August 25, 2014

කැප්චා පස්ල්ස්!

සමහර අය බලයි මේ මොකක් ද කියලා.. තමන් කවරදාක හෝ ඊ-මේල් ගිණුමක් හෝ වෙනත් ඔන්ලයින් ගිණුමක් හදලා තියනවා නම් නම නොදන්නවා වුනත් මේ ප්‍රහෙලිකාවක් අනිවාර්ය්‍යෙන්ම මේ ප්‍රෙහෙලිකාවක් විසඳලා තියෙනවා..

ඊ-මේල් ගිණුමක් හරි වෙනත් ඔන්ලයින් ගිණුමක් හරි හදන්න ගියාම ඒ ෆෝම් එක පහලින් එක පාරම කියවන්න අපහසු විකෘති වුණ වචනයක් දීලා ඒක පහලින් නිවැරදිව ලියන්න කියලා තියෙනවා දැකලා තියෙනවද? ආන්න ඒක තමයි කැප්චා පස්ල් එකක් කියන්නේ!


         කෙනෙකුට හිතෙන්න පුලුවන් මේකෙන් ඇති වැඩේ මොකක්ද කියලා. බැලූ බැල්මටම එහෙම විශේෂ දෙයක් මේකෙන් නොපෙනුනත් ඒක ඒ වෙබ් අඩවි වලට යොදා තිබෙන විශේෂ ආරක්ෂක උපක්‍රමයක්. යම් තැනක තියෙන මේ ප්‍රෙහෙලිකාවක් නොවිසඳා ඉදිරියට යා නොහැකියි .තම වෙබ් අඩවියේ සේවාව ලබා ගන්නේ ඇත්තටම මනුෂ්‍යයෙක් ද එහෙමත් නැති නම් විශේෂයෙන් සැකසූ පරිගණක වැඩසටහනක් ද කියලා මේ ක්‍රමයෙන් හොයාගන්න පුලුවන්. ස්පෑම් ඊ-මේල් එවන්න, බොට් නෙට් හදන්න වගේ නීති විරෝධි වැඩ වලට හැකර් කරුවන් විසින් විවිධ විනාශකාරී වැඩ සටහන් නිර්මාණය කරලා ඒවා මේ වෙබ් අඩවි එක්ක සම්බන්ද කරලා ඒ වෙබ් අඩ්වි වල සම්පත් මේ වැඩ වලට යොදා ගන්නවා. මේ දෙයින් වැළකෙන්න තමයි කැප්චා ක්‍රමය යොදා ගන්නේ. මොන සෙල්ලම දැම්මත් මනුෂ්‍යයෙකුට හැරෙන්න මේ විකෘති වුණ වචනය කියවන්න පරිගණක වැඩසටහනකට නොහැකියි.
කැප්චා  (CAPTCHA-Completly Automated Public Turing Test to Tell Computers and Humans) වැඩසටහන නිර්මාණය කලේ ගෝතමාලා පරිගණක විද්‍යඥ මහාචාර්ය ලුවිස් වෝන් ආන් ඇතුලු පිරිස විසින් 2000 දීය. මුල් කාලයේදී මේ සඳහා යොදා ගත්තේ ටූරින් පරික්ෂාව (1950) නම් ක්‍රමයක්. මෙහිදී කෙරුනේ ප්‍රශ්ණ කිහිපයක් ඉදිරිපත් කිරීමයි.කැප්චා ප්‍රෙහෙලිකා යනු මෙහි අලුත් පියවරකි.

ඇත්තටම මෙය ආරක්ෂක උපක්‍රමයක් පමණක් ම නොවේ. එය ලෝකයාට මහත් සෙවාවක් ඉ‍ටු කරනු ලබයි. මුද්‍රිත පොත්-පත්, සඟරා හෝ වෙනත් ලිපි ඩිජිටල් පොත් බවට පත් කර ඕනෑම අයෙකුට ලබා ගත හැකි සේ ලබා දෙන සේවාවන් ලෝකයේ ක්‍රියාත්මක වේ. මෙය සිදු කරනු ලබන්නේ OCR (ඉමේජ ලෙස ඇති අකුරු ඩිජිටල් බවට හරවන වැඩසටහනකි)  වැඩසටහන් යොදා ගෙනය.කෙසේ වුවත් මේවායේ ඇති අකුරු 100% ම පරිවර්ථනය කිරීමට මේ වැඩසටහන් අසමත් ය. ඒ විකෘති වී ගිය අකුරු හඳුනාගත නොහැකි බැවිනි.මෙය මිනිසුන් යොදවා කිරීම එතරම් ප්‍රායෝගික නැත .සෑම තත්පරයකදීම ලොවේ කොතැනක හෝ කැප්චා  ප්‍රෙහෙලිකාවක් විසඳමින් සිටියි. ඉදින් දැන් මේ කියවිය නොහැකි වචන කැප්චා පස්ල් වලට යොමු කොට විසඳා ගන්න පුලුවන්.රී කැප්චා (reCAPTCHA) ලෙස මේ ක්‍රමය හඳුන්වනවා. අදවන විට බොහෝ වෙබ් සේවා මින් ප්‍රයොජන ලබා ගන්නවා.ගූගල් සමාගම විසින් මෙහෙය වන පැරණි පුවත් පත් ඩිජිටල් කිරීමේ සේවාව ඉන් මුලටම ගත හැකි සේවයකි. මින් හැ‍ඟෙන්නේ කැප්චා පස්ල් යනු හුදු ආරක්ෂක උපක්‍රමයක් පමණක් නොව ලෝකයටම සේවයක් සදන සේවාවක් බවයි.

