August 31, 2019

ට්විටර් අයිතිකරු ජැක් ඩෝසි ගේ ගිණුමට හැකර් ප්‍රහාරයක්!

                                                      ලෝක ප්‍රකට සමාජ ජාලයක් වන ට්විටර් සමාගමේ නිර්මාතෘ වන ජැක් ඩෝසි ගේ ට්විටර් ගිණුමට අද දිනයේ දී කිසියම් පුද්ගලයෙකු අනවසරයෙන් ඇතුලු වී තිබෙනවා.
                                                ගිණුමට ඇතුලු වූ මේ පුද්ගලයා ජැක් ඩෝසි ලෙස පෙනී සිටිමින් සුදුසු නොවන අන්දමේ ට්විට් විශාල ප්‍රමාණයක් පළ කොට තිබෙනවා. මේ බව දැනගත් වහාම එයට අවශ්‍ය ක්‍රියාමාර්ග ගෙන ගිණුමේ ආරක්ෂාව තහවුරු කිරීමට ට්විටර් සමාගම දැනටමත් පියවර ගෙන තිබෙනවා. ජැක් ඩෝසි ගේ ගිණුමේ මිලියන 4.2 පමණ අනුගාමිකයින් පිරිසක් සිටිනා ගිණුමක් නිසා වැරදි පණිවිඩයක් මගින් සිදුවිය හැකි හානිය ඉතා විශාලයි.
                                              මෙම සිදුවූයේ කෙසේද යන්න තවමත් ට්විටර් සමාගම අධ්‍ය‍යනය කරමින් සිටිනවා. කෙසේ වුවත් මෙම පණිවිඩ පැමිණ ඇත්තේ 2010 දී මිලදී ගත්, SMS හරහා ට්විට් පලකිරීමට හැකියාව ලබා දුන් Cloudhopper සේවාව හරහායි. එනම් මෙහිදී එම ගිණුමේ පාස්වර්ඩ් ලබා ගෙන ලොග් වී සිදුකල ක්‍රියාවක් නොවේ.
                                                    ට්විටර් ගිණුමක් හැකර් ප්‍රහාරයකට ලක්වූ ප්‍රථම අවස්ථාව මෙය නොවේ.ෆේස් බුක් ප්‍රධානී මාක් සකර්බර්ග් ගේ ට්විටර් ගිණුමද මීට පෙර අවස්ථාවකදී හැකර් ප්‍රහාරයකට ලක් වුණේ, ගිණුමක ආරක්ෂක උපක්‍රමයක් ලෙස භාවිත කරන two-factor authentication සක්‍රිය කර නොතිබීමත් ලෙහෙසියෙන් අනුමාන කල හැකි පාස්වර්ඩ් එකක් තිබූ නිසාය.
                                                        මේ අනුව මේ අනතුරට හේතුව ජැක් ඩෝසිගේ දුරකතන අංකය අයත්, දුරකතන සේවා සැපයුම්කරුගේ තිබූ ආරක්ෂක දුර්වලතාවක් බව දැනට හඳුනාගෙන ඇත. එනම් ජැක් ගේ අංකය ලෙස වෙනත් සිම් පතක් යොදාගෙන සිදුකල දෙයකි. මෙම ක්‍රමය  SIM swap scam ලෙස හඳුන්වනු ලබයි. කෙසේ වෙතත් මෙම දුරකතන සේවා සමාගම කුමක්ද යන්න තවමත් කියා නැත.
thehackernews.com
                                                        තමා භාවිතා කල සිම් පත් නිකරුනේ ඉවත නොදමන ලෙස පවසන්නේ මෙවැනි ආරක්ෂක දුර්වලතා වලට ඕනෑම කෙනෙකුට ලක්විය හැකි නිසාය. 

