June 30, 2019

ඇපල් සමාගමේ සැලසුම් නිර්මාණකරු ඉවත් වේ

                                          ඇපල් සමාගම දෘඩාංග නිර්මාණය කරන සමාගමක ලෙස ඉදිරියට එන්නට සමාගමේ ප්‍රධානියාව සිටි ස්ටීව් ජොබ් මෙන්ම තවත් එක් සුවිශේෂී මිනිසෙකුගේ සේවාවද ඉතා තදින් බලපෑවා. ඒ ඇපල් සමාගමේ ප්‍රධාන සැලසුම් නිර්මාණකරු වූ ජෝනතන් අයිව්. අවුරුදු 22 ඇපල් සමාගමට සේවය කල ඔහු ඇපල් සමාගමෙන් ඉවත්වන බව දන්වා තිබෙනවා.ඒ ඔහුගේම නිර්මාණ සැලසුම් ආයතනයක් ආරම්භ කිරීම සඳහායි.
                                                ලොව පුරා ජනප්‍රිය වූ ඇපල් නිෂ්පාදන වන iMac, iPod, iPhone, iPad, AirPods, හා Apple Watch පමණක් නොව Apple Park යන සියල්ලම සැලසුම් කිරීම සිදු වුණේ අයිව් ගේ මග පෙන්වීම යටතේයි. එම නිෂ්පාදන ඉතා වේගයෙන් ලොව පුරා විකිණී ගියේද අයිවු ඒවාට එක් කර තිබූ ඒවාටම ආවේණික හැඩයන් හා වර්ණයන් නිසාය. ඒ අතරින් මැක් පරිගණකය හා අයි ෆෝනය ප්‍රධාන තැනක් ගනු ලබයි.
USA Today
                                   අයිවු ඇපල් සමාගමෙන් ඉවත් වන්නේ තමාගේම සමාගමක් ආරම්භ කර සේවය සැලසීමටයි. ඇපල් සමාගම එහි ප්‍රධාන ගණුදෙනු කරුවා වනු ඇතියි. අයිවු ඉවත් වූවායින් පසු එම ධූරයට කවුරු පත් කරනවාදැයි තවම නිවැරදි අදහසක් ඇපල් සමාගම සතුවද නැත. ඇපල් සැලසුම් කණ්ඩායමේ සිටින නිර්මාණ සැලසුම් කරුවන් වන Evans Hankey ,Alan Dye, Jeff Williams යන අය දැනට මේ ස්ථානයේ සිටී.කෙටියෙන් කියයි නම් අයිවු ගේ වගකීම ගැනීමට තවම තනි පුද්ගලයකු පත් කර නැත.
Getty Images
                                   අයිවූ ගේ අලුත් සමාගම LoveFrom ලෙස හඳුන්වා ඇති අතර නිෂ්චිත දිනයක් නැතත් එය 2020 දී ඇරඹීමට නියමිත බව සඳහන්. අයිව් සමග මේ අලුත් සමාගම හදන්න ප්‍රසිද්ධ ගුවන් යානා, ගෘහ භාණ්ඩ හා ආභරණ නිෂ්පාදන සැලසුම් කරුවකු වන මාර්ක් නිව්සන් එක් වනු ඇතියි. ජෝනතන් අයිවු ගේ වැඩ ගැන මුලු කර්මාන්ත ක්ෂ්ත්‍රයම හොඳින් දන්නා නිසා ඔහුගේ සමාගමට ද ඉතා හොඳ පාරිභෝගිකයන් පිරිසක් එක්වනු ඇති බවට බොහෝ දෙනා කියයි. ඒත් සමගම මෙතෙක් දවසක් ඇපල් සමාගමෙන් එළියට පැමිණි අයිවු ගේ නිර්මාණ ඉදිරියේදී වෙනත් වෙනත් නිර්මාණ තුලින්ද අපට දැක ගැනීමේ හැකියාව ලැබෙනු ඇති.

June 24, 2019

අලුත් Raspberry Pi 4 !

                   Raspberry Pi Foundation විසින් සිය නවතම Raspberry Pi 4 උපාංගය හඳුන්වාදෙනු ලැබුවා. මෙය කලින් තිබූ Raspberry Pi 3 ට වඩා වැඩි දියුණු කල උපාංඟ ඇතුලත් කර වඩා බලසම්පන්න ලෙස නිර්මාණය කර තිබෙනවා.
                     Raspberry Pi 4 පරිගණකය 4GB  RAM එකක්, වේගවත් CPU එකක් හා GPU එකක්, Dual-band Wi-Fi,  HDMI output දෙකක් හා USB 3.0 දෙකකින් සමන්විතයි. මේ සියලු දේ සමග Raspberry Pi 4 උපාංගය $35 පමණ වෙන නිසා මෙය සාමන්‍ය desktop පරිගණකයක් ගන්නවාට වඩා ලාබදායි ද වෙනවා. එසේ වීමට හේතුව මෙය එදිනෙදා වැඩ කටයුතු කරන desktop පරිගණකයක් තරම්ම බලසම්පන්න වීමයි. ඒ අනුව එකවර Chrome web browser එකේ ටැබ් 15 ක් පමණ විවෘත කර වැඩ කර කිරීමට තරම් බලසම්පන්න බවක් මේ උපාංගයේ තිබෙනවා. ඒ සමග 4K වීඩියෝ වලටද නව Raspberry Pi 4 උපාංගය සහය දක්වන නිසා හොඳ විඩියෝ output එකක් ලබා ගැනීමට හැකියි.
පහත දැක්වෙන්නේ Raspberry Pi 4B හා Raspberry Pi 3 B+ උපාංගයේ දෘඩාංග විස්තරයි.