August 18, 2014

මයික්‍රෝසොෆ්ට් සර්ෆේස් ප්‍රො 3!

මයික්‍රෝසොෆ්ට් සමාගම මෘදුකාංග සමාගමක් ලෙස ප්‍රසිද්ධ සමාගමකි.දෘඩාංග නිපදවීම පිලිබඳ ඔවුන් එතරම් ජනප්‍රිය නැත. මේ නිසා ඔවුන් දෘඩාංග නිපදවීමට අත ගැසුවේ මීට කාලයකට ඉහත දීය. එහි ප්‍රතිඵලයක් ලෙස මයික්‍රෝසොෆ්ට් සමාගමින් සර්ෆේස්  ටැබ්ලට් පරිගණකය නිකුත් විය. මෙහි අලුත්ම සංස්කරණය සර්ෆේස් ප්‍රො 3 (Surface Pro 3) මෙම මස 15 වන දා වෙළඳපොලට නිකුත්විය.
මෙම නවතම සර්ෆේස් ප්‍රො 3 ටැබ්ලට් උපාංගය හඳුන්වාදෙන්නේ ඩොකින් ස්ටේශන් (Docking Station) නම් ටැබ්ලට්ය ‍රැඳවිය හැකි ආධාරකයක්(Stand) ද සමගයි. එනම් වෙනත් වැඩ කරන අවස්ථාවලදී එය අත්ල මත තබා වැඩ කිරීමටත් අනෙක් අවස්ථා වලදී මේ ‍රැඳවුම මත සවි කොට තම කටයුතු සිදු කර ගැනීමටත් මෙමගින් පුලුවන. කෙසේ වුවද මෙම ඩොකින් ස්ටේශන් උපාංගය නිකන්ම නිකන් ආධාරකයක් පමණක් නොවේ. ටැබ්ලට් උපාංගයට බාහිර උපකරණ සවිකිරීමට ද මෙය යොදා ගත හැකිය. USB 2.0  ට වඩා දස ගුණයක් වේගවත් USB 3.0 කෙවෙනි 4ක්, HDMI කෙවෙනියක්, මීමෝ(MIMO) ඇන්ටනා,LAN සම්බන්ධතා මෙන්ම ටැබ්ලට් උපකරණයට බලය සැපයීමට ස්ථානයකින් ද මේ උපකරණයට අයත්ය.
සර්ෆේස් ටැබ්ලට් පරිගණකය වෙනත් ටැබ්ලට් පරිගණක වලට වඩා බලවත් උපකරණයකි. intel Core i5 ප්‍රොසෙසර්යකින් මෙය අලුත්ම වින්ඩෝස් 8 මෙහෙයුම් පධතියෙන් ක්‍රියාත්මක වේ. ARM ප්‍රොසෙසරය මගින් ක්‍රියා කරන සංස්කරණයක් ද තිබේ. අඟල් 10.6 ටච් ස්ක්‍රීන් එකක් ද, 32GB, 64GB, 128GB ආදී විවිධ මතක ධාරිතා වලින් ලබා ගත හැක. තවත් වැදගත් කාරණයක් වන්නේ පරිගණක තිර කිහිපයක් සමග වැඩ කල හැකි පරිදි ද සකසා තිබීමයි (4K external monitor). ඒත් සමගම කී බෝඩයක් , මවුසයක් සවිකරගත් විට මෙය සාමාන්‍ය පරිගණකයක් ලෙස භාවිත කරන්නාට දැනේ. මුලින්ම නිකුත් කල සර්ෆේස් ටැබ්ලට් පරිගණකය වසන ආවරනයද කී බෝඩ් එකක් ලෙස භාවිත කල හැකි විනි. ටයිප් කවර් (Type Cover) ලෙස එය හැඳින්විය. එහිදී ටැබ්ලටය මේසය මත ආනතව තැබීමට ආධාරකයක්(kik stand) ටැබ්ලටය පි‍ටුපසම තිබිණි.
මයික්‍රෝසොෆ්ට් සමාගමේ මේ උපාංගය අනෙක් ටැබ්ලට් පරිගණක වලට හොඳ තරඟයක් දෙනු ඇත. ඉන් වැඩියෙන්ම බලපෑම එල්ලවනු ඇත්තේ ඇපල් හා සැම්සුන් සමාගම් වලටය. සැබැවින්ම මයික්‍රෝසොෆ්ට් සමාගම සිය නව මෙහයුම් පද්ධතිය වන වින්ඩෝස් 8 පවා සැලසුම් කර ඇත්තේ ටැබ්ලට් පරිගණක වැනි ටච් ස්ක්‍රීන් වලට ගැලපෙන පරිදිය. ලෝකයේ වේගයෙන්ම ජනප්‍රිය වන්නේ ටැබ්ලට් උපාංග නිසා ඔවුන් එම මග ‍තෝරාගත්තා විය හැක.ඔවුන් තම වෙබ් අඩවියෙන් ද පවසන්නේ තම ලඟ තිබෙන ඩෙස්ක්ටොප් පරිගණකය අතහැර ටැබ්ලට් පරිගණකයට මාරු වන ලෙසයි ("it also allows this powerful tablet to replace your desktop PC!").දැන් සර්ෆේස් ප්‍රො 3 ටැබ්ලටයක් මිලට ගත් අයකුට ටැබ්ලටයක්, ලැප්ටොප් එකක් මෙන්ම ඩෙස්ක්ටොප් පරිගණකයක් යන උපාංග 3 නම ලැබුනා වැනිය. සර්ෆේස් ප්‍රො 3 විප්ලවීය උපාංගයක් වන්නේ එනිසාවෙනි.



