෂීට් එක ඕනි නම් මෙතනින් ගිහින් ගන්න පුළුවන් ඒක.

වැඩසටහන

const int rs = 12, en = 11, d4 = 5, d5 = 4, d6 = 3, d7 = 2;

LiquidCrystal lcd(rs, en, d4, d5, d6, d7);

void setup() {
  // set up the LCD's number of columns and rows:
  lcd.begin(16, 2);
  // Print a message to the LCD.
  lcd.print("hello, world!");
}

void loop() {
  // set the cursor to column 0, line 1
  // (note: line 1 is the second row, since counting begins with 0):
  lcd.setCursor(0, 1);
  // print the number of seconds since reset:
  lcd.print(millis() / 1000);
}

              මේක තමයි LCD ඩිස්ප්ලේ එක වැඩ කරවන්න Arduino වල Run කරන්න පුළුවන් ලේසිම වැඩසටහන. Arduino IDE එක ඩවුන්ලෝඩ් කරගෙන නැත්නම් මෙන්න මෙතනින් ගිහින් online editor එකෙන් වැඩ කරන්න පුළුවන්.

                                            මේ වැඩසටහනේදි rs, en, d4, d5, d6, d7 විදිහට int veriable 6ක් තියෙනවා. ඒවායින් LCD එක වැඩකරන්න ඕනි signal යවන්න ඕනි Arduino bord එකේ අග්‍ර හදුන්වලා තියෙනවා. ඒ කියන්නේ උදාහරණයක් විදිහට LCD එකේ Enable පින් එකට bord එකේ 11 පින් එක en = 11 විදිහට තියෙනවා. ඊළඟට LiquidCrystal lcd() කියන Constructor එකට මේ veriable 6 පිළිවෙලින් RS pin on the LCD,RW pin on the LCD,enable pin on the LCD, Data pin1,Data pin2,Data pin3,Data pin4 විදිහට දෙන්න ඕනි.veriable 6ක් වෙනුවට ඕනි නම් මේක LiquidCrystal lcd(12, 11, 5, 4, 3, 2); කියලා ගන්නත් පුළුවන්.
                              void setup() කොටසේදි තියෙන පළවෙනි lcd.begin() කියන කොටසෙන් තිරයේ දත්ත පෙන්නන ඕනි පේලි ගණනයි තීරු ගණනයි තෝරන්න ඕනි { lcd.begin(cols, rows) }. මේ LCD එක 16x2 නිසා lcd.begin(16,2) විදිහට දෙන්න ඕනි. lcd.print() වලින් අපිට ඩිස්ප්ලේ කරන්න ඕනි දත්ත දෙන්න පුළුවන්. lcd.setCursor() කියන එකෙන් අපිට ඕනි තැනට cursor එක ගෙනියන්න පුලුවන්. { lcd.setCursor(cols, rows) } 
       මෙතන ලියලා තියෙන්නේ LCD එකෙන් කරන්න පුළුවන් බොහොම සරල වැඩක් විතරයි. මීට වඩා ගොඩක් වැඩ කරන්න පුළුවන්.ඒකට උනන්දුවක් වෙන විදිහට LCD එකෙන් දාන්න පුළුවන් වැඩක් තියෙන file එකක් දෙනවා. මේ ෆයිල් එක ඩවුන්ලෝඩ් කරලා Arduino එකට upload කරලා බලන්න කොහොමද කියලා. ගැටළු තියෙනවනම් අහන්න පුළුවන්.

  • ඩවුන්ලෝඩ් කරගන්න මෙතනින්- 2KB (zip file)

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.