August 28, 2019

වායු දූෂණය වලකන්නට කෘතීම ගස් - Artificial trees

                                            මේ පෝස්ට් එක බලන අයගේ සීයලා, ආච්චිලා ඉන්නවනම් කියයි මේවා කවදා අහපු දේවල් ද කියලා. හරියට නිකන් අටුව කඩලා පුටුව හදනවා වගේ වැඩක්. ඒකට හේතුව පෝස්ට් එක කියෙව්වාම තේරේවි. ගසක් කියන්නෙ ජීවයේ පැවැත්මට වැදගත් මෙහෙයක් කරන පරිසර කොටසක්. පරිසරයේ වායු පීරිසිදු කරන්න ශාක කොටස් දායක වෙනවා කියලා කවුරුත් දන්නවා ඇති.
techxplorer.com
                                       ලෝකය පුරාම මිනිසුන් කරන වැඩ නිසා සිදුවෙන අධික පරිසර දූෂණය නිසා මිනිසාට පවා සිටිය නොහැකි තරම් සමහර නගර වල වායූ දූෂණයට ලක් වෙලා. ඉතිං මේ වායු පිරිසිදු කරන්න තරම් ගස් නගරයක නෑ. ගස් වවන්න ගියත් ඒක ලේසි නෑ. මේ ගැන හිතපු මෙක්සිකාවේ Biomitech නම් සමාගම අපූරු විසඳුමක් හදලා තියෙනවා. ඒ අහිතකර වායු උරාගන්නා Biourban කෘතීම ගසක්. මොවුන් කියන විදිහට මේ නිර්මාණය නිසා ගස් වැවෙන්න යන කාලය වගේම වැයවෙන ඉඩ ප්‍රමාණය යන දෙකම ඉතිරි වෙනවා කියලා (😐).
Fedge No
                                          මේ තාක්ෂණය Biomitech ලෙස හඳුන්වා තිබෙනවා. මේ Biourban ගස ලෝහයෙන් තැනූ අඩි 14 පමණ උස එකක්. ඒක ඇතුලෙ තියෙන ක්ෂුද්‍ර ඇල්ගී විශේෂයක් මගින් වාතයේ ඇති කාබන්ඩයොක්සයිඩ් හා අනෙක් අහිතකර වායු අවශෝෂණය කර පිරිසිදු ඔක්සිජන් වායුව පිට කරනවා.  වසර 2016 පටන් ගත්ත මේ ව්‍යාපෘතියේ කෘතීම ගස් 3 ක් මෙක්සිකෝවේ, කොලොම්බියාවේ හා පැනමාවෙ දැනට ස්ථාපනය කර තිබෙනවා. මෙක්සිකෝවෙ වෙනත් නගර සඳහා තවත් කෘතීම ගස් කිහිපයකට ඇනවුම් දැනටමත් ඔවුනට ලැබී තිබෙනවා.
                                             කෘතීම ගස් සිටුවීම තරමක් අමුතු වැඩක් වුවද ඉඩකඩ අඩු නගර වලට මෙය ඉතා ප්‍රයෝජනවත් වේ. ඉඩකඩ අඩු නගරවල ස්වාබාවික ගස් සිටුවනවාට වඩා මෙය ප්‍රායෝගික වේ. ලෝක සෞඛ්‍ය සංවිධානයට අනුව ලොව පුරා මිලියන 7 ක පමණ පිරිසක් විෂ වායු වලට නිරාවරණය වීමෙන් මරණයට පත්වේ. එය ලොව පුරා සිදුවන රිය අනතුරු වලින් සිදුවන මරණ ප්‍රමාණය මෙන් 7 ගුණයකි! Biourban ගසක මිල ඩොලර් 50,000 ක් පමණ වේ.
veme.digital
                                           Biourban කෘතීම ගස් සංස්කරණ කිහිපයකින් නිර්මාණය කර ඇති අතර පහතින් දක්වා ඇත්තේ Biourban 2.0 හි විශේෂතායි.


Purification
Capture capacity: 13, 140,000 m3 of air / annual
Volume of purification: 975.2 kg / year
Flow of air flow: 3,000 m3 / h
Particle Capture PM 2.5 and 10: Filters up to 99.7%
Equivalent to the breath of people per day: 2,850 people
Equivalent to the release of O2 from young trees: 368 trees


වැඩි විස්තර : http://biomitech.com/en/solutions/
                                                 
                                                     දැන් ලෝකයේ සීග්‍රයෙන් පරිසර දූෂණය වැඩි වෙනවා. ලෝකයේ තියෙන වනාන්තර විනාශ වීම, වායු දූෂණය නිසා ගෝලීය උණුසුම ඉහල ගොස් ග්ලැසියර් දියවීමට පටන් අරගෙන. ඉතින් ඉදිරියේදී කෘතීම ගස්, කෘතීම ඔක්සිජන් මත යැපෙන කාලයක් ඉදිරියට උදාවේවි ද?