August 17, 2014

කන පැලෙන්න සින්දු අහනවද?

     එම්පී ත්‍රී ප්ලෙයර් ඒකකින් හරි ළඟ තියෙන ෆෝන් එකෙන් හරි කොහෙ හරි ගමනක් යනකොට සින්දුවක් අහන්න හිතුනොත්.. කාටවත් කරදරයක් නැතිව මේ වැඩේ කරන්න තියෙන ලේසිම ක්‍රමය ඉයර්ෆෝන් එකක් පාවිච්චි කරන එක. ඒත් දැන් මේක ටිකක් භයානක පැත්තකට හැරිලා. මේ ගැටලුව තමයි ඉයර්ෆෝන් නිසා ඒවා භාවිතා කරන අයගේ ශ්‍රවණාබාධ ඇතිවීම හා තවත් අය මේවා නිසා සදාකාලිකවම බිහිරි බවටත් පත් වීම.
ලෝක සෞඛ්‍ය සංවිධානයට අනුව ඩෙසිබල් 85 ට වැඩි ශබ්ද [හඬෙහි සැර මනිනු ලබන්නේ ඩෙසිබල් වලිනි(db)] කනට හානිකර බවයි.. නමුත් ඉයර්ෆෝන් භාවිතා කරන්නන් මේ උපරිම සීමාවටත් වඩා ඉහල ශබ්දයකින් ගීත හෝ වෙනත් දේ ඇසීම සිදු කරනවා. ඇත්තටම මෙහෙම වෙන්නෙ කොහොමද?..
ඉයර්ෆෝන් එකත් කනේ ගහගෙන නගරයක ඇවිදගෙන යනකොට ඉයර්ෆෝන් එකෙන් ඇහෙන සද්දෙට වඩා පිටත ශබ්දය ඇහෙනවා. දැන් ඉතින් අර අහගෙන ආපු දේ අපහැදිලි වෙනවා. මේ හින්දා ප්ලෙයර් එකේ සඩ්දේ ටිකෙන් ටික වැඩි කරනවා. දැන් තමන්ට නොදැනුවත්ම තමන්ගේ කනට අහන්න පුලුවන් හඬේ සීමාවටත් වැඩියෙන් සද්දෙ වැඩි වෙලා.
පිරිසක් කතා කරමින් සිටිනා තැනක ඇති හඬෙහි උපරිම සැර ඩෙසිබල් 60කි. කලබලකාරී මාර්ගයක හඬෙහි උපරිම සැර ඩෙසිබල් 70කි, පාර කණින යන්ත්‍රයක ඇතිවන හඬ ඩෙසිබල් 100කි. යුරෝපා කොමිසම සිදුකල පරීක්ෂණයකට අනුව ඉයර්ෆෝන් භාවිත කරන්නන් හඬේ සැර ඩෙසිබල් 120 තරම් ඉහල අගයකින් ගීත අසන බවයි. මේ අයුරින් අවුරුදු 5ක් ගිය තැන ඒ තැනැත්තා බිහිරි බවට පත්වේ.
මේ හේතුව නිසා යුරෝපා සංගමය විසින් අලුත් නීතියක් තමන්ගේ රටට පනවා තිබේ. ඒ හඬෙහි සීමාව ඉක්මවා යන ඉයර්ෆෝන් තම රටට ගෙන්වීම තහනම් කිරීමයි. ඒ තම රටේ පුරවැසියන් වයස්ගත වීමටත් ප්‍රථම බිහිරි වීම වැලැක් වීමටයි.
මේ පුරුදු අත් හැරීමට නීති පැණවීමටම අවශ්‍ය නැත. කල යුත්තේ තමා විසින්ම නියමිත පරිදි ඉයර්ෆෝන් හඬ පාලනය කර ගැනීමයි. එයින් යහපත සැලසෙන්නේ තමාටමය.

