July 27, 2019

ඇපල් විසින් ඉන්ටෙල් මොඩම් වෙළඳාම මිලදී ගනියි

                                ඇපල් සමාගම විසින් ඩොලර් බ්ලියන එකක් ගෙවා ඉන්ටෙල් සමාගමේ මොඩම් වෙළඳාමේ වැඩි ගණනක් කොටස් මිළදී ගැනීමේ එකඟතාවකට පැමිණ තිබෙනවා. ඒ සමගම මෙතෙක් කල් ඉන්ටෙල් වෙත සේවය කල සේවකයන් 2,200 ක් හා අනෙකුත් IP උපාංඟ, පේටන්ට් බලපත්‍ර භාවිතා කිරීමේ බලය ඇපල් සමාගමට ලැබෙනවා. මේ ගනුදෙනුව මේ අවුරුද්දේ අවසානයේ නිම කිරීමට නියමිතයි.
                                  මීට පෙර ඇපල් සමාගම භාවිතා කලේ ක්වාලකොම් මොඩම් උවත් සමාගම් දෙක අතර කලක පටන් පැවතුන මත බේද නිසා ඇපල් සමාගමට තමන්ගේම මොඩම් චිප් නිෂ්පාදනයක අවශ්‍යතාව දැනෙමින් තිබුණා. දැන් ඔවුන්ට, ඇපල් දුරකතන සඳහා ඔවුන්ගේම 5G මොඩම් උපාංඟ ඇතුලත් කර නිෂ්පාදන කිරීමේ හැකියාව ලැබෙනවා.
                     මේ ගිවිසුම නිසා ඉන්ටෙල් හට ඔවුන්ගේ මුලු කොටසම අහිමි නොවන අතර ඉදිරියටත් දුරකතන හැර පරිගණක, IoT උපාංඟ, ස්වයං ධාවන රථ සඳහා මොඩම් නිපදවීමේ හැකියාව පවතිනවා.
                               මේ ගිවිසුමත් එක්ක ඇපල් සමාගමට ඔවුන්ට රිසි පරිදි මොඩම් නිපදවීමේ හැකියාව ලැබෙනවා. එසේම නව පහසුකම් හා යෙදුම් එකතු කරමින් මේ මොඩම් උපාංඟ නිපදවන්නටත් ඉන් හැකි වෙනවා. කලින් භාවිතා කල ක්වාලකොම් මොඩම් සඳහා ඔවුන් අසාධාරණ ලෙස පේටන්ට් ගාස්තු අයකිරීම නිසා ඇපල් සමාගම හා ක්වාලකොම් සමාගම අතර තිබුණේ එතරම් හොඳ සබඳතාවක් නොවේ. කෙසේ උවත් ක්වාලකොම් චිප් වලට වඩා ඉන්ටෙල් සමාගමේ චිප් කාර්‍යක්ෂමතාව අතින් සිටින්නේ පිටුපසිනි. iPhoneX සඳහා මේ දෙවර්ගයේම මොඩම් භාවිතා කල අවස්තාවේදී, ක්වාලකොම් චිප් වලට වඩා ඉන්ටෙල් චිප් තරමක් මන්දගාමී බව ඇතැම් වාර්ථා වලින් පවා පෙන්වා දී තිබුණා. නමුත් ඇපල් යනු ලොව නම් දරා සිටින උපාංඟ නිෂ්පාදන සමාගමක් නිසා ඔවුන් ගේ මේ ඉදිරි පියවර ඉතා හොඳ එකක් වේවි.

රැම් ස්ටූඩියෝ, වේගා, භාෂා තව...

                                                           ලංකාවෙ කොල්ලො ටික දෙනෙක් එකතු වෙලා RAM Studio වලින් හදපු අලුත්ම ගේම් එක තමයි Extraction Valley කියන්නේ. මේක විශේෂත්වය තමයි multiplayer game එකක් වීමයි. 
 
                ඉතිං මේ ගේම් එක ගැන වැඩි විස්තර පහල තියෙන pcguidelk එකෙන් කරපු වීඩියෝ එකෙන් බලාගන්න පුළුවන්.