August 24, 2019

කෘතිම බුද්ධියෙන් බල ගැන්වෙන ඇමරිකාවෙ මිසයිල

                                                        කෘතිම බුද්ධිය එහෙම නැත්නම් A.I තාක්ෂණය මගින් ක්‍රියාත්මක මෙවලම් මගින් අපි දැන් බොහෝ පහසුකම් අත්විඳිනවා. ඒත් ඒ හැමදේම බොහොම සාමකාමී ඒවා. ඒත් මේ තාක්ෂණය යුධ උපකරණ වලට ලැබුනෝතින්?
popularmechanics.com
                                  ඇමරිකාවේ යුධ හමුදාව තම මිසයිල පද්ධතියට A.I තාක්ෂණය සම්බන්ධ කිරීමට සැරසෙනවා. එමගින් ඔවුන් අපේක්ශා කරන්නේ මිනිස් මැදිහත් වීමකින් තොරව ඉලක්ක ලබා ගැනීමේ හැකියාව එම ආයුධ වලට ලබා දීමයි. දැනටමත් යොදාගන්නා අධෝරක්ත කිරණ සංවේදක මගින් උපරිම දුර මීටර් 200 කට සීමා වේ. C-DAEM (Cannon-Delivered Area Effects Munition) ලෙස හඳුන්වන තාක්ෂණය දියුණුවක් ලෙස ඉන් ඔබ්බට ඇති ඉලක්ක ලබා ගැනීම අරමුණයි. ප්‍රධාන වශයෙන් මෙමගින් සන්නාහ සන්නද්ද රථ හා අවිනිශ්චිත ඉලක්ක ලබා ගැනීම අරමුණයි. වසර 2021 වනවිට මෙහි මූලික සැකසුමක් නිර්මාණය කර එළිදැක්වීම ඔවුන් අපේක්ෂා කර තිබේ.
                                     මේ තාක්ෂණය, මිනිසෙකු විසින් ලකුණු කරනා ලේසර් ඉලක්ක වලට වඩා නිවැරදි බවකින් යුක්ත වන අතර සතුරන් හා සාමාන්‍ය වැසියන් සිටිනා ස්ථානයකින් සාමාන්‍ය වැසියන් හා සතුරන් වෙන් කර හඳුනාගෙන සතුරන්ට පමණක් පහර දීමේ හැකියාව මෙයට පවතී.
                                        මෙය සාර්ථක වුවහොත් දිගු  දැනට පවතින පරාසයක ඉලක්ක වෙත එක දිගට ප්‍රහාර එල්ල කිරීමට යොදාගනු ලබන cluster warheads (පොකුරු යුධ අවි ??) වෙනුවට යොදාගනු ඇත.
                                             මෙම තාක්ෂණය නිෂ්චිතවම යුද බිම් වලට අනුගතකරන දිනයක් තවමත් ප්‍රකාශ කර නැත. මෙය කෘතිම බුද්ධියේ දියුණුවත් සමග එහි පවතින විශ්වාසනීය බව හා නිවැරදි බව ගැන ඇති විශ්වාසය පිළිබඳ මනා උදාහරණයකි. කෙසේ වුවත්  කෘතිම බුද්ධිය යුධ උපකරණ වලට යොදා ගැනීම දෙවරක් සිතිය යුතු කරුණකි. මන්ද මෙවැනි තාක්ෂණයක් සතුරන් අතට පත්වුවහොත් සිදුවන්නේ නොසිතූ විපතකි.

August 17, 2019

දැවැන්ත Bluetooth ආරක්ෂක දෝෂයක් හමුවේ!