August 14, 2014

ලැප්ටොප් පරිගණකයේ නිර්මාතෘ - විලියම් මොග්‍රිජ්

ලෝකයේ මුලින්ම නිර්මාණය කල පරිගණකය විශාල ශාලාවක් පිරෙන්නට තිබිණි. කාලය ගෙවී යත්ම එය ටිකෙන් ටික කුඩා වී මේසයක් මත තැබිය හැකිවන ලෙස කුඩා විය. එය සරලව "ඩෙස්ක්ටොප්" පරිගණකය ලෙස හඳුන්වයි. නමුදු මෙය එහා මෙහා ගෙනයා හැකි උපකරණයක් නොවිණි. කෙසේ වුවත් එක් විශිෂ්ඨ නිර්මාණ කරුවෙකුගේ වෑයමක ප්‍රථිඵලයක් ලෙස එහා මෙහා ගෙනයා හැකි පරිගණකය හෙවත් "ලැප්ටොප්" පරිගණකය බිහිවිය. ඔහුගේ නම විලියම් මොග්‍රිජ් ය. අද කොයි කවුරුත් ලැප්ටොප් වලින් වැඩ ගන්නේ මේ උදාර මිනිසාට පිණ් සිදුවන්නටය.
 නව නිර්මාණ කිරීමේ සහජ හැකියාවක් විලියම් මොග්‍රිජ් සතු විය. නව නිර්මාණයකට මාන බලමින් සිටි මොහුට නව අදහසක් පහලවිය. ඒ අතේ ගෙන යා හැකි හෙවත් ජංගම පරිගණකයක් තැනීමය. පැතිලි තිරයක් සහිත, බැටරි බලයෙන් ක්‍රියාකරන, නැවිය හැකි වන ලෙස හේ මේ පරිගණකය සැලසුම් කලේය. විලියම් ගේ මේ සැලසුම ක්‍රියාවට නැංවීමට ඔහුටම සරිලන තවත් පුද්ගලයෙකු ඊට හවුල් විය. ඒ ජෝන් එලන්බිය. ඔහු වෘතියෙන් ඉංජිනේරුවෙකි. දෙදෙනාම එක්ව මේ විප්ලවීය උපාංඟය නිර්මාණය කලේය. ඔවුන් නිර්මාණය කල මේ පරිගණකය "ග්‍රිඩ් කොම්පස්" (Grid Compass) ලෙස නම් කලේය. ග්‍රිඩ් කොම්පස් පරිගණකයට ෂාප් සමාගමින් නිපදවූ පික්සෙල් 320x240  තිරයක්, යතුරු පුවරුවක්  අයත් විණි. ඉන්ටෙල් 8086 ප්‍රොසෙසරයකින් පණ ලැබූ මෙය 256KB මතකයකින් ක්‍රියා කරන ග්‍රිඩ් ඕඑස්(Grid OS) මෙහෙයුම් පද්ධතියෙන් පණ ලැබීය.මෙහි ප්‍රධාන මතකය 384KB විය. 

       ඒ කාලයේදී ඉතා බලසම්පන්න උපකරණයක් වූ මෙය විලියම් හා ජෝන් එක්ව පිහි‍ටුවා ගත් ග්‍රිඩ් සිස්ටම් (Grid System) ආයතනයෙන් වෙළඳ 1976දී පොලට ආවේ ඩොලර් 8000 මිලකටය. මෙතරම් මිලක් ගෙවා මේ උපකරණය මිලට ගත්තේ ගුවන් ගමන් පාලනය හා හමුදා කටයුතු සඳහාය.

මේ නිර්මාණ කටයුතු නිසාම මොහු ඇමරිකාවේ හොඳම නිර්මාණකරුවන් 50 අතරටද ඇතුලත් විය.එසේම වර්තමානයේ ලැප්ටොප් නිපදවන්නන් සතුව ඇති පේටන්ට් බලපත්‍ර තුල විලියම් මොග්‍රිජ් ගේ පේටන්ට් බලපත්‍ර කිහිපයක් නිසැකවම පවතී.ඇමරිකාවේ සැන් ෆ්‍රැන්සිස්කෝ නුවර සිට විවිධ තාක්ෂණික මෙවලම් ලොවට දායාද කල මේ නිර්මාණකරුවා පිළිකා රෝගයකින් වයස අවු.69 ක්ව සිටියදී 2012 ඔක්තෝම්බර් 08 වැනිදා සදහටම ලොවෙන් සමුගත්තේය.