                මීට කලිනුත් මේ වගේ ගේම් හදපු ඒවා තිබුණා මතක ඇති. කංචායුධ ඉස්සරහට එන්න තියෙන නීරෝ වගේ Arimac සමාගමෙන් නිර්මාණය කරපු ගේම් එහෙමත් අපිට අමතක කරන්න බෑ. මේ වගේම තව වේගා කාර් එක, භාෂා සමාගම වගේ අද ලෝකයට ගැලපෙන නිර්මාණ කරන්න උපන් හපන්කම් තියෙන මිනිස්සු ඕනෙ තරම් අපේ ලංකාවෙ ඉන්නවා. ඒත් මේ ඒ අයටම ගැලපෙන රටක් ද?
               රුපියල් ලක්ෂ නවයකට කාර් එකක් හදපු කෙනෙක් ගැන ෆේස්බුක් එකෙන් යූ ටියුබ් එකෙන් දකින්න ඇති. ඒත් ඒ කෙනාට ඒ වාහනේ නිෂ්පාදනයක් විදිහට ඉදිරියට යන්න අවස්ථාවක් නෑ. ඒකට හේතුව ඒ වාහනේ තත්ව පරික්ෂාවක් කරන්න තරම් පහසුකම් දෙන්න මේ රටේ ආයතන අසමත් වීම. අවුරුදු ගාණක කැපවීමක් කරලා, සල්ලි වියදම් කරලා නිර්මාණයක් කරාම ලැබෙන දේ මේක නම්?
               පොඩි කුණු බෑග් එකට නඩු දාන (ඒවත් වැරදි තමයි), කන්ටේනර් ගනන් කුණු ගෙනාපු ඒවට වෙච්ච දෙයක් දන්නෙ නැති, රට හැදීම පැත්තකට දමා මෙලෝ වැඩකට නැති දේ වලට ගුටි ඇන ගන්න පොල්බූරුවන් පාලනය කරන අසිරිමත් රට ලංකාව. මෙච්චර දක්ෂයෝ ඉඳලත් ඉදි කට්ටෙ ඉඳලා රටින් ගේන්න ඳඟලන (කොමිස් කාක්කෝ) කට ඇරියොත් මරි මෝඩ කතා කියන හැමදාම කඩා වැටෙන ආර්ථිකයක් එක්ක "ඉන්න හිතෙන රටක්" මේක.
                 හම්බ කරන සල්ලි ගෙන්න ගන්න ක්‍රමයක්වත් නැතුව (PayPal) තමංඟේ හැකියාවෙන් විදේශ විනිමය ගේන්න කට්ට කන පිරිසක් ඉන්න, බඩගින්නෙ හාමතේ  මිය යන ලමයි ඉන්න "ඉන්න හිතෙන රටක්" මේක. ජනාධිපති අපේක්ෂකයන් කියාගන්න උන් ටිකකගෙ රෙදිත් මේ ලඟදි ගැලවුණා මතක ඇති. එක අතකින් උන් ඉල්ලන්න කලින් හැටි දැන ගත්තු එක තවත් හොඳයි.තව කියන්න දේවල් ගොඩයි... ඉතිරිය හිතන්න. හොඳට මතක තියාගන්න අපිට ඉස්සරහට එන්නෙ අන්තිම අවස්ථාව... මේකත් නැති වුණොත් ලංකාවක් නෑ කියලා හිතාගන්න එක හොඳයි.

July 19, 2019

Windows 10 වලදී Laptop Battery Report ගන්න හැටි

                                     ලැප්ටොප් එකක් අවුරුදු ගානක් වැඩ කරන කොට එක එක ලෙඩ එනවා. ඒ ලෙඩ අතරින් උඩටම එන කොටසක් තමයි ලැප්ටොප් එකේ බැටරිය කියන්නේ.
                                      බැටරියේ එන ලෙඩ වලින් අංක එක මුලින් තිබුණා වගේ චාර්ජ් එක තියෙන්නෙ නැතුව ඉක්මනට බහින එක. ඉස්සර පැය දෙක තුනක් තිබුණ එක දැන් විනාඩි 15 දුවන්නෙත් හරි අමාරුවෙන්. මේකට නම් ගොඩක් වෙලාවට හේතු වෙන්නෙ බැටරියේ චාර්ජ් කරන්න පුළුවන් වාර ගණන (Charging Cycle) අවසන් වෙලා තියෙන එක. සාමාන්‍ය‍යෙන් බැටරිය වාර 500 විතර තමයි චාර්ජ් කරන්න පුළුවන් වෙන්නෙ. ඒත් එක්කම බැටරිය 0 වෙනකම්ම වැඩ කරන එකත් බැටරිය ඉකමනින් නරක් වෙන්න බලපානවා.
                                  ඒ කොහොම උනත් අලුත ගෙනාපු එකකත් මේ විදිහට බැටරිය බහිනවා නම් ඒක බැටරියේ ලෙඩක්ම වෙන්න බෑ. ඒක චාජින් ඇඩැප්ටර් එකේ, සර්කිට් එකේ හෝ ඩ්‍රයිවර්ස් වල ගැටලුවක් වෙන්නත් පුළුවන්. ඒ නිසා බැටරිය ගැන තක්සේරුවක් ගන්න පුළුවන් නම් අපිට ලෙඩේ හොයා ගන්න ලේසි වෙනවා. Windows 10 වලදී මේ පහසුකම දීලා තියෙනවා. පහල වීඩියෝ එකේ තියෙන්නේ ඒක කරන හැටි.