                         ලොව පුරා ඇති Bluetooth උපාංඟ මිලියන ගණනකට බලපාන බලවත් ආරක්ෂක දෝෂයක් සොයා ගැනිමට පරික්ෂකයන්ට හැකිවී තිබෙනවා. 
                         මේ දෝෂය සොයාගෙන තිබෙන්නෙ ජර්මනියේ Helmholtz Center for Information Security (Center for IT-Security, Privacy, and Accountability-CISPA) නම් පරිගණක ආරක්ෂණ ආයතනයේ පිරිසක් විසිනි. මේ ආරක්ෂක දෝෂයේදී උපාංඟ දෙකක් සම්බන්ද වීමට උත්සහ කරන අවස්ථාවේදී කෙනෙකුට එහි ඇති ආරක්ෂක උපක්‍රම මගහරිමින් කිසිවෙකුට නොදැනෙන ලෙස ඒ උපාංඟ දෙක අතරට සම්බන්ධ විය හැකිය. ඉන් පසු ඒ Bluetooth සබඳතාව හරහා හුවමාරු වන  ශබ්ධ, කී බෝර්ඩ් එකකින් ටයිප් කරන වචන පවා හැකර් කරුට ලබාගත හැකිය. මේ දෝෂය හටගන්නේ උපාංඟ දෙකක් අතර සන්නිවේදනය පටන්ගන්නා අවස්ථාවේදී නිසා පරීක්ෂකයින්  මෙය KNOB  (Key Negotiation of Bluetooth) ලෙස නම් කර ඇත.
                        පරික්ෂකයන්  තවදුරටත් පවසා සිටියේ මෙය පරිශීලකයන්ගේ දත්ත වලට බලපෑම් කල හැකි දැවැන්ත ආරක්ෂක දෝෂයක් බවයි. එමෙන්ම වසර 20 ක් පමණ භාවිතා වූ මෙවැනි තාක්ෂණයක මෙතරම් දැවැන්ත දෝෂයක් තිබීම ඔවුන්ටද අදහාගත නොහැකි බව පවසා තිබේ. මේ පිළිබඳ බ්ලූටූත් තාක්ෂණයේ ප්‍රමිතීන් පිළිබඳ වගකීම දරණ Bluetooth SIG ආයතනය දැනුවත් කර ඇති අතර එම දෝෂය නිවැරදි කිරීමට අදාල උපදෙස් දැනටමත් බ්ලූටූත් උපාංඟ නිෂ්පාදනය කරන  Intel, Broadcom, Apple, හා Qualcomm වැනි ආයතන වෙත ලබා දී ඇත.
                           මෙම දෝෂයේදී තමන් භාවිතා කරන උපාංඟයෙන් කෙනෙකුන් තොරතුරු සොරකම් කරනවාද යන වග හඳුනාගැනීමටද අපහසු නිසා පරීක්ෂකයන් පවසන්නේ හැකි ඉක්මනින් තමන් ලඟ ඇති බ්ලූටූත් උපාංඟ වල මෘදුකාංඟ අලුත් සංස්කරණ වෙත Update කරගන්නා ලෙසයි.

August 14, 2019

හිරු එලියෙන් දුවන්න යන ඉන්දියාවේ කෝච්චි

                                        ඉන්දියාවෙ කෝච්චි කිව්වාම මතක් වෙන්නෙ තියෙන ඉඩ මදිව වහෙලයි, ඇන්ජිමෙයි මිනිස්සු එල්ලිලා යන ඒවා නේ.  ඉතින් දැන් ඉන්දියාව හදන්නෙ මේ කෝච්චි පරිසර හිතකාමී විදිහට සූර්‍ය කෝෂ වලින්, සුලං විදුලි බලාගාර වලින් නිපදවන විදුලිය භාවිතා කරලා දුවන්න. එය සාර්ථක වුනෝතින් සම්පූරණයෙන් පුනර්ජන්නීය බලයෙන් ක්‍රියාත්මක වන දුම්රිය පද්ධතියක් ඇති පළමු රට ඉන්දියාව වනු ඇති.
1010uk.org
                       ඉන්දියාවේ දුම්රිය පද්ධතියට වැයවෙන විදුලි බලය එරට විදුලි නිෂ්පාදනයෙන් 2.4% ක්. ඉන්දියාවෙ රජය සැලසුම් කර තියෙන්නෙ අවුරුදු 10 ක් ඇතුලත මේ ඉලක්කය වෙත ලඟා වෙන්නයි. ඒ වෙනුවෙන් වෙන් කරන මුදල ඉන්දියානු රුපියල් කෝටි 18,000 ක්.  හෙක්ටයාර 51,000 පුරාවට ඉදිකරන සූර්‍යකෝෂ පද්ධතියෙන් ගිගා වොට් 30 ක විදුලියක් නිපදවීමට බලාපොරොත්තුව සිටිනවා. එමගින් දැනට ඩීසල් විදුලි බලාගාර වලින් දුම්රිය පද්ධතියට ලබාගන්නා විදුලිය වෙනුවට භාවිතා කල හැකි වනු ඇත. පරිසරයට අති දැවැන්ත ලෙස කාබන් ඩයොසයිඩ් එකතුවන ප්‍රධාන ක්‍රමයක් වන්නේ මේ ඩීසල් විදුලි බලාගාරයි.
                                             දැනටමත් ඔවුන් විසින් ගිගා වොට් 1 ක සූර්‍ය කෝෂ පද්ධතියක් හා මෙගා වොට් 300 ක සුලං විදුලි බලාගාරයක් ඉදිකිරීම ආරම්භ කර තිබේ. වසර 2025 වන විට සූර්‍යකෝෂ පද්ධතියෙ ධාරිතාව මෙගා වොට් 5 දක්වා වැඩි කිරීම ඔවුන්ගේ බලාපොරොත්තුවයි. මීට අමතරව ගමන් ගන්නා දුම්රියන්ගේ ෆෑන්, ලයිට් හා අනෙකුත් විදුලි උපකරණ වල අවශ්‍යතාව සපිරීමට එම දුම්රිය මත ද සූර්‍ර්ය කෝෂ පද්ධති සවිකිරීමට යයි. දැනටමත් එසේ සවි කර ක්‍රියාත්මක වන දුම්රිය කීපයක් ඉන්දියාව තුල ක්‍රියාත්මකයි.
inhabitat.com
                                            ඉන්දියානු රජයේ ක්‍රියාත්මක වන පරිසර හිතකාමී පුණර්ජනනීය බලශක්ති යොදා ගැනීම යටතේ වසර 2022 වන විට සූර්‍ර්ය ශක්තියෙන් ගිගා වොට් 100 ක් ද, සුළං බලයෙන් ගිගා වොට් 75 ක් ද නිෂ්පාදනය කිරීම අරමුණයි. 2040 වන විට මෙමගින් නිපදවන මුලු විදුලි බලය ගිගාවොට් 384 වනු ඇත. මේ ව්‍යාපෘතියේ ප්‍රධාන අරමුණක් වන්නේ පරිසරයට හරිතාගාර වායූන් වැනි අහිතකර වායූ එකතු වීම වැලකීමයි.
                                              සූර්‍ර්ය ශක්තියෙන් විදුලිය නිපදවන රටවල් අතරින් ඉන්දියාව ලෝකයෙ දෙවන ස්ථානයේ පසුවෙයි. පලවෙනි ස්ථානයේ සිටින්නේ චිලී රාජ්‍ය‍යයි.
                                                