August 11, 2014

tech සයුර සින්ඩිය...

               ඔන්න මමත් මගේම කියලා බ්ලොග් සින්ඩිකේටරයක් හැදුවා. ඔයාගේ බ්ලොග් එකත් මගේ සින්ඩියට දාන්න ඕනිනම් මෙතන ක්ලික් කරලා විස්තර ටික එවන්න. කිසිම කොන්දේසියක් නෑ! 100% නොමිලේ. URL එක http://techsayurasyndi.blogspot.com/

August 10, 2014

පරණ ඩොන්ගල් එකකින් අලුත් වැඩ..

    ඉන්ටනෙට් ඩොන්ගල් එකකින් ඉන්ටනෙට් යන්න අපි ඒකටම විශේෂිත සොෆ්ට්වෙයා එකක් යොදා ගන්නවා.Mobile partner කියන්නේ ඒ වගේ සොෆ්ට්වෙයා එකක්. අද තියෙන ගොඩක් ඩොන්ගල් වල යොදා ගන්නෙ මේ සොෆ්ට්වෙයා එක.

මේ සොෆ්ට්වෙයා එකේ අලුත්ම සංස්කරණය තමයි Mobile partner 23.009 . නමුත් පරණ ඩොන්ගල් වල තියෙන්නෙ මේකෙ පරණ  සංස්කරණ. දැන් මේ අලුත් එකෙන් වැඩගන්නෙ කොහොමද? ඒකට කරන්න ක්‍රම 2 ක් තියෙනවා. එකක් තමයි ඩොන්ගල් එකේ ෆර්ම්වෙයා අප්ඩේට් කර එක.මේ අප්ඩේට් ඩොන්ගල් එකට අදාල සමාගමේ වෙබ් අඩවියෙන් ලබා ගන්න පුලුවන්. හැබැයි මේක ටිකක් අවදානම් වැඩක්. ඒකට හේතුව තමයි හදිස්සියේ වත් මේ වැඩේ කරන වෙලාවේ සිදුවෙන අතපසුවීමකින් ඩොන්ගල් එක නැවත භාවිත කල නොහැකි විදිහට අක්‍රිය වෙන්න පුලුවන්. අනෙක මේ වැඩෙන් ලබාගත් ආයතනය සමග තියෙන වගකීම නැතිවෙනවා.ඒ කියන්නේ ඩොන්ගලයට යම් ආපදාවක් උනෝතින් සමාගම වගකියන්නේ නෑ.
අනෙක් ක්‍රමය පරණ සංස්කරණයත් සමගම අලුත් සංස්කරණය භාවිත කරන එක. මේ දෙකම ඉන්ස්ටෝල් කරන්න හේතුව පැරණි ඩොන්ගල් වල ඩ්‍රයිවර්ස් සොෆ්ට්වෙයා අලුත්  සංස්කරණයේ නොතිබීමට හැකිවීමයි. තව ගැටලුවක් තියෙනවා. අපි ඩොන්ගල් එක කොම්පියුටරයට ගහපුවාම එන්නෙ පරණ සොෆ්ට්වෙයා එක.ඒත් ඕනි අලුත් එකනේ. අන්න ඒකට ක්‍රමයක් තමයි දැන් මම කියන්නේ.


  • 2) දැන් පරණ සොෆ්ට්වෙයා එක ඉන්ස්ටෝල් කරලා තියෙන ෆොල්ඩරයට තියෙන ෆයිල් 3 නම කොපි කරන්න.

  • 3) ඊළඟට ඩොන්ගල් එක කොම්පියුටරයට ගහපුවාම එන පරණ සොෆ්ට්වෙයා එක හොයාගන්න. සාමාන්‍යයෙන් මේක Mobile conect.exe වගේ නමකින් තියෙන්නේ.දැන් අර කොපි කරපු ෆයිල් වල Rename කියලා ෆයිල් එකක් ඇති.ඒක අර පරණ සොෆ්ට්වෙයා එකේ නමින් වෙනස් කරන්න. ඊට ඉස්සෙල්ලා පරණ සොෆ්ට්වෙයා එකට වෙනත් නමක් දෙන්න. ඒකියන්නේ  Mobile conect.exe කියලා තියෙන පරණ සොෆ්ට්වෙයා එක  Mobile conect(1).exe වගේ නම වෙනස් කරලා Rename.exe එක  Mobile conect.exe කියලා වෙනස් කරන්න.



  • 4) ඊළඟට අර ෆයිල් 3න් එකක් ඇති Mobile Partner Reloder කියලා. ඒක ඕපන් කරලා ඒකෙන් අලුත් සොෆ්ට්වෙයා එක ‍තෝරන්න.