[tech සයුරේ You Tube channel එක Subscribe කරලා මේ වගේ තව වීඩියෝ බලන්න] 


July 1, 2019

ට්‍රම්ප් තහනම හුවාවි වලින් ඉවතට?

                                                 චීනයේ හුවාවි සමාගම තම රට තුල තහනමට ලක් කරමින් ඇමරිකාව විසින් එම සමාගම අසාදුලේඛන ගත කරා.එම නිසා ඉදිරියට නිකුත්වන හුවාවි දුරකතන සඳහා ඇන්ඩ්‍රොයිඩ් මෙහෙයුම් පද්ධතිය ලබා නොදීමටත් ඉදිරියට රජයේ අනුමැතියකින් තොරව කිසිඳු හුවාවි උපාංඟයක් හෝ කොටසක් එරටට ගෙන්වීම ඇමරිකාවේ සමාගම් වලට තහනමක් ද  පැණවුනා. එසේම හුවාවි දුරකතන වලට චිප්සෙට්, මෙමරි කාඩ් ස්ලොට් පවා තහනම් වුවා.
                                   මේ නිසා හුවාවි සමාගම පත්වූ දැඩි අපහසුතාවයකටයි අලුත්තෙන් එන දුරකතන තබා දැනට වෙළඳපොලේ ඇති දුරකතන ද විකුනා ගැනීමට ද අපහසු වූයේ පාරිභෝගිකයින් පවා අනිසි ලෙස කලබල වී උපාංඟ මිලට නොගැනීම නිසයි. මේ නිසා ඩොලර් බිලියන 30 ක පමණ පාඩුවක් හුවාවි සමාගමට සිදුවී ඇත.
                                     මෙවන් පසුබිමක හුවාවි සමාගම තමන්ගේම මෙහෙයුම් පද්ධතියක් යටතේ දුරකතන නිපදවීමට කටයුතු කරන බවට කියැවුණා. කෙසේ නමුත් මේ බාධකය ලිහිල් කිරීමට ඇමරිකා ජනාධිපති ට්‍රම්ප් තීරණය කර තිබෙනවා. ඒ නිසා නැවතත් හුවාවි සමාගමට ඇමරිකානු සමාගම් සමග ගණුදෙනු කල හැකි තත්වයක් නිර්මාණය වෙමින් පවතිනවා. එයට අනුව හුවාවි සමාගමට ඇමරිකානු සමාගම් වලින් උපකරණ මිලට ගැනීමටත්, ඇමරිකාවේ ජාතික ආරක්ෂාවට තර්ජනයක් නොවනු ඇතැයි තහවුරු කරගන්නා ලද උපකරණ පමණක් දැනට ඇමරිකාවේ විකිණීමට හැකි බවත් ඔහු පවසා තිබේ. ට්‍රම්ප් මේ බව පවසා තිබුණේ G20 සමුළුව අතරතුර චීන අගමැති අතර සාකච්ඡාවකදී ඇතිවූ එකඟතාවක් මතයි. තත්වය මෙසේ වුවත් තවම අසාදුලේඛනයෙන් හුවාවි සමාගම ඉවත් කිරීමට ඇමරිකාව තීරණය කර නැත. ඒ නිසා මේ තාවකාලික සහනය කොයි අතකට පෙරලේදැයි තවම සැක සහිතය.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.