August 13, 2019

IBM කතාව

                                              International Business Machines Corporation නැත්නම් IBM කියලා කිව්වම අද පරිගණක ක්ෂේශ්ත්‍රයේ නොදන්න කෙනෙක් නැති තරම්. අද අපි භාවිතා කරන පරිගණකයේ ඉතිහාසය දිවෙන තරම්ම දුරක් මේ IBM සමාගමටත් තියෙනවා. ඉතින් අද ලිපිය IBM සමාගම ගැනයි.
ආරම්භය
                 IBM සමාගම ආරම්භවෙන්නේ 1911 දී Tabulating Machine Company, International Time Recording Company හා Computing Scale Company සමාගම් 3 ක එකතු වීමක් විදිහටයි. ඒ  Computing-Tabulating-Recording Company යන නම සහිතව Thomas J. Watson ගේ ප්‍රධානත්වයෙන් යුතුවයි.
Thomas J. Watson
                  වසර 1914 දී මේ නම දැන් කවුරුත් දන්නා International Business Machines Corporation (IBM) ලෙස වෙනස් කෙරුණා.කොහොම වුණත්  සමාගමේ මුල්ම වෙළඳාම වුණේ පරිගණක විකිණීම නම් නෙවෙයි. පුද්ගලික පරිගණක ජනප්‍රිය නැති ඒ කාලේ වෙනත් ආයතන වලට අවශ්‍ය සිදුරු පත් (punch card) හා ඒවා වගු ගත කරන යන්ත්‍ර්‍ර (tabulators)  විකීණීම ඔවුන්ගේ අරමුණ වුණා. ඒත් එක්කම ඔවුන්ගේම පරීක්ෂණ සිදු කිරීමේ ඒකකයක් (R&D) ද ඒත් සමගම ඔවුන් පවත්වාගෙන ගියා.
පරිගණක වෙත
              වසර 1930 දී IBM සමාගම විසින් ඔවුන්ගේ සිදුරු පත් තාක්ෂණය උපයෝගී කර ගනිමින් ගණක යන්ත්‍ර (calculators) නිර්මාණය කරන්න පටන්ගන්නවා. එම පරික්ෂණ වල ප්‍රතිපලයක් ලෙස 1944 දී හාවඩ් විශ්වවිද්‍යාලය ද සමග එක්ව Mark 1 නිපදවනු ලබනවා. එය ලොව ප්‍රථම විද්‍යුත් යාන්ත්‍රික පරිගණකයයි.  Mark 1 ක්‍රියාත්මක වුණේ සිදුරු පත් හා රිලේ ස්විච මගින් වන අතර ටොන් 50 ක් පමණ බර විය. අවු:15 ක් පමණ මෙය භාවිතයේ පැවතුනි.
             වසර 1953 වන විට IBM සමාගම පූර්ණ වශෙයෙන් පරිගණක නිපදවිය හැකි සමාගමක් බවට පත්ව තිබුණා. ඒ අනුව යමින් වාණිජ වශෙයෙන් සාර්ථක වූ ඔවුන්ගේ පළමු පරිගණකය  IBM 701 EDPM නිපදවූවා.