දැන් වැඩේ හරි. ඩොන්ගල් එක ගහලා බලන්නකෝ! ගැටලු තියෙනවනම් පහලින් දාන්න.

August 4, 2014

ලොව හොඳම කැමරාව සමග එන Sony Xperia Z2 ස්මාට්ෆෝනය

     ලොව ප්‍රමුඛ පෙලේ ජංගම දුරකථන නිපදවන සමාගමක් වන Sony සමාගමෙන් වෙළඳපොලට නිකුත්වූ අලුත්ම ස්මාට් ෆෝනය වන්නේ Xperia Z2 දුරකථනයි.
    ඔවුන්ගේ සමාගම මගින් ඉදිරිපත් කරන ලද Xperia කාණ්ඩයේ අලුත්ම ස්මාට් ෆෝනයි. සැබැවින්ම Sony සමාගම ගාම්භීර නිපැයුමක් ලෙස මෙම Xperia දුරකථනවෙළඳපොල වෙත ඉදිරිපත් කරයි. මෙම කාණ්ඩයේ මීට පෙර පැමිණි Xperia Z1 හි නව සංස්කරණයක් ලෙස  Xperia Z2 දුරකථනය ඉදිරිපත් කරයි. නවතම Qualcomm® Snapdragon™ 801 ප්‍රොසෙසරයකින් පණ ලබන මෙහි පික්සෙල් 20.7 ක අති සුපිරි කැමරාවකින් හා අති පැහැදිලි රූප මැවිය හැකි අඟල් 5.2 ක 1920x1080 අධි විභේදන (Full HD) TRILUMINOS තිරයකින් සමන්විත වේ. 

     නවතම සංනිවේදන තාක්ෂණික ප්‍රමිතිය වන 4G LTE ද සහය දක්වන මෙය ජලයට හා දුහුවිල්ලට ප්‍රතිරෝධී(Water & Dust proof) උපාංගයකි. 
     මේ සමගම හොඳ පැහැදිලි සංගීතය රසවිඳීමට අපැහැදිලි හඬ කපාහරින(Digital noise cancelling technology) තාක්ෂණයද මේ සමග ඇත. තවද ලංඟදි නිකුත්වීමට නියමිත මයිකල් ජැක්සන් ගේ ගීත ඇල්බමයක් ද මේ සමග ලබා දෙයි. මීට අමතරව තව සේවා ‍රැසක් මේ සමග ලබා දේ.මෙය අපේ රටේ දී රු 105,999/= කට මිලදී ගත හැක.



August 3, 2014

අපිටත් "ඕපන් සෝස්" වෙන්න බැරිද?