SpecRaspberry Pi 4 BRaspberry Pi 3 B+
CPU1.5-GHz, Quad-Core Broadcom BCM2711B0 (Cortex A-72)1.4-GHz, Quad Core Broadcom BCM2837B0  (Cortex A-53)
RAM1 - 4GB DDR41GB DDR2
GPU400 MHz VideoCore IV 500 MHz VideoCore VI
Video Outdual micro HDMI portssingle HDMI port
Max resolution4K 60 Hz + 1080p or 2x 4K 30 Hz2560 x 1600
USB Ports2x USB 3.0 / 2x USB 2.04x USB 2.0
Wired NetworkingGigabit Ethernet330 Mbps Ethernet
Wireless802.11ac (2.4 / 5 GHz), Bluetooth 5.0802.11ac (2.4 / 5 GHz), Bluetooth 4.1
Charging PortUSB Type-Cmicro USB
Power Requirement3A, 5V2.5A, 5V
Size3.5 x 2.3 x 0.76 inches (88 x 58 x 19.5mm)3.2 x 2.2 x 0.76 inches (82 x 56 x 19.5mm)
Weight0.1 pounds (46 grams)0.11 pounds (50 grams)

                             කෙසේ නමුත් මෙහි තවමත් අලුත් රාස්බියන් මෙහෙයුම් පද්ධතියේ ඇතැම් විශේෂාංග තවමත් හරිහැටි ක්‍රියාත්මක නොවෙන බවයි පැවසෙන්නේ. එය ඉදිරි සංස්කරණ වලදී නිවැරදි කර එවනු ඇති.  මෙහි දෘඩාංග ගැන වැඩි තොරතුරු tomshardware.com වෙබ් අඩවියෙන් ලබා ගැනීමට පුලුවන්.

June 15, 2019

VEGA අලුත් තතු!

                     100% අපේ රට තුලම නිපදවන මෝටර් රථයක් වෙන වේගා කාර් එක ගැන මීට කලින් ලිපි කිහිපයක්ම ගෙනාවා මතක ඇති. ඊට පස්සේ ඒ කාර් එක ගොඩනැගෙන හැටි ගැන වේගා ෆේස්බුක් පිටුවේ පළවුණු ෆොටෝ , වීඩියෝ එහෙමත් ලිපියක් විදිහට tech සයුරෙ පළකලා මතක ඇති.

                                           මේ කාර් එක ගැන කෙටි හැදින්වීමක් කරනවනම් මේක සම්පූර්ණයෙන් ලංකාව තුලම නිපදවන ඉලෙක්ට්‍රික් කාර් එකක්. අනෙක් ඉලෙක්ට්‍රික් කාර් වලින් මේක වෙනස් වෙන්න හේතුව තමයි මේක ඒවාට වඩා වේගවත් සුපිරි මෝටර් රථයක් වෙන වෙන එකයි. මේ කාර් එකට තත්:3.5 ඇතුලත 0 -> 60 mph වේගයකට ළඟාවෙන්න පුලුවන්. ඒ වගේම මේ  රථයට පැ.කි.මි 220 ක උපරිම වේගයක් ලබා ගන්න පුලුවන්. එක පාරක් චාර්ජ් කරලා කි.මි 220ක් යන්න පුලුවන්. ලංකාවෙ හදනවා කියන කොට සමහර අය පුදුම වේවි. ඒ තරමට හිත් ඇදගන්න පුලුවන් විදිහට මේ කාර් එක සැලසුම් කරලා තියෙනවා. ගොඩක් අය මේක කරන්න බැරි වැඩක් කියලත් කිව්වා. ඒත් අපේ ඉංජිනේරුවන්ගේ අවුරුදු ගණනක මහන්සියෙන් හා කැපවීමෙන් දැන් මේ සිහිනය සැබෑවක් වෙමින් පවතිනවා. මේ රූප වලින් දැක්වෙන්නෙ පිටත රූපය පමණයි. ඉදිරියේදී මෝටර් රථයේ ඇතුලත ඇති ඉන්ටීරියර් කොටසද දැක ගැනීමට හැකි වේවි.

මීට අමතරව ඔවුන් විසින්ම ඉලෙක්ට්‍රික් බවට පරිවර්ථනය කල මිනි කූපර් රථයක් ද තිබෙනවා.

What a performance on a little mini. Great work guys
Posted by Harsha Subasinghe on Friday, June 14, 2019

Posted by Harsha Subasinghe on Friday, May 3, 2019
(වැඩි දුර තොරතුරු සඳහා Vega Innovations ෆේස්බුක් පිටුවට යොමු වෙන්න)
(සියලු පින්තූර සහ වීඩියෝ Vega Innovations හා හර්ෂ සුබසිංහ මහතාගේ ෆේස්බුක් පිටුවලිනි)

Sri Lanka's first all-electric supercar: Vega
Sri Lanka is drawing the eyes of automobile lovers globally. Conceptualized by Harsha Subasinghe, the supercar Vega by Vega Innovations is an all-electric thrill machine. Find out more here. #PulseLK #livingit #beinformed #vega #supercar #vega #harshasubasinghe #lka
Posted by Pulse on Monday, July 23, 2018

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.