පුද්ගලික පරිගණක නිපදවීම (PC)
               වසර 1980 දී මයික්‍රෝසොෆ්ට් සමාගමේ හිමිකරු වන බිල් ගේට්ස් හට IBM සමාගම අලුත් වැඩක් පවරණවා. ඒ ඔවුන්ගේ පරිගණකය සඳහා මෙහෙයුම් පද්ධතිය ලිවීමට. එය බිල් ගේට්ස් වගේම මයික්‍රෝසොෆ්ට් සමාගමේද හැරවුම් ලක්ෂයක් බවට පත්වුණා. ඒ අනුව සිය පළමු පුද්ගල පරිගණකය 4.77 MHz වේගයක් ඇතිව Intel 8088 ප්‍රොසෙසරයද සහිතව 1981 දී වෙළඳපොළට එක් කරනවා.
                 එයින් පටන් ගත් ගමන අද වන විට දෘඩාංඟ, මෘදුකාංඟ පමණක් නොව කෘතිම බුද්ධි වැඩසටහන් මගින් ද කර්මාන්ත සඳහා සේවා සපයන්නෙකු බවට පත්ව සිටී. 

August 9, 2019

HarmonyOS - හුවාවි අලුත් OS එක!

                                            ඇමරිකානු රජය විසින්, ඇමරිකාව විසින් හුවාවි සමාගම වෙත සපයන සේවාවලට මීට ටික කලකට කලින් වාරණයක් දැම්මා. ටික කලකට පස්සේ හුවාවි වාරණය ඉවත් කරනු ලැබුවාත් මතක ඇති. ඒත් වාරණය එල්ලවුණු වෙලාවෙ හුවාවි සමාගමට එල්ල වුණ ලොකුම ප්‍රශ්ණයක් වුණේ ගූගල් ඇන්ඩ්‍රොයිඩ් මෙහෙයුම් පද්ධතියේ බලපත්‍රය අහෝසි කිරීමයි. ඒ නිසා හුවාවි විසින් අලුත් මෙහෙයුම් පද්ධතියක් Hongmeng OS නමින් එන බවට කියවුණා. දැන්  හුවාවි සමාගම මේ අලුත් මෙහෙයුම් පද්ධතිය HarmonyOS නමින් එළිදක්වනු ලැබුවා.
androidcentral
                       HarmonyOS මෙහෙයුම් පද්ධතිය Huawei Developer Conference 2019 දී එළිදක්වනු ලබමින් ඔවුන් කියා සිටියේ මෙය ඇන්ඩ්‍රොයිඩ් වලට වඩා වේගවත් සේම ආරක්ෂාකාරී බවයි. ප්‍රධාන වශයෙන් IoT නිෂ්පාදන (smart displays, wearables, smart speakers and in-car device) ඉලක්ක කරමින් HarmonyOS නිර්මාණය කර තිබේ. ඇන්ඩ්‍රොයිඩ් සහය ලබා දීම නවතා දැමුවහොත් එතැන් පටන් HarmonyOS තම ජංගම දුරකතන වලට ඇතුලත් කල හැකි බව ඔවුන් තව දුරටත් කියා සිටියා.
forbes
                                    HarmonyOS එක microkernel පාදක open source මෙහෙයුම් පද්ධතියක්. මෙය ඉදිරියට පැමිණිමට නියමිත microkernel පාදක Google Fuchsia OS ටද තරඟයක් වනු ඇත. මේ අලුත් microkernel නිර්මිතයට අනුව HarmonyOS හි ආරක්ෂක පියවරක් ලෙස root ප්‍රවේශය ලබා නොදෙනු ඇත.තවද සාමාන්‍ය මෙහෙයුම් පද්ධති වල ඇති verification ක්‍රම වලට එහා ගිය නව verification ක්‍රම මගින් HarmonyOS හි ආරක්ෂාව වැඩි කර ඇත. Deterministic Latency Engine නම් ක්‍රමවේදයක් මගින් පද්ධතියේ ඇති සම්පත් real time  ලෙස මනාව කළමණාකරනය කල හැකියාව ඇත. Inter Process Communication ක්‍රමවේදය මගින් microkernel එක හා external kernel එක අතර වේගවත් ලෙස දත්ත හුවමාරු කිරීමේ හැකියාව ඇති කර තිබේ. ඒ අනුව පෙර කී Google Fuchsia OS එකට වඩා HarmonyOS එක 5 ගුණයක් වේගවත් බවයි හුවාව් සමාගම පවසන්නේ.
pocketnow
                                            එසේම හුවාවි සමාගමේ ARK compiler එක මගින් මෘදුකාංඟ නිර්මාපකයන් හට ඇන්ඩ්‍රොයිඩ් සඳහා නිපදවූ ඇප්, අලුත් HarmonyOS සඳහාද යොදා ගත හැක. ඒ නිසා දැනට ඇති ඇන්ඩ්‍රොයිඩ් ඇප් ද ගැටලුවකින් තොරව, සමහර විට ඊටත් වඩා වේගවත්ව HarmonyOS තුල ක්‍රියාත්මක වනු ඇතී.
                                                 හුවාවි යනු දැනට ලොව දෙවනියට විශාලතම ජංගම දුරකතන නිපදවන සමාගමයි. ඉදිරියේදී එය එක වීමටද බොහෝ ඉඩ ඇති බව විචාරකයන් පවසයි. ඉතින් ඇමරිකාව පැනවූ වාරණයට හොඳ උත්තරයකට වඩා HarmonyOS එක කණේ පහරක් ද විය හැක!