මම අද ලියන්නෙ ටිකක් වෙනස් දෙයක් ගැන. මම මේක ලියන්න පටන්ගන්න කොටම කියන්න ඕනි. මම මේ කතා කරන්නේ දේශපාලනය නම් නෙවෙයි. දේශපාලනය කියන්නේ මට එපාම කරපු දෙයක්. මම මේ ලියන්නේ මට හිතෙන,දැනෙන දේ.
අපේ රටට පරිගණකය හඳුන්වාදීලා දැන් අවුරුදු 25ක් විතර වෙනවා. ඒත් ඒක ටිකක් ප්‍රචලිත වෙන්න පටන් ගත්තෙ ලඟක ඉඳලා. සාමාන්‍ය පරිගණකයක මිල පවා ඒ කාලයේ සොච්චම් පඩියකින් මාසයක් ජීවත්වෙන පවුල් වලට දරාගන්න අපහසු වෙන්න ඇති. එතකොට ඉන්ට(ර්)නෙට් එහෙමත් එච්චර ප්‍රසිද්ධ නෑනෙ. ටික කාලෙකට පස්සේ අලුත්ම පරිගණක වෙනුවට, වෙනත් රටක පාවිච්චි කරපු පරිගණක අපේ රටේ වෙළඳපොලට එක් වීමත් සමග මේ තත්වය හොඳ පැත්තකට හැරුනා. ඒ ඒවායේ මිල තරමක් අඩු වීම නිසා. අපේ ගම් වල කෙල්ලො කොල්ලො මේ අලුත් උපකරණයට ටික ටික හුරු වුණා.
      මේක අරගතත ගොඩක් අය කලේ දිගට හරහට ගේම් ගහපු එක තමයි. ඒ කාලේ නිසි පරිගණක අධ්‍යාපනයක් නොතිබීමත් ඊට හේතුවක් වෙන්න ඇති. ඉතින් මේකෙන් කරන්න පුලුවන් ලේසිම දේ.. ඒ කිව්වෙ ගේම් ගැහිල්ල අපේ අය සාරෙට කලා.. දැන් උනත් පරිගණකයක් ගන්න පොඩි එකෙක් ගියොත් අහන්නේ "අයියේ මේකෙ මොනවද ගහන්න පුලුවන් ගේම්?" කියලා. පරිගණක විකුනණ අයත් මේක හොඳ වෙළඳ උපක්‍රමයක් විදිහට යොදා ගත්තා. කොහොම හරි මෙහෙම ගෙදර අරන් ආව පරිගණකය පණ ගන්වපු ගමන්ම මේ අයට පෙනුනේ පාට හතරෙ කො‍ටු හතරක් (වින්ඩෝස්) එක්ක ආපු අපූරු පසුබිමක තියෙන රූප ගොඩක්.. මේක නීතිවිරෝධී එකක් ද නීත්‍යානුකූල එකක් ද තියා මෙහෙයුම් පද්ධතිය(opereting system) එක කියන් එකවත් මේ අහිංසකයො දැන්ගෙන හිටියෙ නැති තරම්.. මොකක් හරි ලෙඩක් ආවොත් අර 'පෙට්ටිය' වගේ එකේ තියෙන වයර් ටික ගලෝල දාලා ආයෙත් විකුනපු කඩේට ගිනිච්චාම ඒකෙ අයියා "මල්ලි,මේක ෆොමැට් කරන්න ඕනි" කියලා කිව්වහම තේරුම නොදන්නව උනත් "හා" කියලා පස්සේ රු 150-200 ක් දීලා හදාගෙන් ආයෙ ගෙදරට උස්සගෙන යනවා.හරි විදිහට රු 50000 - 100000 විතර දීලා කරගන්න ඕනි වැඩේ(නීත්‍යානුකූලව සොෆ්ට්වයා මිලදී ගන්නවනම්) රු 150-200 කට අහවර කරගන්නවා. කොල්ලෝ මේ වැඩේට ටිකක් දක්ශ උනත් කෙල්ලන්ට මේක ටිකක් අමාරු කේස් එකක්.ඉතින් කොම්පියුටර් උගන්නන්න අම්මල තාත්තලා මේ අයව "කොම්පියුටර් කෝස්" එකකට යවනවා. ඒකෙ උගන්නනෙ ඔ‍ෆිස් (ඒ කාලෙ පරිගණකය දන්නවා කියන්න තිබුන මූලික සුදුසුකම).මොන ඔ‍ෆිස් ද? MS Office.ක්‍රැක් ද?. අනේ දන්නෑ!.මේක තමයි තිබුන තත්වේ.

       කොහොම උනත් අපේ රටේ අය දක්ෂයි නේ. ඔය හඳට රොකට් යවන ඇමරිකාවේ නාසා ආයතනය, ලොකු ලොකු සොෆ්ට්වෙයා සමාගම් වල වැඩ කරන්නෙ අපේ රටේ අය තමයි. ඒක නිසා  පරිගණකයෙන් කරන්න පුලුවන් වැඩ ගැන ඉගෙන ගන්නත්, ඒකෙන් ලොකු ලොකු වැඩ පෙන්නන්ත් අපේ අය දකෂ වෙලා තියෙනවා. අද ඉන්ටනෙට් එකේ විවිධ මාතෘකා ගැන සිංහලෙන් ලියපු ලිපි ඕනෑ තරම් තියෙනවා. මගේ බ්ලොග් එක වගේම පරිගණකය ගැන විස්තර තියෙන බ්ලොග් , වෙබ් සයිට් ගොඩක් තියෙනවා. ඊට අමතරව තව බොහෝ දේවල් ඉන්ටර්නෙට් එකෙන් අපේ භාශාවෙන් කියවන්න තියෙනවා.
ඒ උනත් අපි තාමත් අර වෙන රටකින් ආපු OS (මෙහෙයුම් පද්ධතිය) ක තමයි පාවිච්චි කරන්නේ. ඕකෙන් කීයෙන් කීදෙනාද නිවැරදිව සල්ලිදීල ගත්ත OS තියෙන්නෙ? . නොමිලේ දෙන ඕපන්සෝස් ඒ කියන්නේ විවෘත කේත තියෙන OS (ලිනක්ස්. උබුන්‍ටු වැනි) බාවිතා කරන අය නැතුව නෙවෙයි. ඒත් ඒවගේ අය ඉන්නෙ බොහොම ටිකයි. මේකට හේතුව මොකක්ද? අපේ රටට මේ උපකරණය ලැබිලා අවුරුදු 25 ගත වුණත් තවමත් අපිට අපේම කියලා OS එකක් හදාගන්න බැරිවෙලා. මේක මහා ලොකු දෙයක් වගේ උනාට ඒ වැඩෙ ලස්සනට කරපු අය ඉන්නවා. හන්තාන ලිනක්ස් කියලා අපේ රටේ කට්ටියක් හදපු ලිනක්ස් පාදක OS එකක් තියන බව ගොඩක් අය දන්නවා ඇති. ඒ අය මේක දෙන්නෙ සත පහක් වත් අරන් නෙවෙයි. ඒක අපේ රටේ ජනප්‍රිය කරන්න ඒ අය දරන උත්සහය මම දැකල තියෙනවා.
      ඒ උනාට මේකට මූලික වෙන්න ඕනි අපේ ආණඩුව නෙවෙයි ද? ඔය ලොකු ලොකු ව්‍යාපෘති වලට මුදල් වෙන් කරන මේ අයට මේක කල්පනා උනේ නැත්ද? රජය මැදිහත් වීමෙන් අපිට ආවෙනික අපේම OS එකක් හදන්න හරි හන්තාන වගේ තියෙන OS එකක් දියුනු කරන්න සහයෝගය දෙන එක තමයි කරන්න ඕනි දේ කියලා මම හිතන්නේ. ඒකට උදව් වෙන්න ඕනතරම් දක්ෂ පරිගණක ඉංගිනේරුවො අපේ රටේ ඉන්නව. මේක කෝටි ගණන් වියදම් කලයුතු වැඩක් නොවෙයි. ඊට පස්සේ පාසල් වල මේ වැඩ ගැන දැනුවත් කරාම අපේ පොඩ්ඩංගෙ හිත් මේ ගැන අනිවාර්ය්‍යෙන් ඇදිල යනවා.තව රාජ්‍ය ආයතන වලටත් මේ OS එක හඳුන්වා දෙන්න පුලුවන්. එතකොට මේකට හරියන මෘදුකාංග ලියන්න අපෙ රටෙ අයටම පුලුවන්. මේ විදියට කලොත් දැන් ඉන්න පරම්පරාව නැති උනත් ඊලඟ පරම්පරාවෙ අය හරි අපේ දෙයකට හුරු වෙයි. මේ දේ හරියට කෙරුනොත් වයිරස් ප්‍රශ්ණ නැති නොමිලේ දෙන ,අපිට ගැලපෙන OS එකක් නිර්මාණය වේවි.
තව වැදගත් දෙයක් තියෙනවා. ඒ තමයි අපෙ තොරතුරු හා සංනිවේදන තාක්ෂණ විෂය ධාරාව(ICT). පරිගණකය පිලිබඳ පාසල් සිසු සිසුවියන්ට උගන් වන්න නෙ ඔය විෂය අධයාපන පද්ධතියට ඇතුලත් කලේ. මේ ICT විශය නිර්දේශයේ උගන්වන මෘදුකාංග වාණිජ මෘදුකාංගයි. උදාහරණයක් ලෙස ඇඩොබි ෆොටෝශොප්, මයික්‍රොසොෆ්ට් ඔ‍ෆිස් දක්වන්න පුලුවන්. මේ වෙනුවට අපිට නොමිලේ දෙන ඕපන් සෝස් මෘදුකාංඟ ඇතුලත් කරන්න බැරිද? ලිනක්ස් හුරු නැතැයි කියමුකෝ. ඒවෙනුවට ලිනක්ස් වින්ඩෝස් OS දෙකේම වැඩකරන මෘදුකාංඟ යොදා ගැනීමට අපට පුලුවන. ඒ අනුව ෆොටෝ ෂොප් වෙනුවට ගිම්ප්(Gimp) වගේම මයික්‍රෝසොෆ්ට් ඔ‍ෆිස් වෙනුවට ඕපන් ඔ‍ෆිස් භවිතා කරන්න පුලුවන්. අපේම කියා OS නැති උනත් අඩුම තරමින් ඕපන්සෝස් සොෆ්ට්වේයා වලටවත් ළමයි හුරුවේවි. කෙසේ කොහොම කීවත් අපෙ රටේ ලොකු උදවියගේ සැලසුම් හා පිඹුරුපත් සැකසීම පමණි. ක්‍රියාවට නැංවීම් නැත.



මා මෙතෙක් කියූ දෙයින් අදහස් වෙන්නේ අපේ රටින් වණිජ මෘදුකාංඟ ඉවත් අලයුතුය යන්න නොවේ. ඒවාද තිබිය යුතුය. නමුත් අපෙ රටේ මිනිසුන්ට නොමිලේ දෙන ඕපන් සෝස් ඒවාට හුරු කලහොත් ඒ අය තවදුරත් ක්‍රැක් කරන ලද නීතිවිරෝධී මෘදුකාංඟ භාවිතය අඩු වේවි.

එකතුවෙන්න...

 
         
 

tech එකේ ඉන්න අය

Contact Form

Name

Email *

Message *

ජනප්‍රිය ලිපි

ලිපි එකතුව

ආව ගිය අය

page visitor counter

ලිපි කියවා ඇති ගණන

tech සයුර Copyright © 2014 - All rights reserved.