August 5, 2019

ඉංජිනේරු තාක්ෂණය PDF

                      A/L වලට ඉංජිනේරු තාක්ෂණයෙන් කරන අයට වැදගත් වෙන E-Book (PDF) කිහිපයක් පහලින් download කරගන්න පුළුවන්. මේ හැම පොතක්ම අධ්‍යාපන අමාත්‍යංශයෙන් නිකුත් කරපු පොත් වල Scan කරන ලද පිටපත්.

  • තාක්ෂණවේදය හැදින්වීම සහ මූලික විදුලි තාක්ෂණවේදය.(Introduction & Electricity) - 70MB
  • මූලික ස්වයංචල තාක්ෂණවේදය.(Basic Automobile Technology) - 29MB
  • ගොඩනැගිලි තාක්ෂණවේදය, ගෘහස්ත ජල සම්පාදනය සහ කසල අපවහනය. (Civil) - 90MB
  • ව්‍යවසායකත්වය හා කලමනාකරණය. (Entrepreneurship & Management) - 47MB
  • බිම් මැනුම්. (Land Surveying) - 67MB
  • ඉංජිනේරු ඇදීම්. (Drawing) - 20MB
  • විදුලි යන්ත්‍ර සහ බල පද්ධති. (Electrical Machines & Power Systems) - 29MB
  • මූලික ඉලෙක්ට්‍රොනික තාක්ෂණවේදය. (General Electronic Technology) - 73MB

August 3, 2019

ලැප්ටොප් සමවන Tab S6

                                        ඩෙස්ක්ටොප් වලින් ලැප්ටොප් වලට වෙනස් වුණ අයට ඔන්න දැන් ටැබ් වලට වෙනස් වෙන්න පුළුවන්කම ලැබිලා. Samsung Galaxy Tab S4 වලින් පස්සෙ Galaxy Tab S5 එකක් එන්නෙ නැති බවට සැම්සුන් සමාගම කියලා තිබුණා. ඉතින් මේ තියෙන්නෙ  අලුත් Samsung Galaxy Tab S6 වල විස්තරයයි.
➤ නිමාව හා ඩිස්ප්ලේ එක
NDTV Gadgets
                             Samsung Galaxy Tab S6 එකට අඟල් 10.5 ක Super AMOLED තිරයක් ( 2560x1600 resolution) තියෙනවා. ඒත් එක්කම පිටුපසට කලීන් තිබුණ glass back එක වෙනුවට ඇලුමිනියම් නිමාවක් දීලා තියෙනවා. ඒ නිසා අතපසු වීමකදී පිටුපස බිඳී යාම ඉන් බොහෝදුරට වැලකී යනවා. කලින් තිබුණ ටැබ් වල S Pen එක රඳවන්න හරියට තැනක් නොතිබුණත්, Tab S6 දී කැමරාවට පහලින් රඳවා තබන්න පුළුවන් විදිහට හදලා තියෙනවා. ඒ තැනින්ම S Pen එක wireless විදිහට චාර්ජ් කර ගන්නත් පුළුවන්.
Cnet
                            ඒත් එක්කම optical fingerprint sensor එකක් එක්ක face unlock එකත් Galaxy Tab S6 එකත් එක්ක ඇවිල්ලා තියෙනවා. Dolby Atmos සහය ඇති quad-speaker පද්ධතියක් තියෙන Tab S6 එකේ audio tune කරලා තියෙන්නෙ AKG. කොහොම වුණත් 3.5mm headphone jack එක නම් මේකට එන්නෙ නෑ. ඒ වෙනුවට Type-C port එකෙන් ඇඩැප්ටරයක් මගින් headphone භාවිතා කරන්න වෙනවා.

අලුත් වුණු KeyBoard එක
Slashgear
                           සැම්සුන් ටැබ් එකට ආපු Book Cover Keyboard එකට කලින් නොතිබුණ අංඟයක් වෙන Laptop වල තියෙනවා වගේ track pad එකක් එක්ක කී බෝඩ් කවර් එක හදලා තියෙනවා. ඉතිං මේ හින්දා ටැබ් එක දිගෑරලා කී බෝඩ් එක හයි කරත්තට පස්සේ, හරියට ලැප්ටොප් එකක් වගේම තමයි. Mobile OS එකකයි Desktop OS එකකයි තියෙන ඉන්ටෆේස් වෙනස නිසා ටැබ් එකක වැඩ කරනකොට දැනෙන්නෙ වෙන්ස් විදිහට. ඒක නිසා අලුත් Android 9 Pie OS එක තියෙන Galaxy Tab S6 එකේ DeX කියන feature එක තියෙන්නෙ. ඒකට වෙන් වුණු key එකකුත් මේ කී බෝඩ් එකේ තියෙනවා. DeX නිසා ටැබ් එකේ පහසුවෙන් ඩෙස්ක්ටොප් එකක වගේ වැඩ කරන්නත් multi tasking කරන්නත් පුළුවන් කම ලැබිලා තියෙනවා. කොහොම වුණත් මේ Book Cover Keyboard එක වෙනම තමයි ගන්න තියෙන්නෙ. ඒක ටැබ් එකට කාන්දම් අධාරයෙන් සම්බන්ඳ වෙනවා. එතකොට ටැබ් එකේ බැක් කවර් එක ස්ටෑන්ඩ් එකක් විදිහට භාවිතා කරන්න පුළුවන්.

බැටරිය,ප්‍රොසෙසරය හා කැමරා
soyacincau
                   ඇන්ඩ්‍රොයිඩ් ඩිවයිස් වලට 2019 වසරේ නම් දරාපු අලුත්ම Qualcomm Snapdragon 855 ප්‍රොසෙසරයෙන් තමයි මේ ටැබ් එක වැඩ කරන්නේ. රැම් එක 6 GB හා මතකය 128 GB විදිහටත් රැම් 8 GB හා මතකය 256 GB විදිහට වර්ග දෙකකින් මේ Samsung Galaxy Tab S6 එක ගන්න පුළුවන්. MicroSD එකෙන් තව මතකය වැඩිකරගන්න පුළුවන්. කලින් Tab S4 එකේ බැටරියට වඩා නම් Tab S6 එකේ බැටරියේ ධාරිතාව අඩුවෙන් තමයි ඇවිත් තියෙන්නෙ. ඒ අනුව කලින් Tab S4 එකේ පැය 16 ක් දක්වා වැඩ කිරීමට පුළුවන්කම තිබුණු 7300 mAh බැටරිය වෙනුවට, පැය 15 ක ක්‍රියාකාරි කාලයක් තියෙන 7040 mAh බැටරියක් අලුත් Tab S6 එකේ තියෙන්නෙ. කැමරා ගැන බැලුවොත් ඉදිරිපස 8 megapixel කැමරාවකුත්, පිටුපස 5-megapixel , 13-megapixel 1230 wide angle dual camera ද දකින්න ලැබෙනවා. ඒ නිසා 4K හා 8K වීඩියෝ Galaxy Tab S6 එකේ තියෙනවා.

විශේෂතා
         Samsung Galaxy Tab S6 එක අලුත් Android 9 Pie හා Samsung’s One UI සමග පැමිණෙනවා. ඒ වගේම S Pen එකට බ්ලූටූත් සම්බන්දය ඇති නිසා, දුරස්ථ පාලකයක් විදිහට සෙල්ෆි ගැනීමට, වීඩියෝ මෙන්ම ස්ක්‍රෝල් කිරීමටද මීටර් 10 ක පමණ දුරක් දක්වා යොදා ගන්න පුළුවන්. මේ පහසුකම Air Actions ලෙස හඳුන්වනු ලබනවා. S Pen එකේ තියෙන බට්න් එක ආධාරයෙන්, කැමාරා මොඩ් එක වෙනස් කිරීම ආදිය කරන්නත් පුළුවන්.
Laptop mag
         කලින් කිව්වා වගේම හොඳින් වැඩ කල හැකි පරිදි DeX ද දියුණු කරලා තියෙනවා. Speaking optimizations, අලුත් Game Booster එක , AI යෙදවුම් ඉතා හොඳින් Galaxy Tab S6 දී දියුණු කර තිබෙනවා.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.